ยากแต่นำขุดมันมาเหิงเติบขุดแล้วล่ะเด้อค่ะ
เตรียมไฮ่ไว้ปลูกอีกยามเดือน 6 ตั่วค่ะบาดนี่
มื่อวานชวนเฒ่าแม่ฝ่าแดดออกท่งเบิ่งไฮ่เบิ่งนา
มีบรรยากาศยามแล้ง ๆ มาฝากค่ะ
ขุดมันออกแล้วแปนเอิดเติดแล้งคักแหน่ค่ะ ไผ๋น้อสิมาปลูกซ่อยน้อ....อิอิ
ร่องรอยการหาเขียดอีโม้ค่ะ ดินแตกเขิบ เขียดอีโม้เข้าไปซ้นอยู่ไง่ออกมาเต้นด่ง ๆ ไล่คุบจนวินค่ะ
ท่ามกลางความแห้งแล้งยังมีสิ่งสวยงามซุกซ่อนอยู่ค่ะ ดอกหยังกะบ่ฮู้ค่ะ ฮู้แต่ว่างามดี
ค่าแต่ไปเลาะนาดง กลับออกมานาท่ง ลูกสาวพาลูก ๆ ออกมาหย่างยาบ ๆ อยู่
ฮ่วย !!!! แม่นเจ้า ลักเล่นบ่าว ลักไข่ไว้ไสแม่คือบ่เห็น เห็นอีกเทื่อ พาลูกหย่างแล้ว
บ่ได้แม่นผู้เดียวเด้อค่ะ พร้อมกันสองนางเลย ค่ะ
นางนี้มีหลานให้ 6 แล้วสิมีฮ้างฮังจักหน่วยน้อ...แล้วไปลักไข่ไว้ใสหาตั่วค่ะบาดนี่
ผู้บ่าวซุมนี้ล่ะค่ะ เฮ็ดหยังบ่ฮู้จักรับผิดชอบ เฉยปาน....เป็ด..
Bookmarks