หลูโตนน้องแหน่........

**ดอกมันปลา** · 10-03-2011, 09:08

คิดมาแล้วมันกุ่ม มรสุมที่ผัดผ่าน
คิดฮอดคืนวันที่เคยหวาน คือฮอดมื้อที่น้ำตาลใจเคยข้น
คิดฮดคนที่เคยอยู่ คิดฮอดชู้ที่เคยเว่า
คิดฮอดคนที่เคยกินข้าวฮ่อมพา ตะคาเก่าก่อนหลัง เด้น้อ.....
กลับมาสาเด้ออ้าย น้องสิตายแล้วอ้ายฮุ้บ่
แฮงห่างแฮงคิดพ้อ แท้น้ออ้ายชายอยู่ไส
อยู่ออกตกเหนือไต้ ทางแดนไกลให้ต่าวมา
ให้อ้ายกลับคืนมา มากินแกงปลาหม้อเก่า มากินข้าวฮ่วมก่องนำกันใหม่เด้ออ้ายจ๋า......
(ขออภัยหลายๆๆเด้อจ้าเด็กน้องหัดแต่งจ้าอาจสืบ่ม่วนปานได๋จ้า)

[MUSIC]http://file1.uploadfile.biz/i/IHEXMEIIEVMIWN[/MUSIC]

**หนุ่มหน้าลาว** · 10-03-2011, 09:15

เอาแกงปลามาล่อ เนาะ 5555 มีแกงผักหวาน ใส่ไข่หมดแดงบ่หล่า

**พลายแก้ว** · 10-03-2011, 15:22

ย่างมาฮอดหน้าบ้าน เสียงหวานๆไผ๋น้อเว้าอ่อมอ่อย
เสียงใสๆคือเด็กน้อย เตาะต่อมต้อยปล่อยผญา
เพิ่นพรรณนาถึงคราวกี้ ตอนเพิ่นมีความฮักมักผุบ่าว
ได้กินข้าวฮ่วมภาชน์ ได้กินปลาฮ่วมถ้วย กระบวยน้ำสู่แฟน
ฟังแล้วซ่างมาเป็นแค้นๆ ว่าบ่าวแล่นหนีหาย
ได้ระบายถึงความฮัก อ้ายอยากหัวกะอดไว้
เอ้า..ว่าไป ว่าไปหล่า ลังค่าเขาคืนมา หาเจ้าลองเว้าเบิ่ง
บาดเทื่อเขาคิดเถิง หวานเลิงๆคารมน้อง ไปหาหม่องจอบฟัง กะน้า...

ฮ่าๆๆๆๆๆ ฮิ้วๆๆๆๆๆๆๆๆๆๆๆๆๆๆๆๆๆๆๆ

**หนุ่มหน้าลาว** · 10-03-2011, 15:25

ได้ฟังเสียงวาสเว้า ใจกระเส่าสับสน เด้น้อ
ฟังเสียงคนที่เคยฮัก ส่งมาตามลมฮ้อน
ว่าออนซอนนำอ้าย หนีไปไสนอคุณพี่
จักอยู่ดีหรือว่าร้าย โอนออ้ายเจ้าอยู่ไส
น้องนี่ได้แต่ไห้ น้ำตาไหลอยู่หย้าวหย่าว
บ่าวพี่ซายมาปล่อยถิ่ม ให้เป็นฮ้างห่างสะเทินแท้น้อ เพิ่นว่า
ดอกมันปลาเอ้ย อ้ายฟังเสียงเจ้าเอิ้น อ้ายอยากต่าวหันหลังกลับ พุ้นแหล่วหล่า
แต่กะยังสับสน สิแม่นจริงหรือต้ม
ฟังคารมนางเว้า คันใจเบาแล้วโค้งต่าว
ย้านเป็นคือแต่กี้ นางน้องบ่ฮักจริง
ปากกะเว้ากับอ้าย ใจกะม่ายไปทางไกล
ปากกับใจบ่ตรงกัน บ่อนกระทำบ่คือเว้า
อยากคืนมากินข้าว อยากคืนมาเอาใจ อยากมากอด น้องให้อุ่น
อยากหอมแก้มจุ่นพุ่น ให้คือตั้งแต่กี้ แต่เดียวนี้หาก ระวัง แล้วหล่าเอ้ย....
....บ่มั่นใจเนาะย้านคนตั๋วอีก....

**ดอกมันปลา** · 10-03-2011, 17:30

น้องมาอุกใจเด้ อกมาเพ่พังผ่าน
อ้ายคือสิบ่สงสารอินางน้อง ผู้เทียวฮ้องเอิ้นหาชาย
หรือว่าสายเกินแก้ ให้บอกแหน่อ้ายอย่าเฉย
หล่ะว่าเอ๋ย น้องบ่เคยหลอกต้ม คือคารมย์ที่อ้ายว่าดอกเด้ออ้าย.....
หรืออ้ายเห็นนางน้องเป็นหญิงบ่มีค่า
คิดสิทิ่มสิป๋หาตะแนวมาเว่า ให้น้องเศร้าในทรวง
อยากให้หวงคือตะกี้ คิดแนวดีที่เคยต่อเด้ออ้าย
หรือว่าโตของอ้ายมีที่หมายใหม่แล้ว นางนองแก้วสิได้ทำใจ...เด้ออ้ายจ๋า

**หนุ่มหน้าลาว** · 10-03-2011, 17:58

หล่าเอ้ย คันนางใจแม่นมั่น บ่ขันเอาผุซายอื่น
อ้ายกะยังฮักน้อง อยากคืนโค้งหม่องเก่าหลัง
คืนมาฟังเสียงน้อง ที่เคยจาอ้อยอิ่น
คืนมากินซุบดอกติ้ว ที่นางน้องเฮ็ดสู่กิน
คืนมานอนฮ่วมห้อง หม่องเฮาสองเคยเคียงคู่
คืนมาดูภาพเก่าย้อน บ่อนเฮาได้ประทับใจ
คืนกลับไปนั่งไหว้ ศาลเจ้าพ่อหลักเมือง
คืนกลับเมือ ส่งนางถึงบ้าน
จากนี้ไป อ้ายสิบ่จาต้าน แนวใด๋ให้คิดมาก ดอกเด้อ
มีแต่ หวงห่วงน้อง เอาใจช่วย ซ่อยเหลือ เด้อหล่า
.........ดอกมันปลาของอ้ายเอ้ย .....55555
:l-:l-:l-

**จารข่อง** · 10-03-2011, 18:15

บ่ธรรมดาตั๋วนี่แมะ คือคึดกลอนออกน้อง เฮ้อๆๆ

**หนุ่มหน้าลาว** · 03-04-2011, 13:34

มื้อนี้วันพักผ่อน สินอนหลายกะอายบ้าน
ลงจากชาน เฮือนน้อย กะหลอยไปข้างกอไผ่
แนมเห็นแต่ตั้งวงไพ่ พอสิได้ครบขา ซั่นดอกหว้า
พอตะหาหม่องได้ รอลุ้นไพ่ จนใจสั่น
โอ๊ยคือเป็นแนวนั้น ไพ่ดันบอดเนาะสุตา .....