อย่าเว้าก่อนเกิด
อย่าสะเดิดก่อนตาย
อย่านอนหงายเล่นดาบ
อย่าคาบนมเมีย
อย่าเลียคมมีด
อย่าขูดรีดผองไพร่
อย่ามักใหญ่เกินโต
อย่าโมโหเกินเหตุ
อย่าเว้าก่อนเกิด
อย่าสะเดิดก่อนตาย
อย่านอนหงายเล่นดาบ
อย่าคาบนมเมีย
อย่าเลียคมมีด
อย่าขูดรีดผองไพร่
อย่ามักใหญ่เกินโต
อย่าโมโหเกินเหตุ
แม่นเป็นหยังน้อเจ้า เว้าอิหยังมีแต่อย่า..
แต่หากสังกาแท้ แปลแน่ถ่อนบ่อนสิควร
อยากหัวขวัญแต่บ่กล้า ที่บอก..อย่าคาบนมเมีย
แม่นสิเสียหายหม่องได๋ วานเพื่อนไขให้มันแจ้ง
โปรดแถลงแสดงข้อ ยอมาให้ฟังเบิ่ง
เหตุผลเถิงจริงพร้อม สิขอน้อมเฮ็ดตาม...สั่นดอกหวา..
แนวที่เฮาเตือนไว้ สงกะสัยซั่นบ้อเสี่ยว
มีอยู่แค่สามข้อ ฟังแล้วจั่งต้องแปล
“อย่าเว้าก่อนเกิด” สิเฮ็ดงานอย่าเว้าก่อน เพิ่นว่า
ให้ลงมือเฮ็ดแล้ว งานเสร็จสิ้นจั่งกล่าวจา
“อย่าสะเดิดก่อนตาย” มีความหมายบอกไว้ อย่าไห้ฮ่ำยามสิเหมิด
ก่อนหมดลมหายใจ อย่าห่วงฮนเฮฮ้อง
ให้ประคองจิตเจ้า เข้าหาธรรมอันล้ำค่า
บาดห่าเกิดเมื่อหน้า พิการฮ้างสิบ่มี
“อย่าคาบนมเมีย” นี่ โตสงสัยซั่นบ้อเสี่ยว
ลองเบิ่งดู้กะได้ ยามคนผ่ายย่างมา
เห็นว่าโตกำลังอ้า ปากดูดนมเมีย
เขาสิหัวขวัญโต ว่าเป็นผีบ้า
บ่หัวซางานสร้าง การงานบ่หลิงหล่ำ
เช้า สาย บ่าย มีแต่ล่ำล่ำล่ำ เขาสิเอิ้นโตจั่งใด๋
แต่ว่ายามแลงนั้น คนบ่เห็นไผสิว่า น้อ
คาบจนว่าซอดแจ้ง ดูดจนว่าซอดแจ้ง แม่นสามเช้าหะล่ะเซิญ 55555
:l-:l-:l-
โอ้น คารมย์ คมดาบ มาคักแท้น้ออ้าย....ข้าน้อยขอยกนิ้วให้
อ๋อ...มีความหมายจั่งซี้ สั่นติ๊ทิดภาษิตว่า ฮ่าๆๆ
แนวว่าอย่า..บ่ไขแจ้ง แถลงเรื่องแต่ปฐม
อันว่า..มวลมนุษ์บ่อาจม้ม กามกิเลศตัณหา
ต่างกะต้องมีความฮัก บ่เลือกวัยชนชั้น
ข้อสำคัญคือให้ฮู้ เห็นฮ่อมควรการ
ฮู้ประมาณ กาล บุคคล ฮีตคลองหม่องควรเว้น
ยอให้เห็นเข็นให้แจ้ง แถลงไขให้กระจ่าง
ยกตัวอย่างชี้พร้อม ขอยอน้อมนบเสริญ
เชิญเลยเชิญเพื่อนแก้ว หาแนวดีมาเว้าสู่
ยอแสดงให้ฮ่ำฮู้ สิเรียนรู้ฮ่อมสาน..
Bookmarks