หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 29

หัวข้อ: สงกรานต์ที่สิฮอดวางแผนไปไสน้อ

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    สงกรานต์ที่สิฮอดวางแผนไปไสน้อ


    ใกล้สงกรานต์มาแล้วครับ เร็วปานหมอลำหมู่ หลายคนกะกลับบ้านไปเยี่ยมไปยามญาติพี่น้อง บรรยากาศกะสิกลับมาคึกคักอีกเทือหนึ่ง รถยนต์ส่วนโตเต็มถนนมิตรภาพ ขนของฝากของต้อนไปฝากพ่อแม่พี่น้องบ้านเฮา

    ช่วงหน้าเทศกาลทุกปี กะสิเป็นช่วงผจญภัยของ พล พระยาแล ที่สิต้องไปยาดกันซื้อตั๋วรถอยู่หมอชิต บ่ค่อยได้จองปานใด๋ เพราะเหตุว่าการจองตั๋วถูกจำกัดด้วยเงื่อนเวลา กะเลยบ่มัก ว่างยามใด๋กะไป แต่ปัญหาคือบ่มีรถกลับบ้าน

    สมัยหมอชิตเก่ายังอยู่ รถโดยสารกะหน่อย หาหม่องยืนกะบ่มี อย่าว่าแต่หม่องนั่งเถาะ ซูมื่อนี่พี่น้องมีรถยนต์ส่วนโตกันหลาย กะเห็นเอิ้นหมู่เอิ้นพวกไปนำ นั่งโจ้เหล้ากันอยู่ในรถ ร้องรำทำเพลงกัน ยามแวะปั้มน้ำมันกะลงไปทาแป้งกัน ซึ่งปีละเทือที่สิมีโอกาสดีจั่งซี่ สงกรานต์ที่สิฮอดวางแผนไปไสน้อ

    ทุกปีก่อนสงกรานต์ ทางบ้านแม่เถ่ากะสิตั้งโรงทาน เพราะก่อนช่วงสงกรานต์กะสิเป็นการบวชชีพราหมณ์ของผู้เฒ่าผู้แก่ และวัยรุ่นผู้ที่ใฝ่ในธรรมะ เป็นภาพที่เห็นแล้วปลาบปลื้มครับ

    ของฝากผู้เฒ่าผู้แก่ในช่วงเทศกาลสงกรานต์กะสิเป็นสบู่ ยาสีฟัน แป้ง ที่ซื้อจากร้านค้าชุมชนในหมู่บ้าน ลงชื่ออีแม่ เพราะสิได้เงินปันผลพร้อม ดีกว่าไปหาซื้อในตลาด ซื้อแล้วกะแบ่งใส่ถุงอ้อนต้อนแอ้นแต้น เอาไปให้ผู้ที่เฮาเคารพนับถือ สรงน้ำเพิ่น เพิ่นกะหาฝ้ายหาด้ายมาผูกแขนให้อยู่ดีมีแฮง ชุ่มชื่นกายและใจ

    ส่วนวัยรุ่นกะเล่นน้ำปะแป้งกันตามถนนหนทาง รถยนต์รถมอเตอร์ไซต์แล่นกันให้ว่อนไปเบิ๊ด ใต้ล่างบ้านแต่ละบ้าน กะตั้งวง ตั้งเครื่องเสียงกินเหล้ายาปลาปิ้งทั้งฟ้อนทั้งเต้นกันเป็นที่สนุกสนาน จักหน่อยกะสิมีรถพยาบาลแล่นผ่านหน้าบ้านเป็นระยะ ๆ ...ตายแน่ ๆ ๆ ๆ

    หลายคนกะบ่อยากกลับช่วงหน้าเทศกาล เพราะรถกะหลาย อุบัติเหตุกะบ่อย ยาดกันอยู่กันกิน กะแล้วแต่ควมคิดของไผของมัน แต่ข่อยว่ามันได้บรรยากาศดี ดื่มกินกะแซบ คึกคักดี

    ปีนี้เป็นปีพิเศษกว่าทุกปี เพราะเป็นปีที่สิฉลองครบ 7 รอบ ให้อีพ่ออยู่บ้าน ทางพี่น้องตกลงกันว่าสิหาหมอลำกลอนมาลำยามกังเว็นให้เลาฟัง เพราะอีพ่อมักหมอลำกลอน งดเครื่องดื่มมึนเมาทุกประเภท และงดการช่วยทำบุญ หรือการใช้เงินผูกข้อมือ ทุกกรณี

    แต่หากพี่น้องมีความประสงค์สิเฮ็ดบุญ หรือสิใช้เงินผูกข้อต่อแขน กะให้เอาเงินไปเสียบใส่ต้นผ้าป่า สินำเงินส่วนนี้บริจาคเข้าเป็นผ้าป่าให้โรงเรียนสหราษฎร์นุเคราะห์ ซึ่งเป็นโรงเรียนประจำหมู่บ้านทุกบาททุกสตางค์ สมทบกับผ้าป่าที่ไปจากกรุงเทพฯ

    ขอให้พี่น้องวางแผนการเดินทางให้ดี ๆ ทางลัดทางเลี่ยงที่ออกไปทางม่วงค่อม ชัยบาดาล หรือลำนารายณ์ และออกไปทางชัยภูมิ ออกไปช่องสามหมอกะดีครับ วิวกะงาม แต่บ่คึกคักเท่ากับถนนมิตรภาพ ร้านอาหารสิหน่อยจักหน่อย ถ้ารถบ่ดีมีสิทธิ์ได้กินข้าวลิง สงกรานต์ที่สิฮอดวางแผนไปไสน้อ

    พี่น้องวางแผนช่วงสงกรานต์สิพากันไปไสครับ จั่งใด๋กะขอให้มีความสุขในช่วงปลาย ๆ เดือนมีนาคมจั่งซี่ และช่วงเทศกาลสงกรานต์ที่สิฮอดนี้เด้อครับ เดินทางใกล้ไกลกะให้ปลอดภัยทุกถ้วนหน้าครับ ธุจ้า:,1-

    สงกรานต์ที่สิฮอดวางแผนไปไสน้อ

    ขอบคุณภาพจาก...หนังสือพิมพ์เดลินิวส์ ครับ


    ลิงค์ที่เกี่ยวข้อง http://www.baanmaha.com/community/thread32253.html
    แก้ไขครั้งสุดท้ายโดย พล พระยาแล; 23-03-2011 at 11:33.

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    สิเมือบ้านละครับ หนีความวุ่ยวายใน กทม. พักยก.. หาตึกแห หากินก้อยกะปอม หย่างเลาะเบิ่งดอกจานนำท่งนา ..สุดยอดของความสุขครับ...

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    บ่ได้ไปไสดอกปุ้ยอ้ายพล ทำงานคือเก่า
    อืมมมม คิดออกแล่วไปเที่ยววัดลาวดีกว่า

    ขอบคุณอ้ายพลจ้า ปุ้ยคึดได้แล่วจะไปไส :*-

  4. #4
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    โอ้ยยยหลายปีแล้วเนาะ บ่ได่เห็นภาพรถติดบนถนนมิตรภาพ เพราะว่าบ่ได้เทียวทางนั่นแล้ว
    แต่ว่าเมือบ้านปีกลาย กะพ้อรถติดแนยุจ้า ซือว่าสิผ่านไปได่ ติดไปตั้งแต่ สิขึ้นเขานครไทย จนว่าฮอดหล่มสัก กลับบ้านเทือจนว่าวินเขาวินโค้ง ตั้งแต่ แม่สอด ไปจนฮอด สารคาม แต่ว่าปีนี้ไปรับ อิแม่ น้องๆ และหลานๆมาเที่ยวแม่สอดแล้วจ้า คือสิบ่กลับสารคามดอกปีนี้ ขอให้ทุกคนที่จะเดินทางกลับบ้านในช่วงสงกรานต์ปีนี้ เดินทางด้วยความระมัดระวัง แล้วก้อขอให้เดินทางโดยสวัสดิ์ภาพทุกคนเด้อจ้า

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    หล่ากะสิกลับบ้านเฮาคือกันจร้า....คิดฮอดใจสิขาดแล้ว นับมื้อ นับเว๊น แล้วจร้า....

  6. #6
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    เอ่สงกรานต์บ่ได้กลับบ้านมา บ่แม่น 6-7 ปีแล้วติน้อ อย่างที่ว่านั่นหละครับเบื่อรถเบื่อรา เบื่อการแย่งกันใช้แย่งกันกิน แต่ถ้อยู่นี่กะบ่รู้สิเฮ็ดหยัง และอยู่นำไผคือกัน เอ่เอาจั่งได๋ดีหละบาดนี่แมะ

  7. #7
    ศึกษาหาความรู้ สัญลักษณ์ของ บ่าวเพิก
    วันที่สมัคร
    Apr 2010
    ที่อยู่
    แดนสวรรค์เมืองใต้
    กระทู้
    82
    เฮ็ดงานคือเก่า..บ่ได้หยุดหาเล่นน้ำกับลูกน้องนี่ล่ะ...555

  8. #8
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    ความเยือกเย็น

    สงกรานต์ปีนี้วางแผนไว้ว่า จินอนตื่นสวยๆ ลาพี่น้องบ่จัดรายการจักสามมื้อ แล้วกะไปเที่ยวรอบเกาะ (รอบที่ท่อได๋กะบ่ฮู้)
    เบิ่งฝรั่งเล่นน้ำวันที่ 13 มื้อเดียวแข่นๆอยู่เกาะสมุย ย้อนว่าเพิ่นเล่นแค่มื้อเดียวซอดแจ้ง

    แล้วกะไปนอนอ่านหนังสือริมเล ห่อข้าวไปกินนำ ห่อน้ำไปพร้อม (บ่มีไผอยากมายามแหน่บ่น้อ อิอิ)

    แล้วยามมื้อแลงกะมานอนคึดนอนฝัน วาดภาพฮอดช่วงเทศกาลสงกรานต์บ้านเฮา
    ตั้งแต่สมัยตะกี้ เล่นน้ำกันตะวันที่ 10 จนฮอดมื้อล้างบ้านวันที่ 18
    ผู้บ่าวผู้สาวกะพากันเล่นหนอนคู่ เล่นบักอี กินข้าวซุมกัน เพราะถ้าบ่แม่นเทศกาลแบบนี้
    กะบ่ค่อยได้มีโอกาสเฮ็ดกิจกรรมร่วมกัน ถ่าฮับเอาพี่น้องผู้เพิ่นมาตะกรุงเทพฯ ลังเทื่อกะได้ของฝากนำ ยามแลงกะไปสรงน้ำพระ

    ฮือๆ คึดฮอดบ้าน

  9. #9
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    มัวแต่คิดนำงานเปิดอัลบั้ม...พ.ค. ลืมสงกรานต์ไปเลยค่ะ อิอิ

  10. #10
    ศึกษาหาความรู้ สัญลักษณ์ของ ผุใหญ่สิงห์
    วันที่สมัคร
    Feb 2011
    ที่อยู่
    แหลมฉบัง ชลบุรี
    กระทู้
    59
    กะคือสิเมือบ้าน หนองบัวลำภู แหล่ว หมู่เผิ่นอยากไปเที่ยวบ้าน(นอก)พ่ะนะ บอกเฒ่าพ่อกับเฒ่าแม่ไว้แล้วว่าสาข้างบ้านอยู่หัวนาอย่าฟ้าวสูบเด้อ สิพาหมู่ไปสูบปา จักสิมีปาให้กินบ่หล่ะบู้่ ถ้าวัดเผิ่นเอาพระลงกะสิได้พาไปสงน้ำพระ กะว่าปีนี้สิอาบน้ำให้เฒ่าพ่อกับเฒ่าแม่อยู่บ้านนั่นหล่ะครับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •