กำลังแสดงผล 1 ถึง 2 จากทั้งหมด 2

หัวข้อ: วิถีทาง..แห่งชีวิต..รากหญ้า

  1. #1

    วิถีทาง..แห่งชีวิต..รากหญ้า

    การเฮ็ดนาสุมื้อนี้ เพิ่นทำนาแบบใหม่ ลืมคันไถแอกอ้อง บ่มีเอื้ออ่าวหา
    ซุมพ่อลุงแม่ป้า พากันใช้แต่ควายเหล็ก ซื้อเอามาแต่นำเจ๊ก ผ่อนดาวน์กะปานนั้น
    โฉนดที่ประกันไว้ ยืมเงินทุนไปใช้จ่าย บ่ว่าน้องและอ้าย จำนำไว้ถ่าเฮ็ดนา
    ฝนบ่ตกลงจากฟ้า ได้ทนทุกข์อุกหัวใจ น้ำตาไหลรินนอง ดั่งฝนเดือนเก้า
    คนพากันแสนเศร้า เหงาในทรวงจนว่าจ่อย แฮ้งอีโม่นเมากลอย หยังบ่ส่ำพวกหมู่นี้ ผู้เป็นหนี้ได้นั่งเหงา
    หนี้ย่อนลูกย่อนเต้า อยากได้รถมอเตอร์ไซค์ แพงปานได๋กะไปดาวน์ ลุกบ่าวสาวได้ขับซิ่ง
    เพลงสตริงพาเด็กเพ้อ หลงละเมอลืมฮีตเก่า ฮีตสิบสองคลองแต่เค้า บ่มีได้เชื่อถือ
    คนสมัยซุมื้อ เป็นตาหน่ายตามเคยเห็น ปุ๋ยใสนากะเงินเซ็น พร้อมที่นอนหมอนมุ้ง
    เซ็นไว้หลายกะเลยหยุ่ง ยามจำเป็นขอเซ็นก่อน ซื้อตู้เย็นกะเงินผ่อน ซื้อทีวีกะเงินผ่อน
    เซ็นฮอดเป็ดไก่น้อย เดือนสามคล้อยเพิ่นสิถาม
    พวกนายทุนหัวย้ามๆ ชาวบ้านนั่งน้ำตาไหล อุกหัวใจเด้น้อ ไดทุกข์จนฮนฮ้อน
    ออนซอนเด้คนเป็นหนี้ เงินบ่มีนั่งกอดเข่า ข้าวบ่มีสิขึ้นเล้า ขายเหมิดแล้วแต่อยู่ลาน
    ตามซอมเบิ่งทุกหมู่บ้าน บ่แตกต่างพอๆกัน หนีไปไผ๋ไปมัน ดิ้นรนคนเดี๋ยวนี้
    ซุมหนึ่งหนีไปตัดอ้อย หลายคนลอยลงเมืองล่าง ไปทำงานรับจ้าง อดพอได้แน่กะไค
    ลางคนหนีลงไปใต้ ไปอยู่ไฮ่เก็บกาแฟ หลายคนแซไปสวนยาง ห่างกันไปคนละที่
    ออนซอนเด้คนเป็นหนี้ เงินบ่มีหยุ่งกันใหญ่ ไฟบัลลัยกัลย์ลุกไหม้ ให้เฮาฮ้อนฮ่วนฮน...


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ตอบบ่าวบี

    ลีลากลอน บ่าวบีแบบใหม่ บ้อน้อนี่ 5555 เอ๋า จั่งใด๋กะม่วนคือเก่าเนาะ555 หย่าวเลยบีเอ้ย
    ขอมแกมนำแหน่ซั่นดอกหว่า 555
    คำโบราณ เพิ่นว่าไว้ ได้รถใหม่คันงาม
    บ่ควรลืมควายทาม โตขี่หลังลงน้ำ
    บ่ควรลืมบักเขาโค้ง อีเขาแล แขวนกะแหล่ง
    งัวอีแดง อี่ง้อง ตัวเจ้ากะอย่าลืม
    เดือนหกมาฟ้าฮ้องฮึ้ม ฝนกะหลั่ง ลงดิน
    ฝนสิริน หรือแฮง แล้วแต่เมโฆฟ้า
    เจ้าเคยเอา ฝูงข้า ไถนา จนว่าจ่อย
    เคยเอาควาย อีแม่น้อย นั้นมาเข้า ใส่ไถ
    เคยแก่เกวียน ลากไม้ จากป่า มาทำเฮือน
    เจ้าไปเรียนหนังสือ ได้ขี่เก่ง คันโก้
    เลยเล่าโส ทางถิ่ม หนีไปซิม น้ำหนองใหม่
    น้ำหนองไผ่ เจ้าผั่นถิ่ม ไปซิมน้ำ ก่องฝักบัว ..พะน้าพะนะ55555
    :l-:,1-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •