กำลังแสดงผล 1 ถึง 4 จากทั้งหมด 4

หัวข้อ: ประทับใจก่อนเดินทาง...ส่งนางขึ้นรถ

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    รอบยิ้มพิมใจ ประทับใจก่อนเดินทาง...ส่งนางขึ้นรถ

    กินข้าวแลงนำน้อง สองคนแสนอบอุ่น หล่าเอ้ย
    โลกสิหมุนปั่นปลิ้น กะตามถ่อนอ้ายบ่สน
    เฮาสองคนนั่งกินข้าว ใต้เงาจันทร์ที่สาดส่อง
    ตาจ้องตาสาดต้อง ใจมันฮ้องบอกฮักนาง
    สาธุเด้อ ขอผลาที่เคยสร้าง ให้มานำหนุนส่ง แหน่เด้อ
    ให้ได้แม่อนงค์ มาเป็นคู่อยู่ซ้อน สมใจอ้ายปรารถนา
    ขอให้พรหม อยู่ฟ้า ผู้จัดนิ่งสายแนน
    ดลบันดาลให้นางฮัก แต่พี่ชายอย่าเพม้าง
    น้องเดินทางคืนนี้ ล่วงราตรีนิทถะนิ่ง
    ขอให้นางนารถน้อง ฝันเถิงอ้ายผุส่งทาง แหน่เด้อ
    ประทับใจก่อนเดินทาง...ส่งนางขึ้นรถประทับใจก่อนเดินทาง...ส่งนางขึ้นรถประทับใจก่อนเดินทาง...ส่งนางขึ้นรถ
    แก้ไขครั้งสุดท้ายโดย หนุ่มหน้าลาว; 20-03-2011 at 06:25.

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    หล่านางเอ้ย..อ้ายนี้คิดนำเจ้า เสมอดั่งดวงตา
    เป็นหยังน้อกานดา บ่พาพี่เมือด้วย
    ขอคนสวยอย่าสุตำสะดุดต้อง หินแห่กลางทาง
    อย่าสุตำสะดุดต้อง หินบางกลางหล่า
    ให้เจ้าก้มหน้าต่ำไว้ ไปฮอดบ้านแล้วจั่งเงย
    ให้เจ้าเสยไว้เด้อหล่า อย่าจาปากนำไผ
    บ่าวทางได๋มาคุยนำ อย่าต่อคำเขาเด้อน้อง
    อ้ายยังคองอยู่เด้อเจ้า ฟ้าวคืนมา..สาเด้ออ้ายอ้าวโอ่
    ขอให้ Hello picture.. เด้อหล่า อ้ายส่งทาง..



    :,1-:,1-

  3. #3
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ยามความฮักมาตำต้อง..สองสายตาประสานคู่
    อ้ายฮักน้องน้องฮักอ้าย..ส่องประกายสายสะแนน
    คาดแต่แสนแนนแต่ฟ้า..ได้มาพ้อคู่เขนย

    (ยินดีนำเด้อค่ะที่พ้อคนฮัก)

    ถึงยามฮักน้ำผักไซกะวาหวาน..พอยามพลานหัวตาลอ้อยแท้ๆกะวาขม..คนเอ้ย

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    จำปา...เจ้าผุดวงดอกไม้ขาวนวลหอมห่วน
    ขอบคุณเด้อ มาอวยพรให้อ้ายให้มีมั่นฮักจริง
    บ่มั่นใจดอกหล่า แนวว่าวาสนาของอ้ายนี่มันต่ำ
    สิบ่สมซาติซั้นนางน้องเพิ่นยศสูง
    เพียงแต่ปองเอาน้อง ฮักแก่นเพียงในใจ เจ้าของแหล่ว
    แต่ว่าโตของนางย่านบ่สนคนคืออ้าย
    อันว่าใจคนนี้บ่มีไผสิทอดหยั่ง เห็นดอก
    อาจสิหลอกอ้ายเล่น สมใจแล้วสิล่ายหนี
    เว้าว่าฮักยุตอนนี้ มื้ออื่นอาจมืยมาย
    ย้านเพิ่นมีหลายชายเฮาบ่หวนเห็นฮู้
    จากับเฮาเพียงซู้ ลมลมแล้วพ้นผ่าน
    เหยียบฮักเฮาให้แหลกราญ
    มุ่นปานป่นเขียดน้อย แล้วลอยหน้าบ่อี่ดูล่ะ จำปาเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •