กำลังแสดงผล 1 ถึง 9 จากทั้งหมด 9

หัวข้อ: ปากว่าฮัก..ฮักอ้าย..

  1. #1

    ปากว่าฮัก..ฮักอ้าย..

    คำว่าฮักจากปากเจ้า ให้เซาสาอย่าเอื้อนเอ่ย
    อย่ามาเปรยบอกพี่ชาย อ้ายได้ยินจนชินแล้ว
    ขอให้นงนางแก้ว ไปเว้าแซวคนผู้ใหม่
    คิดเห็นใจคนฮักแท้ แน่ถ่อนอย่าป่อนมา
    เว้ากับเขาพุ้นสาหล่า อย่าหันมาจานำพี่
    เจ็บอิหลีรักหลอกล่อ อ้ายพอแล้วเรื่องรักลวง
    เหมิดทั้งปวงดวงใจอ้าย หมุ่นสลายมาหลายเทื่อ
    คิดว่าเบื่อแล้วละเจ้า กับคำเว้าว่า..ฮักเด้อ..
    พออ้ายเผลอเจ้าผัดซ้อน ป้ายคำอ่อนป่อนคำหวาน
    เห็นอ้ายเป็นเพียงสะพาน แค่ทางผ่านสำหรับเจ้า
    เมื่อเห็นเขาดีกว่าอ้าย เมื่อเห็นชายไร้คุณค่า
    จำต้องลาป๋าจากน้อง ถึงหมองเศร้ากะสิทน
    สิขอหลบหลีกพ้น ไปก่นถางกลางนาไฮ่
    หนีจากคนบ่จริงใจ ทำนาไฮ่ทำใจพร้อม ขอยอมแพ้แม้..รักเธอ.....


    ปากว่าฮัก..ฮักอ้าย..ปากว่าฮัก..ฮักอ้าย..ปากว่าฮัก..ฮักอ้าย..


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ฮ่า ฮ่า ฮ่า เสี่ยวเอ้ย โตกะคนเต็มร้อย แม่นออยไปกะยาวยืด
    สู่นอนเดียวบ่ได้ อย่าซาถ่อนเรื่องผุญิง
    แม่นฮักจริงคือคำเว้า เขาบ่เอาหูใส่ ดอกเสี่ยวเอ้ย
    ซาติว่าญิงจัญไร มีตะเทียวหลอกต้ม ให้ซายล่มอยู่เคิ่งวัง พุ้นแหล่ว
    นั๋งสู้เฮามาฟ้าว สร้างก่อตัวตน เฮาเปี๋ยง
    อาจสิมีญิงปอง ฮ่วมเฮียงเฮือนเจ้า
    แต่เดี๋ยวนี้เฮามีเหล้า รีเจนซี ยุกรมหนึ่ง
    มาแมะเสี่ยว มาฟ้าวเมี่ยน เมาแล้วสิส่วงใจ 5555
    :b-b:l-:b-b
    แก้ไขครั้งสุดท้ายโดย หนุ่มหน้าลาว; 26-03-2011 at 20:05.

  3. #3
    ขอบคุณหลายเด้อต่าย สหายฮักสหายแพง
    เฮาเจ็บแฮงย่อนคำลวง เล่ห์คารมจนจมมิ่ง
    เพราะมีหญิงมาหลอกต้ม สมหัวใจแล้วป๋าปล่อย
    มาล่ออ่อยด้วยคำต้าน หวานนอกหากขมใน
    มาเหลือใจเจ้าของฮ้าย เชื่อคนง่ายจนใจเจ็บ
    มักกะมักเขาแฮง บ่ปันแบ่งเผื่อใจไว้
    แม่นจั่งได๋กะตามถ่อน มื้อนี้เซาออนซอนก่อนเนาะเสี่ยว
    เทเอาเหล้าเพียวๆ กินกับเสี่ยวเพื่อนแก้ว เมาแล้วเพื่อได้ลืม..เนาะ เพื่อน..



    :b-b:b-b:b-b

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เพิ่นอยู่ไสล่ะน้อง ญิงจังไรที่น้องว่า
    ให้มาหาเถ่าจังไรสิได้บ้อ อ้ายอยากพ้ออยู่ทุกวัน
    อัศจรรย์ใจโอ้แนวโตบ่สมเพิ่น
    ตกกะเทินหลงมักเจ้า อยากขอเข่าฮวมเฮียง
    ได้ยินเสียงหมอลำจ้าว แมนเพิ่นห่าวใส่คักแน
    สาวมักแวเถียงนาน้อย คอยถ่าแต่ผู้ซายแท้เด้อ
    อันคุณเธอกินแต่เหล้าเข่าปลาบ่หาใส่
    ญิงจังไรซุมมูนี่ อยากขอ... (ตี) เบิ่งจักคาวแถะเด้

    5555555
    แก้ไขครั้งสุดท้ายโดย พล พระยาแล; 27-03-2011 at 09:10.

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ตอบบ่าวบี

    นั่งกินเหล้า เมามายบ่เป็นท่า
    ย้อนเสียใจนำเพื่อนแก้ว ผุสาวถิ่มปล่อยป๋า
    เอาตี้เสี่ยวสิรินให้ กินเข้าไปให้มันส่วง
    หนีจากบ่วงฮักร้าว หนีความเศร้าให้ห่างคิง
    หลงผุญิงกะเลยเศร้า เมาเสียบ่ได้ว่า
    อย่าเสียเถาะน้ำตา ส่ำผุญิงอย่าอ่าวโอ้ โสถิ่มอย่าพะวง
    หน่ำลงไปอีกก้ง เพื่อให้ส่งความเหงา
    ก้งสองเซา ความคิดถึง บึ่งเลยให้เห็นฟ้า
    ก้งสามสี่เถิงห้า เฮาสิพา เยี่ยมนารก
    ยมบาลกะลุงข่อย สิไปย้านเฮ็ดอีหยัง
    ฟ้าวไปสั่งปิ้งแฮ้ง เทิงหมู่กาสบทอง
    เอามาเป็น ของกินกับ แฮ่งสิหวานลงท้อง
    รินจักสองสามก้ง ให้ลุงยมเพิ่นบ่ว่า ดอกเสี่ยว
    เหมิดเหล้าแล้วจั่งคืนมา ม่วนโฮแซวอยู่ห้อง มหาพี้สิบ่ดี ยุบ้อเสี่ยว 5555
    :b-b:l-ตอบบ่าวบี

  6. #6
    เอ๋า....เข้ากันคักเนาะเถ่าหน้าลาวปากเปกับ พลายแก้วเพื่อนรัก

    ขอเป็นกำลังใจให้เพื่อน ยังบ่ตายหาเอาใหม่
    สิเลือกเอาผุจั่งได๋ บ้านมหาแตกซวดซวด คักฮ้ายกว่าปลาเข็ง เพื่อนเอ้ย
    คันเฮ็ดใจยังบ่ได้ ให้ใช้ธรรมนั้นเด้อหมู่
    ไปนำครูหน้าลาว ว่าสาวหลายคักแท้
    ไปจอบแม้บัดห่าเจอ เพื่อนเอ้ยย

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,989
    บล็อก
    1
    จอบมาดนจนคันแข่ว แซวเฒ่ายาวย้านเลาหว่า
    ส่วนบ่าวก๋าคามกะบ่หยอก เอาบักกอกสามตะกร้าหามาต้อนอยู่บ่เซา
    ข้าวต้มผัด(โอ๊ะมัด)ผัดแฮ่งเว้า ไปเป็นเลาไฟไหม้ป่า
    พากษ์ผญาบ่อนเผิ่นเมี้ยน มาเีขียนต้อยต่อยแถลง
    ส่อยกันแยงเด้อน้องหล่า ส่อยกันพาเด้อพวกหมู่
    อี่พ่อปู่เผิ่นเฮ้ดไว้ เฮามาใช้ดอกส่อยกัน
    บ่แหม่นศิษย์ฮ่วมชั้น บ่สำคัญต้องแยกแบ่ง
    ฮักแพงกันคือแต่เค้า ฮอดมื้อเข่าอยู่กะโลง
    :,1-
    แก้ไขครั้งสุดท้ายโดย pcalibration; 28-03-2011 at 16:27.

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ปากว่าฮักฮักอ้าย สังมากลายย้ายความใหม่
    สังลืมไลละอ้าย หายเปื้องปิ่นหนี
    ความเว้าตั้งแต่กี้ เกืนกว่าสิสรรหา
    มธุรังวาจา แจบใจจริงแท้
    หยับไปแวหนข้าง ทางเทียวเลี้ยวบ่ซื่อ
    สัญจากือค่าล้าน ที่เคยต้านเจ้าล่ายลืม พี่หนา


    มธุรัง : ความหวาน / สัญจา : สัจจะ สัญญา / กือ : มากมายหลายกว่าล้าน(จำนวนนับ)

  9. #9
    อ้ายพี น้องกะแต่งไปสั่นแหละอ้าย ผญ๋าเพิ่นมาแฮงแต่งเบาหลายมื่อบ่ถึงเพิ่นจ้า



    โอน้อ ส่างมาหาเว้าแท้ เอิ้นลุงยมปานว่าเสี่ยว
    เชิญหน้าลาว เอิ้นคนเดียว เอี้ยวมาพี้บีเพื่อนแก้ว ทางนี้สิเว้านำ
    เพื่อนก้อนคำ อย่าสุมาโศกเศร้า เฮาสิเอาใจซ่อยหมู่
    เฮามีผู้แนะนำให้ เพื่อเป็นใภ้ทางสารคาม
    สาวผุงามผุโก้ เรียนบ้านโตนี้ล่ะเพิ่น
    ม.สารคามเพิ่นเอิ้น สาธารณสุขนั้นสี่ปี
    เพิ่งเรียนจบปีนี้ สาวผุดีหางานยุ
    กำลังสิบันจุ ประจำการตามหมู่บ้าน สถานที่รัฐหา
    คันสนใจให้ปากจา เบอร์โทรหนาสิบอกให้
    กดลงไปหนึ่งฮอดเก้า สลับเอาหมายเลขเด้อ
    อิอิ เพื่อนที่แสนดี
    แก้ไขครั้งสุดท้ายโดย ข้าวต้มมัด; 01-04-2011 at 15:39.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •