หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: หลงกิเลส หลงตัณหา ....อ่านกลอนนี้

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ความเยือกเย็น หลงกิเลส หลงตัณหา ....อ่านกลอนนี้

    ขอฝากกลอนสุนทรอ้างเถิงนางผุเหงาเปลี่ยว หล่าเอ้ย
    อยู่ผุเดียวคึดผุเดียว บ่แม่นแนวถืกต้องให้นางน้องฮ่ำฮอน เอาเด้อ
    เพิ่นว่า “อยู่คนเดียวให้ระวังความคิด อยู่กับมิตรให้ระวังคำจา”
    โบราณเพิ่นฝากไว้ให้นางน้องนี่จื่อเอา
    เหงาปานได๋กะให้สู้ คนอยู่หลังยังเป็นห่วง เด้อนาง
    คันเจ้าผิดพลาดพลั้ง คนหลังนั้นเขาแฮ่งเจ็บ เด้น้อง
    พุทธองค์ทรงตรัสไว้ในธรรมอันประเสริฐ
    ความสงบท่อนั้นมีสุขล้นกว่าไผ
    ใจให้อยู่กับเจ้าสติครองเพียรพร่ำเด้อนาง
    คันมันออกจากทาง คันมันแวเข้าฮั้ว นางน้องให้จ่องดึง ไว้แหล่ว
    ใจเฮานี่ คืองัวถ่าแต่โผล่ ตั้วน้อง คันสติบ่ห้ามมันทำได้สุแนว เด้
    นางคราญแก้วให้คอยพร่ำเพียรใจ เอาเด้อ
    อย่าสิหลงทางนำ กิเลสมัวโตฮ้าย
    อย่าสิหลงนำส้น ตัณหาอันฮ้อนเฮ่ง เด้อนาง
    เอาคำสอนอ้ายฆ่าไว้ ใจเจ้าสิซุ่มเลิงซั่นดอก....
    หลงกิเลส หลงตัณหา ....อ่านกลอนนี้หลงกิเลส หลงตัณหา ....อ่านกลอนนี้หลงกิเลส หลงตัณหา ....อ่านกลอนนี้...อ่านแหน่เด้อ ลางเทื่อมีประโยชน์หลงกิเลส หลงตัณหา ....อ่านกลอนนี้หลงกิเลส หลงตัณหา ....อ่านกลอนนี้หลงกิเลส หลงตัณหา ....อ่านกลอนนี้


  2. #2
    หึยยย ส่างสิโสมาเว้า เขาแต่งกลอนให้มันม่วน
    พอให้ชวนผ่านมื่อ มีคนนั้นหลงอ่านนำ
    เอาพระธรรมนำใช้ เขาเข้าใจหมดทุกอย่าง
    แต่กลอนเศร้าที่เอ้ยอ้าง บ่อได้ต้างว่างเล็บมือ สั่นแหล่วขะน้อย

    :l-:l-:l- ไปแอบอ่านยุไสนิเถ่าหน้าลาว เอามาแต่ง555+


    แก้ไขครั้งสุดท้ายโดย ข้าวต้มมัด; 13-03-2011 at 00:29.

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    สิโตนคนข้างบ้าน เข้าไปอ่านกะเห็นใจเพิ่นเนาะ
    อ้ายหน้าลาว บ่แม่นคนใจดำ ได้อ่านคำกะเลยแจ้ง
    ว่าอุกแฮงกะเลยเว้า พอสะกิด ใจนิดหน่อย
    ห่ามันมีประโยชน์บ้าง ยามนางน้อยได้อ่านกลอน ซั่นดอก
    แต่ว่าโตของหล่า ไปไสมาหัวตะซอด
    ฮุ้บ่นอว่าอ้าย คอยถ่าตั้งแต่โดน
    คนหน้ามนสวมแว่น หน้าแป่นแว่นปานเงินเหรียญ
    ว่าแม่นหลงลืมเฮียน แล่นนำซายซู้
    เจ้าผุจู๋บู๋หน้า งามตาน้องของพี่
    สามมื้อแล้วอ้ายมาถ่ายุนี้ บ่เห็นเจ้าเกือบแม่นตาย ยังว่า(หึยจักเสียไปไสคน)
    แก้ไขครั้งสุดท้ายโดย หนุ่มหน้าลาว; 13-03-2011 at 07:11. เหตุผล: วรรคตอนไม่ถูก

  4. #4
    หึยยย อ้ายหน้าลาวเอ้ย กะหมายใจว่าสิเว้า นำชายของหล่า
    เจรจาว่าอยากหลาย บอกว่าชายเฮ็ดงานยุ่ง
    เฮ็ดหัวยุ่งหัวหย่อง ปานสิฮองฮังไก่
    เจราจาปากบ่ได้ เลยปล่อยให้น้องใบ้ยุผุเดียว
    หัวใจเปลี่ยวกะเลยเศร้า เซาอยากเว้านำคุณพี่
    อาจกวนใจอ้ายตี้ เลยหลบลี้บ่ให้พ้อ แต่ใจน้อแฮงคิดนำ
    คิดถึงคำชายปากเป เว้าเป๋ๆๆล้อให้วิน แท้น้อ
    ยังหลงกลิ่นสะเลเต ม่วนยุเด้สิตอบอ้าย
    อย่าฟ่าวหน่ายเด้อเจ้า สิเข้าไปตอบยุ
    ขอเวลาตู๋หลูน้อง แต่งแต้มต่อกลอน ก่อนเด้ออ้ายเอ้ย

    :l-คนอยากเนาะไผ๋สิอยากเว้านำ:l-



    แก้ไขแล้วเด้อค่ะอาจารย์ศรี ขอบคุณค่ะ
    แก้ไขครั้งสุดท้ายโดย ข้าวต้มมัด; 13-03-2011 at 16:36.

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    พิมพ์ให้มันถืก/ใกล้เคียงแหน่ สะเลเต บ่แม่น สเรเต เด้อนาง

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    กระทู้ต้นฉบับโดยคุณ ข้าวต้มมัด
    หึยยย อ้ายหน้าลาวเอ้ย กะหมายใจว่าสิเว้า นำชายของหล่า
    เจรจาว่าอยากหลาย บอกว่าชายเฮ็ดงานยุ่ง
    เฮ็ดหัวยุ่งหัวหย่อง ปานสิฮองฮังไก่
    เจราจาปากบ่ได้ เลยปล่อยให้น้องใบ้ยุผุเดียว
    หัวใจเปลี่ยวกะเลยเศร้า เซาอยากเว้านำคุณพี่
    อาจกวนใจอ้ายตี้ เลยหลบลี้บ่ให้พ้อ แต่ใจน้อแฮงคิดนำ
    คิดถึงคำชายปากเป เว้าเป๋ๆๆล้อให้วิน แท้น้อ
    ยังหลงกลิ่นสเรเต ม่วนยุเด้สิตอบอ้าย
    อย่าฟ่าวหน่ายเด้อเจ้า สิเข้าไปตอบยุ
    ขอเวลาตู๋หลูน้อง แต่งแต้มต่อกลอน ก่อนเด้ออ้ายเอ้ย

    :l-คนอยากเนาะไผ๋สิอยากเว้านำ:l-
    ฮ่า ฮ่า ฮ่า เซาสาหล่า คันบ่อยากเจรจา กะบอกมาให้มันแม่นโลด
    ให้น้องเว้าแปนแปน อย่าอ้างนั้นอ้างนี้ ฟังบ่ขึ้นที่กล่าวนำ
    ว่าสิตอบผญาอ้าย ขอเวลาคึดสาก่อน พะนะ
    สิเขียนกลอนแต่งแต้ม เติมให้ใส่พี่ชาย
    มาคึดหลายแท้หล่า ส่ำผญาช่างคึดยาก
    เกาดากอยู่ กะแต่งได้คะลาซ้ำ ส่ำผญา....55555

  7. #7
    555555 เว้าคือเนาะ หน้าลาวเพื่อนรัก ไผสิเก่งคือโตเนาะเสี่ยว เกาดากอยู่กะแต่งได้ พะนะ หึยยยย...อิอิ



    ผญาวาทบ่อนบั้น สร้างสรรค์อักษรศาสตร์
    งามพิลาศเลิศล้ำ คำเว้ากล่าวแปลง
    ยกแสดงแถลงข้อ สมพอควรค่า
    ใส่ภาษิตข้อคิดพร้อม ฮอมไว้ไตร่ตรอง
    ตามครรลองคลองเค้า ฮีตเก่าคลองเดิม
    แต้มเติมเพิ่มคำหวาน สืบสานแซมซ้อน
    ให้ม่วนม่อนเสนาะด้วย สละสลวยทรงคุณค่า
    จั่งเมธาจารึกไว้ ละไมลื่นมิตรพะไมติ์...

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    กระทู้ต้นฉบับโดยคุณ บ่าวก๋าคาม
    555555 เว้าคือเนาะ หน้าลาวเพื่อนรัก ไผสิเก่งคือโตเนาะเสี่ยว เกาดากอยู่กะแต่งได้ พะนะ หึยยยย...อิอิ



    ผญาวาทบ่อนบั้น สร้างสรรค์อักษรศาสตร์
    งามพิลาศเลิศล้ำ คำเว้ากล่าวแปลง
    ยกแสดงแถลงข้อ สมพอควรค่า
    ใส่ภาษิตข้อคิดพร้อม ฮอมไว้ไตร่ตรอง
    ตามครรลองคลองเค้า ฮีตเก่าคลองเดิม
    แต้มเติมเพิ่มคำหวาน สืบสานแซมซ้อน
    ให้ม่วนม่อนเสนาะด้วย สละสลวยทรงคุณค่า
    จั่งเมธาจารึกไว้ ละไมลื่นมิตรพะไมติ์...
    เสี่ยวเอ้ย โตเฮาเรียนมาหน่อยคำจาบ่อาจคล่อง ปานได๋ดอก
    เป็นคำจาพื้นพื้น บ่หวานจ้อยม่วนหู
    เฮากะอาศัยบ้าน ของโตนี่คอยบอก นั่นล่ะ
    แนวโตจบด็อกเตอร์ เฮานี่ สี่กะเทิน(ปอสี่เคิ่ง)
    แต่บังเอิญอยากเฮียนฮู้ คำผญาของเก่า
    ผู้แก่เรียนจั่งเจ้าแนะนำบ้าง เป็นยั่งบุญ ตั้วเสี่ยวเอ้ย 5555
    :l-:l-:l-

  9. #9
    คันบ่ฮักกะบ่ต้าน ขานคำนำกล่าว
    เฮากะคนเฮียนหน่อย ผญาด้อยบ่เหลี่ยมคม
    ความคึดม่อบ่อาจม้ม สมเจตน์จินตนา
    คำได๋จาให้ขุ่นเคือง เบื้องได๋อภัยด้วย
    แนวว่าเฮาปัญญาส่วย คอยตรึกตรองตามเหตุ
    หากว่าเหลือที่ป้าน วานเพื่อนให้ซ่อยปอง
    คันหม่องได๋บ่ถืกต้อง โปรดชี้ช่องทางดี
    บ่ต้องมีเกรงใจ ให้ว่าไปได้เต็มที่
    มิตรไมตรีเกลอแก้ว สหายแพงพร้อมพร่ำ
    บาดว่ายามยากไฮ้ สนองใช้เพิ่งพิง....


    :b-b:b-b:b-b

  10. #10
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    กระทู้ต้นฉบับโดยคุณ บ่าวก๋าคาม
    คันบ่ฮักกะบ่ต้าน ขานคำนำกล่าว
    เฮากะคนเฮียนหน่อย ผญาด้อยบ่เหลี่ยมคม
    ความคึดม่อบ่อาจม้ม สมเจตน์จินตนา
    คำได๋จาให้ขุ่นเคือง เบื้องได๋อภัยด้วย
    แนวว่าเฮาปัญญาส่วย คอยตรึกตรองตามเหตุ
    หากว่าเหลือที่ป้าน วานเพื่อนให้ซ่อยปอง
    คันหม่องได๋บ่ถืกต้อง โปรดชี้ช่องทางดี
    บ่ต้องมีเกรงใจ ให้ว่าไปได้เต็มที่
    มิตรไมตรีเกลอแก้ว สหายแพงพร้อมพร่ำ
    บาดว่ายามยากไฮ้ สนองใช้เพิ่งพิง....


    :b-b:b-b:b-b
    บัวกะอาศัยน้ำ ปลากะเพิ่งวังตม เสี่ยวเอ้ย
    สองคนเฮา อาศัยกัน จั่งสิเป็นสหายได้
    ไปบ้านโตกินข้าว มาบ้านเฮากินซิ้นต่อน น้อเสี่ยวน้อ
    แต่ว่าน้ำ ออกเงินซื้อซ่อยกัน เด้อ ...55555
    ...ส่วนว่าผุสาวนั้นคันโตหน่ายระบายมา
    เฮาสิหาเฮือนพักให้หมู่มวลสาวน้อย
    ได้จักสองสามร้อยคนเด้อเลี้ยงได้อยู่
    เลี้ยงเป็นหมูนอนอยู่บ้านเอาฮำป้อนให้อ่วมพี เนาะเสี่ยว 555555
    :b-b:b-b:b-b

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •