บัดนี้..สิได้ขอเว้าพื้น พากษ์เรื่องโทรศัพท์
ว่าสิซื้อมาคอยรับ สดับเสียงสำเนียงน้อง
แต่หากคองคอยถ่า เบอร์โทรหาแปนจ่างป่าง
มิดปานโทรศัพท์ฮ้าง ส่างลาร้างผู้คิดถึง..แท้น้อ
อยากสิพ้อใครคนหนึ่ง คิดถึงกันวันละหน่อย
เสียงอิ่นอ้อยมื้อละครั้ง เติมหวังอ้ายแต่ละวัน
โทรศัพท์ผู้อื่นนั้น ดังสนั่นคนโทรหลาย
มาอยากอายเครื่องเจ้าของ ได้แต่ครองจองความเงียบ
แบตฯชาร์จเสียบมาเต็มที่ สัญญาณดีมีเต็มขีด
เสียงติ๊ด..ติ๊ดว่าแมสเสจ เอสเอ็มเอส..มาจากเจ้า
พอได้อ่านข้อความเข้า แฮ่งเหงาเป็นตาหน่าย
มีแต่หมายเลขทางศุนย์ ให้ลงทุนเติมเงินด้วย
ผู้อื่นรวยคนโทรเข้า แต่ทางเฮานั้นมิดหมี่
ของเพิ่นมีผุสาวเว้า ของเฮานั้นเล่นแต่เกมส์...โอ๊ยเนาะ...
Bookmarks