กำลังแสดงผล 1 ถึง 9 จากทั้งหมด 9

หัวข้อ: หอมดอกสะเลเต

  1. #1

    หอมดอกสะเลเต

    สุขอุราลมตีต้อง สุคนธาฮ้อยกลิ่น

    สะเลเตเกิดจากดิน ส่งกลิ่นหอมยวนยั้ว ตั๊วะภมรเจ้าเข้าแวเวียน นั้นแหล่ว

    กกกอก้านกลีบก่องดอกดวง ออกเป็นยวงสีขาวดูดีขาวดั๊ว

    ตัวนางหล่าแซมเกสายิ่งน่าเบิ่ง กลิ่นเทิงหอมอูดเอ๋า อบอวลอ้ายเฝ้าบ่ลืม

    อ้ายยืนทืมหอมยวนยั้ว หัวใจหลายโตอ้ายว่า

    กลิ่นบุพผามาลา คือดังกลิ่นทะนาทน้อง ตอนลมต้องต่อยตี

    ลมพัดวี่ไปหาอ้าย หอบกลิ่นไอไปหาพี่

    แสนสดชื่นดวงฤดี สุนทรีคิดฮอดน้อง พออยากฮ้องว่าฮักหลาย

    อ้ายบอกชายขอสาหล่า ดอกนี้หนามอบให้พี่

    ยามคิดถึงคนดี สกุณีนาทน้อง สิเก็บไว้ดมผุเดียว พุ้นเด้เพิ่นว่า

    เหลียวมอบมาลาให้ ชายผุไคหลงนำกลิ่น

    ดั่งประทินปรุงแต้ม แนมหาน้องตอนบ่มา แน่เด้ออ้ายเอ้ย



    [4SHARED]http://www.4shared.com/embed/94457388/b018f4f1[/4SHARED]
    แก้ไขครั้งสุดท้ายโดย ข้าวต้มมัด; 13-03-2011 at 16:53.


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    สะเลเตหอมกุ้ม คือไฟสุมหัวใจพี่ หล่าเอ้ย
    สาวผุดีเคยฝากอ้าย เอามาไว้ใส่เฮือน
    หอมเป็นเดือนเป็นปีแล้ว บ่มีมายหล้ายห่าง
    คือดั่งนางนารถน้อง อยู่ในห้องฮ่วมหอ แท้แหล้ว
    คึดฮอดหลายกะด้อ ได้หอมดอกสะเลเตกะไคดอก
    พอได้เป็นกำลังใจ ต่อชีวาเยิ่น
    ขอเตินไปนำลมด้วย เถิงคนสวยของพี่
    ว่านางเอ้ย ก่อนสินอนแลงมื้อนี้ ขอหอมแก้มให้ชื่นใจแหน่เด้อ
    :l-:l-:l-

  3. #3
    สุนทรียภาพเพื่อน เอื้อนเอ่ยคำจา
    รจนาผญาคม แกมผสมดวงไม้
    ศืวิไลเลิศล้ำ ยอคำยกแต่ง
    วาทแถลงแปลงต้าน พิมพ์พรรค์เพลิศพ้องเพียง
    ซ่างร้อยเรียงคำรื่น ชื่นมะโนมัยมิตร
    แสนวิจิตรขีดบรรจง วาทานงค์เนียนแท้
    ขอยอแนวมาให้แก้ สอนให้แน่เด้อนาง..อิอิ
    สืบสานสร้างฮีตเฮา ให้อยู่ยาวยืนหมั่น...

    ฮ่าๆๆๆๆ เก่งคักเพื่อนข่อยกะดาย เอิ๊ก หย่าวต่อเพื่อน..อิอิ

    :b-b:b-b:b-b

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961


    บะ สามเซียน ผญา เพิ่นมาจุ้มกันอยู่หม่องนี่ตั๊วหนิเนาะครับ

    ซวด ๆ นำครับผม ม่วน ครับม่วน


  5. #5
    ขอขอบคุณอ้ายบ่าวเซียงน้อย หลายๆๆ ที่เอาเพลงมาลงให้น้องจ้า
    ขอขอบคุณบ่าวก๋าคามจ้า จั่งแม่นหย่องเนาะเพื่อนเขาเลยจิลอยหล่ะ555+
    ขอบอบคุณอ้ายบ่าวโจ่โล่ ที่คอมเมนท์และทุกกำลังแรงใจจ้า


    ตอบหนุ่มหน้าลาวจ้า


    สะเลเตขาวดั๊ว ที่ตัวนางมอบให้พี่
    ได้กลิ่นหอมประทินนี้ คือนางน้องยุนำชาย เด้ออ้ายเอ้ย
    นางมอบให้แด่อ้าย ขาวนวลดวงดอก
    คือจั่งบอกฮักอ้าย ชายของหล่าบัดห่างไกล นั้นแหล่ว
    แก้ไขครั้งสุดท้ายโดย ข้าวต้มมัด; 14-03-2011 at 15:52.

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    กระทู้ต้นฉบับโดยคุณ ข้าวต้มมัด
    ขอขอบคุณอ้ายบ่าวเซียงน้อย หลายๆๆ ที่เอาเพลงมาลงให้น้องจ้า
    ขอขอบคุณบ่าวก๋าคามจ้า จั่งแม่นหย่องเนาะเพื่อนเขาเลยจิลอยหล่ะ555+
    ขอบอบคุณอ้ายบ่าวโจ่โล่ ที่คอมเมนท์และทุกกำลังแรงใจจ้า


    ตอบหนุ่มหน้าลาวจ้า


    สเรเตขาวดั๊ว ที่ตัวนางมอบให้พี่
    ได้กลิ่นหอมประทินนี้ คือนางน้องยุนำชาย เด้ออ้ายเอ้ย
    นางมอบให้แด่อ้าย ขาวนวลดวงดอก
    คือจั่งบอกฮักอ้าย ชายของหล่าบัดห่างไกล นั้นแหล่ว
    บายเอาดวงดอกไม้สะเลเตหอมอ่อน ที่พระนางมอบให้ เอามาใว้ใกล้บ่อนนอน
    คือจั่งดอกไม้อ้อน อ้อยอิ่งนำบา แท้น้อ ว่านางหนาวในคิง อยากฮ่วมนอนนำอ้าย
    แนวว่าไกลเมืองบ้าน มาทำงาน ไกลถิ่น
    อ้ายหน้าลาวเอ้ย ใจนางยังถวิล คึดอ้อนต๊อนอ้อนต้อน นำอ้ายสิป่วยตาย
    นางเอ้ย...อดไว้ก่อนเด้อหล่า คันเจ้ากลับคืนมา โตอ้ายสิตุ้มห่ม ให้ดอก
    สิโจมนวลนารถน้อง เข้าหอห้อง ฮ่วมนอนดอกเด้อ หล่าเอ้ย.....

  7. #7
    คิดฮอดดวงดอกไม้ สะเลเตหอมฮิ่น
    บาดยามลมปิ่นเปลื้อง คือนางเยื้องอ่วยองค์
    ยามอนงค์ลงย้าย กวยกายยัวระยาตร
    พรมพิลาสคละเคล้า อายเอ้ากลิ่นนาง
    กลีบเบาบางดังคีงน้อง ละออ-อองเอวอ่อน
    คิดฮ่ำฮอนฮุ่มฮ้อน สะออนโอ้โอ่นำ...
    เจ้าผู้คำแพงหล่า โสภาพิมพ์พักตร์
    อยากสิลักเด็ดดม อภิรมย์สมแม้ง
    ได้แต่แยงบ่อาจยื้อ คือใจที่หมายยาด
    แต่บ่อาจล่วงต้อง เจ้าของน้อง..เพิ่นนั่งแนม..อิอิ
    แก้ไขครั้งสุดท้ายโดย พลายแก้ว; 13-03-2011 at 08:02.

  8. #8
    ตอบหนุ่มหน้าลาวค่ะ ไผ๋น้อคิดนำเพิ่น " อ้อนต๊อนอ้อนต้อนจนน้องสิป่วยตาย"555+ คักๆๆเตะใส่โกจะของนั้น อ้าวหย่าว....ขะน้อย

    สะเลเตขาวดั้ว หอมอวลอัวตั๊วะผุบ่าว
    มี่ท้าวหนี่งอยากพ้อ รอท่าน้องสิกลับมา
    เพิ่นบอกว่าคำหล่า "คึดอ้อนต๊อนอ้อนต้อน จนว่าน้องสิป่วยตาย" พะนะ
    แมนเว้าหลายแท้น้อเจ้า เข้าเจ้าของแล้วบ้อพี่
    บ่ได้พ้อสามมื่อนี้ ปานคุณพี่สิปวยตาย นั้นแหมะ
    :l-:l-:l-



    ส่วนผญ๋าบ่าวก๋าคามแต่งแล้วสิตอบที่หลังค่ะ เดียวตอบบ่าวปากเป บท"บ่องึด"อีกก่อนค่ะ
    แก้ไขครั้งสุดท้ายโดย ข้าวต้มมัด; 14-03-2011 at 15:37.

  9. #9
    ตอบบ่าวก๋าคามค่ะ


    กลิ่นของดวงดอกไม้ อ้อยอิ่งอินอร
    ดวงสมรงามงอน สัญจรมาหาอ้าย
    สายลมพายพัดพลิ้ว ปลิวตามลนหมหอมหวล
    หรือพัดทวนไปหาอ้าย ชายของหล่าได้ละเมอ
    แมนสิเผลอยืนยุใกล้ หรือยุไกลยังได้กลิ่น
    สะเลเตจากดิน ไผ๋ได้ยิลหลงปวงเพ้อ มะเมอบ้าม่วงนำ
    กลิ่ยบุพผามาลาล้ำ สิสมคำคืออ้ายบ่าว ว่าบ้อน้อพี่เอ้ย



    ปล.ผญ๋าบทนี้ข้าวต้มมัดได้แต่ให้ผู้หญิงคนหนึ่งที่เคยใช้ชื่อว่า"สเรเต " ในห้องแชทบ้านมหาค่ะ
    แต่ชือช้ำกันกับ"สะเลเต"ของจริงและมีคนชื่อนี้แต่เดิม เลยบ่อมีสาว"สเรเต"คนนี้ต่อไป

    เพื่อระลึกนึกถึงข้าวต้มมัดเลยนำมาแต่งผญ๋าให้พี่น้องอ่าน บวกกับเป็นคนที่ชอบดอกสะเลเตเป็นพิเศษแต่เดิมอยู่แล้ว
    หากผิดพลาดประการได๋กะขออภัยเด้อค่ะ
    แก้ไขครั้งสุดท้ายโดย ข้าวต้มมัด; 14-03-2011 at 16:05.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •