กำลังแสดงผล 1 ถึง 8 จากทั้งหมด 8

หัวข้อ: หอมดอกมันปลา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา หอมดอกมันปลา

    ...ถือกะต่าอ้อนต้อน ชวนเอาอุ่น ดอกมันปลา
    ไปหาชมมาลา อยู่ดงแดนด้าว
    แบกเอาไม้คันส่าว ไปนำ พอได้แหย่ มดแดงน้อ
    คันแม่นหมาน คงสิได้ กินก้อยไข่มดแดง
    แดดแฮงแฮงตาเว็นคล้าย ตกยามบ่ายระอุอวล
    กะเลยซวนคนฮัก นั่งเซาหยุดยั้ง
    นั่งลงไปใต้ฮ่มไม้ ดอกมันปลา พวมออกดอก
    ส่งกลิ่นหอมอูดเอ้า มาเข้าใส่ดัง
    ฟังเสียงลมพานต้อง ใบตองกุง ขูหล่น
    นกกาเวาโหวกเหวกฮ้อง คือมันท้วง หมู่คน นี่ล่ะ
    นั่งอยู่โดนใต้ฮ่มไม้ เย้าหยอกนางแพง
    อ้ายเด็ดเอาดอกมันปลา มาสอดแซมผมน้อง
    ตาสองตาอ้ายมองจ้อง นางเอ้ย เจ้ายิ้มม่าย
    อ้ายเลยหอมแก้มน้อง นางหล่ากะบ่หวง
    ดวงเอ้ยดวงดอกไม้ ซ่อนกลิ่นถวิลศรี
    คันบุญมี สิไปขอ แม่นาง เอามาซ้อน
    แต่ว่าในตอนนี้ ปัญหามี ให้ถ่าก่อน เด้อนาง
    อย่าฟ้าวหาผุอื่นซ้อน ลืมอ้าย ผุฮักนาง เด้อหล่าเอ้ย....
    :l-:l-:l-

  2. #2
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    150
    ขยันผลิตผลงานเนาะอาจารย์ จั๊กมื่อนึงสิได้ขอยืมผลงานอาจารย์ไปหากินอยู่ดอก

  3. #3
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    909
    เอื้อยอ่านกะบ่ลงวรรคลงตอนจักสิอ่านจั่งได๋ดอกจั่งสิได้บรรยากาศ

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    ตอบ Siranee
    มื้อหลังสิพยายามอ่านให้ฟังครับ ว่าผญาถ้าอ่านเก่ง ๆ สิมีเสน่ห์ และ หวานซึ้งส่ำได๋ครับ 5555
    แต่ตอนนี้ขอศึกษาจักหน่อยก่อนครับ ขอบคุณและไหว้งาม ๆ ที่ติดตามอ่านครับ(มีคนอ่านกะมีกำลังใจเขียนครับ )

  5. #5
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    323
    ดอกมันปลามาลาไม้กลินหอมชวนดอมดม
    หวานคารมณ์อ้ายคักน้องปักใจบ่ลืมมื่อ
    ยังจือคำอ้ายเว่าหย่อนพนางวามาขอ
    ยาให้รอหลงลม ล้อลวงเล่นมันบ่ดี..เด๋อ้าย
    ย่านหลายเด้อ ยานแมนอ้ายนั่นเห็นใหม่ มักหน้า
    ลืมวาจ่าคำหวาน ต่ออีนางเมื่อคราวกี้
    เห็นสตรีในกรุงกว้าง งามผ่องยองยัย
    ลืมกลิ่นใครดอกมันปลา บ่ตาวมาดอมดม
    ยาปล่อยน้องให้ก้มหน้า คอยทางยูล่องลอง..เด้อชาย
    ย่านแต่หมองใจกลุ้ม คอยถ่าอ้ายบ่มา..นี่แหลว..อ้ายเอ๋ย

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบ อ้ายบ่าวธนา

    บ่าวธนาเอ้ย ไคแหน่ยุดอกเจ้า หากินได้ง่าย
    มีคนมาจ้างอ้าย ให้มาแต้มแต่งผญา555
    สิให้เชื่อยุบ้ออ้าย ว่าเขาฮัก ว่าเขาคอย
    แนวบ่เป็นคำจา ของเจ้าของ เป็นคนเว้า
    คือบ่เอานางน้อง ดอกมันปลา มาเอ่ยปาก น้ออ้าย
    เจ้าซ่างมารับจ้าง แปลงเว้าผุอื่นเป็น แท้น้อ
    :l-:l-:l-

  7. #7
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    150
    สิบนิ้วยอมือไหว้..ปราชญ์ใหญ่หนุ่มหน้าลาว
    ข่อยนี้น้อส่างเป็นบุญ..ได้ส่องคำจาต้าน
    ได้พักพิงอยู่ซาน..บ้านมหาอ้ายหน้าลาว
    นี้หละน้อแหม่นบุญ..เกื้อกูลน้องชายน้อย
    มีหยังคอยสอนเว้า..เบิ่งแยงแหน่เด้อท่าน
    แหม่นสิ่งใด๋เนียวดีแล้ว..ยอไว้ยกใส่ครู..ถ่อนแหล่ว

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบThudjunior

    ...ฮ่า ฮ่า ฮ่า ขอรับศิษย์ผุน้องThudjuniorคนไค
    เฮามาเฮียนนำกัน จั่งม่วนยิน ซั่นตั้วท่าน
    อย่าสุมีแนวข้อง อย่าถือเป็น ครูบาใหญ่ เถาะเนาะ
    อยู่เฮือนเดียวกันแล้วน่า ฮีบมาฟ้าวแต่งแปลง เนาะครับเนาะ 5555
    ตอบThudjuniorตอบThudjuniorตอบThudjunior
    แก้ไขครั้งสุดท้ายโดย หนุ่มหน้าลาว; 03-04-2011 at 09:03.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •