ก้อนทองของน้องเอ๋ย
หลงคะนิงนำอ้าย ซายคนไกลเคยเว่าส่ง
ส่างมากล้าตั๋วลง เฮ็ดให้น้องป่วงละเมอ
นางยังจำได่อยู่เด้อ คำมั่นที่อ้ายอ่อย
ขอมักนางนาดน้อย อ้ายยังตอยเล่นฮั่นเด้
ยามนี้อ้ายมาเพ เพลาฮ้างกลางหล่มปล่อย
ปะให้ปลาเข็งน้อย ตายแดดอยู่โตเดียว..ซั้นบ้อ
บืนไปก่อน ซามเก่งนำเพิ่น..เนาะพี่น้อง
[MUSIC]http://dc129.google.co.th/img/90070765/dfea00c2/dlink__2Fdownload_2FV6fifima_3Ftsid_3D20110307-024226-df94d32a/preview.mp3[/MUSIC]
แก้ไขครั้งสุดท้ายโดย sompoi; 07-03-2011 at 15:07.
มองต่าง..อย่างปลง
มาเป็นกำลังใจให้ปลาเข็งน้อยต้า...อิอิ
อะป้าดดดดด ผญาสาวมิคก์ ดีใจนำอาจารย์ศรีสะท้านเด
น้องสาวหล่าเผิ่นเขียนผญาแล้ว เคยเห็นแต่แนวกลอนฮัก
กลอนอกหักเผิ่นหากเก่งแท้ๆ แวมาเว้ากล่าวผญา
อ้ายเป็นกำลังใจให้เดอ มิคก์ ม่วนยุ
@น้องเตยคนงาม อะปากนาง เอื้อยสิพาเว่ายังว่า..หึยยย
@อ้ายจิดจ่อย (แม่นอ้าย หืออาว น้อ :l- ) ขอบคุณหลายๆจ้าสำหรับกำลังใจ มักผญาคัก แต่ว่าอายเว่าจ้า ย่อนมีแต่ผู่แต่งม่วนๆแม่ะอ้าย อั่นทางอ้ายศรีเล้ากะยกธงขาวไปดนแล้ว ย่อนสอนยามได๋บ่ได่ใจเล้าจ๊ากเทื่อจ้า หองระดับปรมจารย์กะลูกแหล่งเน่าะอ้าย
มองต่าง..อย่างปลง
ยามเมื่อสายลมต้อง สุคนธาทงกลิ่น
หอมระรินรวยระรื่น แสนซมซื้นซื่นมะโน
ยามอรุโณทัยแจ้ง สาดแสงทองส่องสว่าง
คือยามนางมาย่างไกล้ ไล่เหงาพ้นอนธกาล
คือสายธารพิรุณย้อย มวลพฤกษ์พลอยขจีเขียว
แอบเก็บเกี่ยวความรู้สึก จากส่วนลึกในใจอ้าย
ดุจดั่งสายแสงรุ้ง สีเฮืองฮุ่งตามฟ้าหม่น
ยามเมื่อฝนซาเอื้อน ขยับเคลื่อนสู่นภา
ยามคิดฮอดเจ้าเด้อหล่า ในอุราแค้นจ่อล่อ
ข้าวคาคอบ่ท่ออ้าย อุกอั่งฮ้ายบาดคิดถึง...
ดีใจมากมาย ที่ได้เห็นผญาเพิ่นอีก อิอิ กะยังตะฮักคือคนแต่งคือเก่า ฮ่าๆๆๆ ขอแจมนำเด้อขอรับ..
อะแฮ่มมมมมมมมมมมมมมมมมมมมมมมมมม บ่มีหยังคาคอดอกจ้า หมาดคอซื่อ ๆ เนาะเอื้อยมิก อิอิ
โอนอแก้ว คำกองสังลองท่า
ตอยผญาถะเหล่ยลิ้น ความเล่นกล่าวแปง
คำแถลงไหลล้ำ จาคำสับสวก อ้ายนอ
แปงบ่อนบวกให้พี่ข้วม เซล้มหล่มลง
หรือประสงค์สิมาห้าง แปวทางเอาแฮ้วจ่อง พี่นอ
เซือกฮัดคอ ปอใส่อ้อง โตน้องจั่งสิไล ซั้นบอ
ว่าไปตามโลเกชั่นเจ้าของกระทู้ซื่อๆดอกเด้อ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
อ้ายนี่เป็นดังอาซาไนม้า เดินทางหิวหอด มาพ้อน้ำส้างแล้วในถ้ำกะส่องดายสั่นแล้วนางเอ่ย
กลายไปแล้ว ผัดคืนมาก้มส่อง อยากกินกะกินบ่ได้
ได้แต่เลียลิ้นอยู่แป๋ตาย สั่นแล้วน้องเอ่ย
หลานมิกกาเซ่จ๋า ป้ามาเป็นกำลังใจให้หลานเด้อจ้า ผญาเว้ามวนหลาย สุดยอดเลยจ้า
ก้อนทองของน้องเอ๋ย
หลงคะนิงนำอ้าย ซายคนไกลเคยเว่าส่ง
ส่างมากล้าตั๋วลง เฮ็ดให้น้องป่วงละเมอ
นางยังจำได่อยู่เด้อ คำมั่นที่อ้ายอ่อย
ขอมักนางนาดน้อย อ้ายยังตอยเล่นฮั่นเด้
ยามนี้อ้ายมาเพ เพลาฮ้างกลางหล่มปล่อย
ปะให้ปลาเข็งน้อย ตายแดดอยู่โตเดียว..ซั้นบ้อ
..กลอนนี้แต่งสำหรับที่รัก..ฟังเพลงนี้ของฝนยามได๋ คึดพ้อแต่เธอแม่ะเจี๊ยบ..ซิกๆๆ
โอ้ยน้อคุณเพื่อนที่รักเอ๊ย กลอนมาบาดลึกฮอดทรวงในของเฮาแท้น้อ...
ปล.สาวหนองหานรักล่มบ่อยแท้น้อ...
แก้ไขครั้งสุดท้ายโดย สาวหนองหาน; 07-03-2011 at 19:38. เหตุผล: พิมตก
กฎการส่งข้อความ
อ้างข้อความนี้
Bookmarks