หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: ถามข่าวเสี่ยวบี...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา ถามข่าวเสี่ยวบี...

    เป็นจั่งใด๋แล้วเพื่อน หูตานั่นสว่าง ไปน้อ
    ตั้งแต่กิน ปิ้งแฮ้ง กาย่าง แกล้มสุรา
    ตอนเฮาพาไปเยี่ยม ลุงยม อยู่ใต้ล่าง
    เกี้ยวผีเผดแม่ฮ้าง โตลืมแล้ว บ้อเสี่ยวแพง
    เจ็บอกแฮง ซั่นบ้อเจ้า เซาสา เฮาขอปลอบ
    สาวในโลก นี้บ่ง้อ สิพาเกี้ยว เผดสาว ดอกหมู่เอ้ย
    เตรียมเหล้าขาว ไว้เด้อเพื่อน ขอเตือน อย่าลืมหล่าย
    พ่อลุงยม กินบ่ได้ รีเหล้า บ่ถืกคอ พะนะว่า
    สิพาขอ เผดส่ำน้อย ขน..(แขน)..บ่ทันเกิด
    หรือสิเอาเผดแม่ฮ้าง มาซ้อน บ่อนเขนย
    ขอเป็นเขยลุงยมพุ้น เพิ่นใจดี บ่เว้ายาก
    ขันหมากถืกอีกซ้ำ ทองก้อนกะบ่มี
    ยกให้ฟรีกะยังได้ คันถืกใจ พ่อลุงว่า
    เซาสา สาวโลกนี้ หนีไปเกี้ยว หม่องม่อนใจ เปี๋ยงเสี่ยว 55555
    :l-:l-:l-


  2. #2
    ขอบคุณหลายเด้อเพื่อน บ่แชเชือนเอิ้นถามไถ่
    ความห่วงใยน้ำใจซึ้ง แนบก้นบึ้งแห่งมะโน
    หาแนวโสหาแนวเว้า หวังให้เฮาลืมอดีต
    ส่างซาพิษรักขม ทุกข์ระทมระบมช้ำ
    ด้วยน้ำคำสาวหลอกล่อ สอพลอตอแหลหลอก
    ปากบอกว่าฮักอ้าย ชายพี่นี้ผุเดียว
    ความสัมพันธ์ฝั้นเกี้ยว เกาะกอดกุมใจ
    หวังสิตายฮ่วมกัน คือสัญญาเมื่อครากี้
    เล่ห์นารีมีหลายร้อย หมื่นพันมายา
    มาตราความจริงใจ เพิ่นหนักหลายไปทางต้ม
    พอแต่สมหัวใจแล้ว เลยสิแจวจรจาก
    พรากให้เฮานั่งฮ้อง ฮนไห้ยุผุเดียว
    หนทางเทียวแสนอ้างว่าง เส้นทางย่างบ่มีไผ๋
    คนของใจที่เคยมี มาบาดนี้เพิ่นหนีจ้อย
    เหมิดหวังคอยความฝันล่ม หัวใจจมกับความหมอง
    ได้แต่ท่องคำทำใจ ฝังลงในหัวใจร้าว
    แม่นมีสาวขาวหมวยโก้ โสเพิ่นงามซ่ำอินทร์แต่ง
    สิบ่ขอหล่ำแยง เชิญงามแฮงโลดเจ้า เซางอนง้อ..บ่สะออน...

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    เสี่ยวบีทางไดน้อ...เสียวบีหายติ....เลาไปบ่อกลับบ่อ จั่งได้ถามข่าวหา.....
    สิถามอ้ายพลเบิ่งก่อนว่าเฒ่าบีหายไปทางบ้านอ้ายพลบ่อ..

  4. #4
    มีเอ กะต้องมี บี น้องเอ้ย(คนตระการ) คนที่เจ้าอ่านผญ๋าเขาประจำ ภาษาผญ๋าเขาสละสลวยคล้ายกลอนแปดนี้แระชื่อบี จุดใต้ตำต่อเพิ่งตอบผญ๋าก่อนเธองัย

    สามาโสดีแท้ เพื่อนแพงแต่งกระบวน
    ชวนไปถึงทางหล่ม ผญายมเพิ่นถามพ้อ
    ส้อไปหลายน้อคำเว้า เอิ้นลุงยม พะนะพี่
    สิพาไปจีบเผดส่ำน้อย จั่งแม่นข่อยนี้ออนซอน
    สอนกันไปทั่วทีป ทางธรรมบ่เห็นเอ้ย
    มาเฉลยทางเว้า ความทุกข์เศร้าสิหายไป
    ความทุกข์หลายยิ่งต้องใช้ ให้ธรรมนำส่อง
    อ่านธรรมะตอนเศร้าหมอง เพื่อนรับลองเห็นป่องแท้
    บ่มีแย่ดอกบ่อนไป เพื่อนเอ้ย
    อันบุญกุศลบ่เคยได้ สร้างก่อน้อนำกัน
    สิผืนมันไปเฮ็ดหยั่ง ชีวิตมีพังเพม่าง
    หาทางธรรมเข้ามาช่วย สาวคนสวยสิมาสู่
    ผู้สิคู่เฮาน้้น คนยอย่องผ่องศรี เพื่อนเอ้ย
    แก้ไขครั้งสุดท้ายโดย ข้าวต้มมัด; 31-03-2011 at 20:21.

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ฮ่วยแมนเถ่าบีหายไปทางใด๋ บ่เห็นมากลับคืนต่าว
    ประกาศข่าวแหมะพี่น้อง ข่อยสิตีฆ้องพร้อมกอลอ
    บ่ได้งอมาทางพี้ คุ้มสามเสนบ่ฮู้ข่าว
    คันได้กลับได้ต่าวได้ซาวบีหายแล้ว ยามจิ้มแข่วให้ล้างมือแนเด้อเอ๋เอ้ย 555
    แก้ไขครั้งสุดท้ายโดย พล พระยาแล; 01-04-2011 at 13:44.

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ตะแม่นพากันเอาเรื่องจริงมาเว้าเล่นเนาะ หมู่เจ้ากะดาย อิ อิ อิ
    สู้เดอบ่าวก๋าคาม "แผ่นดินไม่ไร้เท่าใบพุทรา อันสุราดื่มแล้วก็ยิ่งคิดถึง"...พะนะ

  7. #7
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    อ้ายยยยบ่าวบี เสียไปใสจ้าฟ่าวคืนมาถะแมะ เข้าป่าหาดอกกระเจียวหลงป่องกลับบ้านบ่อ้ายยยยยย

  8. #8
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    431
    บล็อก
    3
    มวลหมู่เจ้าซ่างมาถามข่าวเฒ่าบีหาย
    จักไปอยู่กันทางได๋ บ่ฮู้แม่นหม่องยั้ง
    เพิ่นต้องไปเที่ยวเล่น พ้อหมู่ต่างประเทศ ซั่นแล่ว..
    มีเพื่อนใหม่ผิวเข้ม นามนั้นว่า "แฮรี่"
    ตั้ว...พ่อใหญ่พล

    จักพาเว้าหยังดอก ไปล้างมือก่อนย้านหวัดนก

  9. #9
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    บ่าวBหายอย่าสิเว้าปี้นท้อง
    ออกประกาศก้องไปตามน้องทั่วอีสาน
    ฟ้าวกลับมาอย่านานไทบ้านเผิ่นเป็นห่วง
    ผู้สาวลวงหลอกต้มไปงมโข่งอยู่ท่งได๋
    :,1-
    คะเจ้าหว่ามาผมเลยว่าตาม

  10. #10
    อ้าย บี นิแม่นอ้าย พลายแก้ว บ่น้อ ครับ อกหักจากสาวทางได๋น้ออ้าย คือ สิได้กินแต่ น้อยทิง:b-b:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •