หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 37

หัวข้อ: แมงอีฮ้อง....คือน้องสั่ง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    แมงอีฮ้อง....คือน้องสั่ง

    แมงอีฮ้อง....คือน้องสั่ง

    ใกล้เมษา มีนาคล้อย ฝนปรอยๆ ฮำช่อม่วง
    พวงผกาป่งช่อ ลวงล่อหมู่แมลง
    หมากสะแบงแดงเป็นปุ้ม ทั้งดอกจานบานทั่วท่ง
    ดอกมันปลาเตรียมป่งก้าน ขะยอมนั้นกะดั่งกัน
    รอคอยวันมื้อ ขจรไกลกระจายกลิ่น
    รอมีนาสิ้นเตรียมจ้อสิเบ่งบาน

    ไม้อีสานบานยามแล้ง
    หอมยามแลงแดดอ่อนๆ
    ออนซอนฝูงภู่เผิ่ง โลมไล้ดูดดม
    พรมพรำเพลี้ยใบม่วงเป็นยางเหนียว
    หัวกระเจียวหลบในดิน หลับไหลบัดยามแล้ง

    กะปอมแดงอีก่าน้อย ตอดเงาเอิ้นเพรียกคู่
    ฝูงหมู่กาและเอี้ยงเสียงฮ้องส่วนแซว
    อยู่ตามแนวป่าไม้ กินหมากไฮ หมากม่วงหมั่ง
    อยู่ตามฝั่งขอบห้วย นกยางจ้องส่องปลา

    อยู่ตามนาป่าไม้ เสียงใสๆ ฟังๆ ไป แล้วใจสั่น
    เสียงจักจั่นแมงอีน้อย เซ็งแซ่แล้วเปลี่ยวใจ
    ฟังไกลๆ คือเสียงน้อง ฮ้องสั่งว่าลาไกล
    บ่อมีวันคืนหวน อดีตกาลเคยหวานชื่น
    วันคือที่ลับล่วง คือผลพวงให้ฮักห่าง
    อยู่กลางท่งอ้างว้าง แมงอีฮ้อง แห่งฮ่ำฮอน
    แก้ไขครั้งสุดท้ายโดย ทิดจ่อย; 04-03-2011 at 16:04.


  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    :l- ปาดดด มาคิดฮอดแต่ยามน้อยๆแท้น้อ อาจารย์บาดนี้ 55555555 ไปค้องกะปอม หาต่อยแมงจักจั่น ออยยยย เข้าป่าหาหน่อไม้

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    พาคึดฮอดแต่บ้านเนาะผญาเจ้าอ้ายทิดจ่อย ^^

  4. #4
    เสียงแมงอี..อี่ออดอ้อน สุดสะออนสะท้อนทั่ง
    นอน-นั่งฟังเสียงเจื้อยแจ้ว ได้ยินแล้วให้สะหวอย
    ประหนึ่งนงนารถน้อย สิพลอยพรากไปจากพี่
    เสียงแมงอีคือเสียงเจ้า กำลังเว้าว่าลา..
    คือดั่งฝนสิลาฟ้า ปลาสิสั่งลาหนอง
    บัวทองสิลาบึง ปี่ซอซึงสิลาแอ้
    สิคิดแคร์แน่บ้อน้อง สิคิดมองคืนหลังอ่วย
    สิคิดช่วยยื้อชีวิต ผู้ที่คิดถึงแต่เจ้า แน่บ่น้อ
    สัญญารอยังคงเค้า คือเก่าเด้อทางใจ
    ยังห่วงใยและห่วงหา ทุกเวลาบ่มีเว้น
    วอนคิดเห็นใจบ้าง คันแม่นนางสิป๋าปล่อย
    คิดเห็นใจคนคอย ย่านสิม้อยระแม่งม้วน คันอวนเจ้าสิกล่าวลา...

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ย่างเมษานากะแล้ง แดดแฮงแฮงขี่ดินไง่
    กอไผ่ เหลือแต่ลำส้ายหล้าย ควายบักตู้ซ่นฮ่มฮัง
    เสียงดังมาจนซาอู้ ในหูอี้แล้วอี่
    เทิ่งจักจั่นแมงอี อีแล้วอีหวีดฮ้อง คือเสียงน้องเอิ้นสั่งชาย
    คันบ่หมายมาเป็นซู้ เป็นสังนอคือบ่บอก แหน่น้อ
    หลงคารมนางแจ่งแจ้ คือเป็นได้คิดอยากตาย เด้น้อ
    แนวมารยาญิงนี้ หลายคารมโบราณบอก
    ร้อยเล่มเกวียนยื่นพื้น เกินนั้นให้คึดเอา เด้อ
    พออยากเซาสาซ้ำ เว้านำญิงข่อยเปิดหน่าย
    เว้าให้ชายนี้ตั้งก้อ แล้วยอถิ่มบ่อี่ดู ...
    :l-:l-

  6. #6
    วอนวี่วอนออนซอนเจ้า แมงอี่เว้ายุในป่า
    จั๊กจั่นเสียงหรรษา สกุนาเสียงซ้องก้องพนา
    มวนบุพผาออกดอกย้อย อ่อยแมลงแมงบินตอม
    กลิ่นดอกไม้ห๊อมหอม พวงผยอมยามหน้าแล้ง
    เสียงดังแฮงจั๊กจั่นน้อย ร้องจ้อยจ้อยรำคราญเสียง
    ย้อนขาดคู่มายุเคียง เลยส่งเสียงสำเนียงร้อง
    มองหาคู่บ่มีแล้ว แนวเพิ่นน้อหาหม่องใหม่
    จั๊กจั่นฮ้องเสียงใส พอได้ให้กะปอมน้อย
    คอยเขี่ยงเอียงหูฟัง สั่นแหล่วพี่น้องเอ้ย





    อิอิ จักสิฟังกันรู้เรื่องบ่ดอก จั๊กจั่นกับกะปอมว่านิ ส่อยๆๆๆ

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    พากันฟังแต่เสียงจักจั่นแมงอีเสียงนกเสียงหนูฮ้อง
    อยากสิฟังเสียงกะปอมบ่ พี่น้อง

    :,1-

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    มวนหลายจ้าลูกเขย ทิดจ่อยจ๋า เว้ามาแล้วกะคิดฮอดบ้าน แท้เด้ อิอิอิ

  9. #9
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    ม่วนแท้น้อผญาแมะ คิดฮอดบ้าน คิดฮอดตอนเป็นเด็กน้อยๆ เนาะ

  10. #10
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    เสียงจักจั่น..งันพนาป่าไม้
    คือใจน้อง..ฮ้องหาพี่
    เสียงแมงอี..แว่วดังก้อง
    คือใจน้อง..ฮ้องฮ่ำหา
    อ้ายเอ้ย..ยามน้องไปไกลตา..จงฮักษาวาจาพี
    วาอ้ายนี่ฮักแต่น้อง..บ่หมายข่องเกี่ยวผุได๋
    แม่นสิอยู่ไกลเจ้า..ฮักสองเฮายังมั่นแก่น
    คือสายแนนส่งยู้..ชูข่างบ่ห่างลา..ดอกเด้ออ้ายเอ้ย

    สั่นดอกหว๋า :l-ขอมาม่วนนำค่ะ


    อ่านผญาอ้ายทิดจ่อยแล้วคิดฮอด(บ้าน)หลาย



    แก้ไขครั้งสุดท้ายโดย จำปา; 08-03-2011 at 17:08. เหตุผล: เปลี่ยน"ข่อย เป็น ข่อง"อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •