ป่นปู(ทะเล)....จากครัวฝึกหัด

[สาวทองแพง]

สวัสดีจ้าพี่น้อง ขอโอกาสส่งการบ้านพี่แมงสะดิ้งก่อนจ้าเมนูนี้
ขอบคุณงามๆไปยังเอื้อยเลานำจ้า ที่เฮ็ดให้ได้กินเมนูนี้จ้า :l-
พอดีมีปูทะเลแช่แข็งอยู่หลายจ้า เลยแบ่งมาลองป่นเบิ่ง สิแซบบ่น้อ
ขั้นตอนทุกอย่างก็ทำแบบป่นปูนาบ้านเฮาจ้า เพียงแต่ใช้ปูทะเลแทนปูนาแค่นั้นจ้า
1.เอาปูมาล้าง และแกะกระดองปูออกจ้า เอาแต่อก ก้ามและขาก็พอจ้า

2.เอาใส่ครกตำให้ละเอียด แล้วเติมน้ำลงนิดหน่อย
ก็กะปริมาณเอาจ้า ให้เหมาะกับจำนวนปูที่ใช้จ้า
แม่ครัวฝึกหัดใช้ปู10ตัว ต่อ น้ำ1/2ถ้วยต่วงจ้า

3.แล้วกรอกด้วยกระชอนเอาแต่น้ำใส่หม้อตั้งไฟให้เนื้อปูจับตัวกันเป็นก้อนจ้า
อย่าคนหม้อบ่อยเด้อจ้า เดี๋ยวเนื้อปูจะบ่จับกันเป็นก้อนจ้า

4.แล้วพักเนื้อปูให้เย็นก่อนค่อย ใส่พริกป่น ต้นหอม ผักชีซอย ปรุงรสด้วยน้ำปลาชิมให้ได้รสชาติตามชอบจ้า

และแล้ว ป่นปู(ทะเล) ออกมามาหน้าตาแบบนี้จ้า

เสิร์ฟพร้อม ผักดอง ถั่ว ผักชีลาวจ้า เชิญแซบจ้าบาดนี้ สมใจอยากแฮงจ้า :l-

ขอบคุณสำหรับพื้นที่และทุกท่านที่สละเวลามาเยี่ยมชมกระทู้จ้า

[ใบไม้สีชมพู]

เมนูโปรดเลยจ้า
แถวบ้านเอิ้นว่าลาบอีปูจ้า
น่ากินอีหลีจ้า

[Boom69]

เป็นตาแซ่บแท้หน้อ...หิวข้าวเด้ ขอบคุณที่แบ่งปัน อาหาร อร่อยๆ นะค่ะ

[สาวบ้านแต้]

ป่นกะปู่ กินกับผักต่างๆ ลดไขมันจ้า เมนูสุขภาพตั๊วะนี่

[เซียงเหมี่ยงเมืองสุรินทร์]

หิวข้าวเลยครับน้องแพง....

[thedon]

เคยกินแต่ป่นปูนาครับ ปูทะเลกะเป็นตะแซ่บคือกันเนาะครับ

[สาวทุ่งฝน]

เห็นหยังกะจับป่นได้เบิดน้อจ้าเอื้อย มันมันคือปูนาบ้านเฮาบ่น้อจ้า
เป็นตาแซบน้อจ้า เว่าแล้วกะสิแล่วสวยน้ำเอื้อยแพงนี่หละจ้า คิคิ

[แจ่มใสยิ้มสวย]

แถวบ้านพี่ แจ่มใสเรียกลาบปู แม่พี่ใสข้าวคั่วด้วยหอมดี แบบนี้ก้ต้องลองจ้า

[ต่าย]

ชอบปูมากเลยจ้าน้องแพง ผัดผงกะหรี่ นึ่งจิ้ม หรือ นำมาป่นกะได้ซั้นตี้
สูตรนี้บ่ใส่น้ำนัวๆแม่นบ้อจ้า
เด๋วสิลองทำเบิ้ง แล้วเอามาแจมเนาะ :l-:l-
สิเอาปูนาน้อยกะหลูโตนมันจ้า อิอิ