ยังแคร์กันบ่น้อหล่า

[วัฒนชัย หาริโร]

น้องสาวเอย…
ได้เวลาแล้วบ่หล่า มื้อสัญญาเจ้าบอกกล่าว
จากปากสาวคนฮักอ้าย สิโงโค้งต่าวคืน…เด้น้อ
อ้ายเฝ้ารอมาดนมื้อ ด้วยความซื่อในคำสัตย์
บ่เคยตัดความสัมพันธ์ ถึงห่างกันไปหลายมื้อ
ยังคงถือคำจามั่น มื้อเจ้าหันมาบอกว่า
สิคืนนาเมษาฮอด อ้อมแขนกอดอ้ายบ่ลืม…เด้นาง
ฮอดมื้อนี้อ้ายอ้างว่าง รอพ้อนางบ่เห็นไหง่
หรือลืมไลแล้วชั้นบ้อ ผุรอเจ้ายุชุยาม
ใจฝากตามคำจามั่น หากลืมกันแล้วบอกแหน่
หรือบ่แคร์กันแล้วน้อง ส่งข่าวอ้ายบ้างแหน่เด้อ…น้องสาวเอย