..ไปเบิ่งทับทิมกรอบ..แห่งขอนแก่น..กระทู้น้องอี้ท ..สาวบ้านแต้... เบิ่งแล้วหละคึดอยาก..ขั้นตอนที่เฮ็ดกะบ่ยาก...สะสมความอยากไว้หลายมื่อแล้ว..ได้โอกาสเหมาะเจาะ
งานกะหยุ่งยาก แต่ความอยากมันชนะใจกรรมการ..กะเลยมีกระทู้นี้เกิดขึ้น..55
..มาย่าวเลยพี่น้อง...เตรียมวัตถุดิบตามนี้...
แห้วสุก/ดิบ..มากน้อยกะแล้วแต่ความอยาก..
น้ำตาลทรายหรือน้ำตาลปี้บกะได้ 1 กก..
น้ำหวานสีแดง 1 ขวด ใช้แทนสีผสมอาหาร..เพราะน่าสิดีกว่า..55
แป้งมันสำปะหลัง 1 ถุง
กะทิสด/กล่อง แล้วแต่สิหาได้หรือมักแนวได๋กะเลือกเอา...
หั่นแห้วให้เป็นสี่เหลี่ยมลูกเต๋าให้สวยงาม..ใส่ลงภาชนะที่ใส่น้ำหวานสีแดงไว้..เสร็จแล้วแช่ไว้ประมาณ 20 นาที
..นำวัตถุดิบที่แช่จนเป็นสีแดงมาคลุกกับแป้งมันสำปะหลังที่เตรียมไว้ จนได้หน้าตาออกมาสวยงาม..แบบนี้...อิอิ
... จากนั้นนำลงต้มในหม้อที่เตรียมไว้..ต้มจนสุกจนแป้งที่หุ้มใสมองเห็นทับทิมด้านในสีแดงสวย...
..สุกแล้วตักขึ้นพักไว้ในภาชนะที่ใส่น้ำเย็นจัด...เพื่อให้ทับทิมกรอบน่ากิน..(น้องๆที่นั่งเบิ่งเขาบอก)..อิอิ
..ทำน้ำเชี่อมเตรียมไว้พร้อม..หวานน้อย/มากแล้วแต่ชอบ. ..ว่าแม่นมีหน่อยๆ บาดยามต้มแล้วคือซงหลายแท้ เมื่อยแล้วหละ...
พักเซามีแฮงกินข้าวก่อน..แกงไก่ใส่หน่อไม้ส่มตักเอาแต่ต่อน.. นึ่งปลานิล แจ่วบอง ปีกไก่ทอด บักแตงค่าง..คร้านตำเลยเอามากินเป็นผักแทน...
..นี่หละอันแนวเฮ็ดให้เมื่อย...จัดตู้ปลาสวยงามประดับห้องทำงานฮ่างๆ..ยามบ่มีแนวกินกะพอสิได้คึดต่อปลาซุมนี่แนซั่นดอก..55
...กินข้าวแล้วของหวานกะแล้วพอดี...หน้าตาออกมากะว่าแม่นพอแล้วยุ..งามเติบ
หาเอิ้นคนมาชิมนำก่อน..เพื่อความมั่นใจ..นี่หละนักชิมมืออาชีพเจ้าของฉายานักชิมแข่วทองเหลือง..จ่าเหลืองแห่งครัวบ้านมหา..
...เบิ่งลีลาท่าทางเพิ่นโลด..กินไปได้ 3 คำ วางบ่วง บ่ไหวพะนะ (ถ้วยที่ 3 )
ภาพจ่าเหลืองเพิ่นกะอัพยากแฮง คือซงบ่เต็มใจนี่หละ....พอแค่นี่ก่อนพี่น้อง สมอยากแล้วบาดนี่..อิอิ...
Bookmarks