..ทหารแบกไม้แส่ ไปแหย่ไข่...

[เขมราฐ]

อีกครั้งค่ะพี่น้องกับการเปิดบ้านต้อนรับพี่น้องบ้านมหาของ

เขมราฐหลังจากปีที่แล้วเปิดบ้านต้อนรับลาวสวิสและครอบครัวไปแล้ว

มาเทื่อนี้ “เด็กบ้านนอก” เพิ่นย้ายงานจากกลางทะเลมาอยู่กลางลำน้ำโขง อ.เขมราฐ

ให้เกียรติมายามบ้านเขมราฐ ณ หนองผือ กะต้องต้อนรับเพิ่นแหน่จักหน่อยค่ะ



ให้ความสนใจกับน้องป๊อก ของน้องเขมฯเหลือเกินค่ะ (เท่ห์ใช่ไหมล่ะ)



เพิ่นบอกว่า เพื่อนเฮาอยากกินไข่มดแดง

เอ่อ..ซงสิได้หากินเองเด้อเพื่อน



บ่มีปัญหา (เพิ่นว่า) วางปืนมาแบกไม้ส่าว พร้อมด้วยกะต้า เข้าดอนไปเองเลย

(ข่อยคือซงอาย ๆ เจ้าล่ะบาดนี่เพื่อนจ่า..)





พระเจ้า ..แหย่เป็นอีหลี..ว่าแม่นเว้าเล่น
เจ้าของบ้านได้แต่ถือกล้องแล่นตามหลัง :l-
พอไปฮอดโคกกะยืนถ่าอยู่ฮ่มเฉย (บ่ว่ากันเน๊าะเพื่อน แบบว่า..มันฮ้อน.. )



ถึงแม้ว่าสิแหย่ไข่มดแดงบ่เป็นแต่กะฮู้อยู่เด้อค่ะว่าหมากแดง ๆ ดำ ๆ ซุมนี้กินได้






จัดการแยกโตแยกไข่เองเลย ตอนแรกน้องเขมฯว่าจะเฮ็ด เบิ่งซงแล้วเก้ ๆ กัง ๆ
เพิ่นย้านไปเฮ็ดเองจ้อย ว่าจะก้อยกินแซ่บ ๆ แล้วจั่งกลับ แต่โทรศัพท์มาตามก่อนสงสัยวีซ่าเบิดกะทันหัน เลยห่อไข่มดแดง ให้กลับเมือกินบ้าน
ขอให้ประทับใจกับการมายามบ้าน เขมราฐเด้อจ๊ะ เพื่อนจ่า :l-

[เซียงสีผีเป้า]

โอ๊ยมักหลายกระทู้นี่ บรรยากาศดีคัก


แหย่ไข่มดแดงบ่เป็นแต่กะฮู้จักบักหวดข่า วะติ เอิ้กๆๆๆ


"ขอให้ประทับใจกับการมายามบ้าน เขมราฐเด้อจ๊ะ เพื่อนจ่า "

เถิงขนาดต้องขอให้ประทับใจเลยติจ้า

เบิ่งซงแล้วบ่ต้องขอเพิ่นกะประทับใจแล่วล่ะ ได้ถือไม่ส่าวแหย่เองปานนั้นเนาะ

อยากไปนำเด้

[pui.lab]

น้องหลินพี่ปุ้ยกลับไทย แหย่ให้พี่กินจักถ้วยแน๊เด้อ :l-

[ไก่น้อย]

ไม่แส่ ทางกาสินเพิ่นเอาไว้ถ่าตีเด็กน้อยเดะจ้า น้องหลิน แต่ไม่ส่าวนิเอาไว่สอยหมากม่วงกับแหย่ไข่มดแดงนิหละจ้า เบิ่งซ่งเด็กย้านนอกเพิ่นเป็นตาประทับใจบ้านน้องหลินหลายเติบยุดอกจ้า หากินง่ายปานนิเนาะ 555+ อาหารชั้นสูงเหวายเนาะจ้า

[คนบ้านบ้าน]

"ขอให้ประทับใจกับการมายามบ้าน เขมราฐเด้อจ๊ะ เพื่อนจ่า

ต่อไป บิณ........จะสร้างปัญญา/เรณู ภาคต่อไป 5555555555


แซวเหล่นน้องหล่าหลิน พามาพบบปะคุ้มอุบลเฮาจั้กมื่เด้อ

[nuzing]

หล่า....บ่แหม่นเลาหลาบแล้วบ้อหมอตำหารแหมะ(เบิ่งสีหน้าอาการป้อยในใจเด๊ะนี่)
เฮ็ดบาปเลาเนาะ หากินแบบบุฟเฟ่คักๆ ฮ่อนกะฮ่อน
คือบ่ถ่ายตอนมดแดงกัดเผิ่นเต้นสะโดดโด๋ สะโดดด่งมาให้เบิ่งแหน่หละ
บอกเลาเด้อหลิน...ยังเทสสสบ่ผ่านหล่อโพด
เถื่อหน้าให้เลาลงหนองสาเกือกขี้ตมงมปลาเด้อ นาง

[บ่าวจัย]

ฮอดยามแกงไข่มดแดงอีกแล้ว อยากไปซดแกงนำเด้น้องหลิน

[สาวทองแพง]

ขอบคุณจ้าที่แบ่งปันภาพบรรยากาศบ้านเฮา
คือสิหวานดีน้อจ้าบักหวดข่าแมะสาวหลิน
อยากเมี่ยงมดแดงเด้จ้ายามนี้

[จำปา]

กินนำแน่เด้อ หมากหวด หน่ะ ไข่มดแดงให้จ่าเผิ่นห่อเมือกินบ้านสา กินนำบ่ได้ดอกของสูง ขะลำ อิอิ

[บักขามป้อม]

:l- น้องโผ้มๆๆ

ซั่นแนะแมะน้องซายเอื้อย ทหารเรือยามรบกะรบ ยามขึ้นบกกะต้องไปหาอยากหากินเป็นละเนาะ ค่อยบ่ขายหน้าเอื้อยตั้ว
น้องหลินเอ๊ย บ่แม่นแต่แหย่ไข่มดแดงเด้ เก็บเห็ด เก็บผักหวาน หว่านแห ไถฮุดนา ได้เบิดเด้น้องซายเอื้อย อิอิ (แม่นบ่ล่ะ คือคุยไปหลายแท้ คืนไปถามน้องเบิ่งก่อน)