บ้านเฮาตอนนี้...

[หนุ่มหน้าลาว]

หนาวฝนริน ดินดูดน้ำยามฝนลงดินเริ่มซุ่ม
ควายน้อยห่าวดีดดิ้นสะยานเต้นเล่นต่อฝน
ตาลุโตนคนเฒ่าผ้าสี่เขาเอาตุ้มห่ม
ก่อไฟผิงอยู่ข้างฮั้วจนผิวกร้านด่างดำ
ฝนฮำลงใบไม้ เขียวงามดั้วดอก
พวกจินูนจ๋อขาดแหว่งใบไม้ป่งซอน
ปลาในหนองกำลังข่อน ได้บ้อนซื่นบืนหนี
หวังสิไปให้มันเถิง หว่างคงคากว้าง
ชาวนาควงไถคลาด ลงนาฮุดไว้ก่อน
ปราบหญ้าหวายหญ้าน้ำให้มันสิ้นก่อนนา
หล่าเอ้ย อ้ายคิดเห็นตั้งแต่หน้า ยามใด๋น้อสิโค้งต่าว มาน้อ
กลับมาเป็น กำลังใจให้บ่าว ผุคอยท่ายุบ้านนาพี้ให้ซื่นใจ
มองเห็นดวงดอกไม้มันปลาหอมอ่อน นางเอ้ย
ใจแฮ่งคึดอ้อนต้อนนำน้องผุอยู่ไกล หล่าเอ้ย
:l-:l-:l-

[พล พระยาแล]

อากาศทั้งหนาวฮ้อน ออนซอนฝนมาตก

หมู่สกุณานกเซ็งแซวโฮฮ้อง

น้องไปอยู่ไสหล่าอำคาน้องของพี่

เห็นน้องออนอยู่บ้านมหาพี้ ใจน้องลี่ไปอยู่ไส

[ผุใหญ่สิงห์]

เดี๋วยหนาว เดี๋ยวฮ้อน เป็นตาออนซอน หลีโตนผู้เฒ่ากับเด็กน้อย
ปรับสภาพนำอากาศบ่ทัน กะเลยสิบ่สบายแหล่ว

[หนุ่มหน้าลาว]

อนิจจัง ยังมีไว้ ในใบคัมภีร์บอก
มีตำนานกล่าวใว้ บั้นปลายส่วยมุ่นเพ
อุกเด้น้อแต่ละมื้อ ออกข่าวทางจอ
มีแต่ความสูญเสีย บ่อาจกานปัญหาได้
เก่งปานได๋กะตามแหล่ว ประสาคนมนุษย์โลก
บ่ห่อนท่อพระเจ้า ผุเห็นฮู้เหมิดสุแนว
เพิ่นได้เตือนไว้แล้ว ปิฎกบอกเป็นคำสอน
ฮอดบ่มีคนได๋ ยึดมาเป็นแนวยั้ง
มีแต่เกินความเว้า ว่าโตดีโตถืก
เฮ็ดเกินคำเพิ่นบอกชี้ จั่งมีเรื่องให้ทุกข์ทน
เทิงฝนตกน้ำท่วม หนาวเข้าฮ่วม ผิดฤดู
มื้อหนึ่งมีสามแนว ฮ้อน หนาว เทิงฝนพร้อม
ซอมเอาเด้อพี่น้อง ของจริงพวมมาฮอด
จอดบ่แจวแล้วบาดนี้ สิไปลี้อยู่ไส พี่น้องเอ๋ย

[ฅนภูค่าว]

ครูนำ นร.ออกมาผิงกองไฟ เนื่องจากสภาพอากาศที่หนาวเหน็บจนยากจะเรียนไหว

ขอขอบคุณภาพประกอบจาก อินเตอร์เน็ต

ครูนำ นร.ออกมาผิงกองไฟ เนื่องจากสภาพอากาศที่หนาวเหน็บจนยากจะเรียนไหว