หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: รอรัก...วันสงกรานต์

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    รอรัก...วันสงกรานต์

    ดอกคูณคำยามหน้าฮ้อน สีเหลืองอ่อนตอนเมษา
    ย้อยระย้าเป็นพวงงาม อร่ามตาคราลมต้อง
    กิ่งหง่าก่องหยูบหยาบย้วย สละสลวยหยดหยาด
    ก่ายเกยกาดกลีบก้อน เกสรช่อจ่อจูม
    แลไปเป็นจุ้มกุ้ม เป็นพุ่มแซมอยู่แกมหง่า
    ลมพานมาประหนึ่งเล่น เอนล่อต่อพระพาย
    บ้างกะไกวกวยโหย่น โอ่นอ่อนสะออนเอียง
    คละคล้ายเคียงบาดนางอาย ตาฮักหลายจนใจเต้น
    บางครั้งเอนลงมาใกล้ คือสายใจมาใกล้พี่
    บางครั้งหนีขึ้นหง่าเค้า ดุจดั่งเจ้าสิเอ่ยลา
    ดอกคูณคำอันล้ำค่า เคยเด็ดหง่ามาแซมผม
    แอบสูดดมกลิ่นผมนาง มาส่างหอมเอาฮ้าย
    เจ้าผู้ชัยพฤกษ์เพี้ยง ส่งสำเนียงเสียงตามสาย
    นัดพี่ชายมื้อสงกรานต์ อีกบ่นานสิคืนโค้ง
    อ้ายสิลงสระปลาถ่า รอเจ้ามากินภาชน์ฮ่วม
    ใจสองใจสิได้รวม ฮวมเป็นฮักปักแหน่น ทดแทนมื้อที่ห่างเหิน....


    :l-:l-:l-

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย สงกรานต์สัญญา..ใจ

    จะบ่ไลลืมอ้าย สัญญาใจยังคึดต่อ
    ใกล้ละน้อ มื้อนัดเอิ้น เดินทางพ้อต่อสัญญา
    กินจี่ปลาลงสระน้ำ อ้ายเอิ้นคำอ้อนออดต่อ
    น้องนี้น้อรอนับมื้อ คืนหาอ้ายผู้เอ่ย..คำ
    ........นั้นละน๋าอ้ายเอ่ย...........
    :l-:l- แจมนำแหน่เด้อ อิอิ
    แก้ไขครั้งสุดท้ายโดย นู๋น้อย; 02-04-2011 at 18:34.

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ม่วนครับ นู๋น้อย ขอบคุณที่มาแจมครับ ว่าแล้วลองต้านต่อกะน้า ฮ่าๆๆๆ



    อ้ายยังคอยคองอยู่บ้าน วันสงกรานต์เจ้าสิอ่วย
    คอยคนสวยสิอ่วยคืน ได้นับวันจนฝันพ้อ
    นี่บ่น้อความคิดฮอด คนฮักที่จากไกล
    สัญญาใจบ่ลืมเลือน คอยย้ำเตือนสุวันมื้อ
    ซ่างมาคือซงนานแท้ สิบมื้อนี้แมะปานสิบปี
    ทุกนาทีตั้งตารอ ใจจดจ่อหวังพ้อเจ้า
    คิดถึงคราวตั้งแต่กี้ ที่นางเอ่ยเคยจา
    คำสัญญาว่าฮักกัน บ่มีวันสิลาร้าง
    คิดฮอดนางหลายเด้อหล่า รอเจ้ามาฮอดบ้านก่อน
    สิพาฮดน้ำขอพร อ้อนคุณพ่อแม่อ้าย หมั้นเจ้าไว้ให้พี่ชาย…

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย คอยฮัก...คนจากไกล

    คอยฮัก...คนจากไกลคอยฮัก...คนจากไกล ม่วนว่าติอ้าย ขอบคุณจ้า ต่ออีกกะน่า

    พอตะแสงตะเวนคล้อย น้องนี้คอยนับมื้อต่อ
    จากกันน้อตั้งแต่กี้ เป็นปีแล้วที่สั่งลา
    สิบมื้อจาหาความเว้า คำสองเฮาเว้ายังจื่อ
    ยังคงถือคึดต่อตั้ง นำใจอ้ายอยู่บ่เซา...

    ห่วงกะตั้งแต่อ้าย ยังคือเก่าบ่น้อใจ
    หมายจะให้แม่มาขอ เก็บเงินพอบ่น้ออ้าย
    ค่าดองแม่น้องให้ หลายหมื่นอยู่สู้ไหวบ่
    ถ้ามีพอตามคำเว้า นัดมื้อเข้าวันวิวาห์...

    :l-:l- ว่าซานเถ๊าะ
    แก้ไขครั้งสุดท้ายโดย นู๋น้อย; 02-04-2011 at 18:35.

  5. #5
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แม่นจิหนาวหรือจิฮ้อน บ่เคยทอนความคิดฮ่ำ
    คิดนำคำแพงน้อง คองเจ้าอยู่ผุเดียว
    แม่นสิมีคนมาเว้าเกี้ยว บ่เคยก่ายเกยสะพาน
    บ่เคยสานความนัย อ่อยผุได๋นอกจากเจ้า
    ยังคือเก่าอยู่เด้อหล่า ในอุรายังฮักแก่น
    ย่านแต่แฟนของบักอ้าย ห่างหลายมื้อสิเปลี่ยนผัน
    นับจากวันน้องจากบ้าน ไปทำงานอยู่ต่างถิ่น
    พร่ำถวิลแต่นำนาง ห่างกะห่วงดวงใจอ้าย
    ค่าดองหลายอ้ายกะสู้ บู๋นำงานปั่นโอที
    เพื่อคนดีดวงใจชาย แม่นเมื่อยหลายกะทนได้
    ยังบ่หลายดอกเด้อน้อง คองถ่าก่อนบ่ทันโดน
    สิให้คนเฒ่ามาขอ คันเงินพอสิไวฟ้าว
    ขอแค่สาวเว้าฮักหมั่น เติมใจกันวันละหน่อย
    รักหวานลอยรสลิ้ม ได้นอนยิ้ม..แน่เด้อ...

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย เป็นห่วงเด้อ..จ้า

    เป็นห่วงเด้อ..จ้าเป็นห่วงเด้อ..จ้า เอ้าซงม่วนไปหน้าแท้ เอาอีกจักกะหน่อย เน๊าะ...


    โอ้ยน้ออ้าย...ฟังคำชาย ขยายต่อ
    คึดพ้อควมเก่าเว้า ก่อนมื้อน้องจิสั่งลา
    ให้โทรหามื้อละหน่อย คอยเติมความหวั่นไหว
    ให้ดวงใจของนาง ได้มีแฮงใจตั้ง
    สู้ลำพังหลังหันหน้า เข้ามาหาความเฮืองฮุ่ง
    ในเมืองกรุง ตึกสูงเสียดฟ้า มหานครกว้างอยู่ผู้เดียว

    ได้แต่เทียวโทรถามอ้าย เป็นจั่งได๋ละน้อพี่
    เฮ็ดโอทีก้มหน้าก้ำ นำเวียกอยู่สุคืน
    บ่ต้องฝืนดอกเด้ออ้าย ห่วงร่ายกายเจ้าของแหน่
    น้องบ่แปรเป็นอื่นจ้า ยังคอยถ่าแต่พี่ชาย
    หลับให้สบายสาเด้อ้าย มื้ออื่นกายยังสู้ต่อ
    มื้อนี้ขอบอกกล่าวอ้าง นางขอเว้าว่าฝันดี...เด้ออ้ายเด่อ


    :l-:l- สู้ สู้

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ดอกคูณบานเหลืองแห้งเหี่ยวเฉาเมื่อน้องนงเยาว์ไม่ย้อนกลับคืน
    สายลมพัดมาวืนวืน ทุกค่ำทุกคืนพี่ฮ้องไฮ้เอิ้นหา
    อย่าหลงกรุงจนลืมผ้าถุงคนเขาสิซา
    กลับมาสาน้องหล่ามาเฮ็ดนาซอยพ่อแม่เฮา
    หนุ่มอีสานคนนี้ยังรอคนดีไม่สร่างเซา
    กลับมาอีสานบ้านเฮา บ้านของเฮาสิได้ซุมซืน

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    เจ้าผุดอกคูณค้ำ งามหลายในใจพี่
    จูมจ่อจีแซมก้าน บานสพรั่งกลางมะโน
    เจ้าผุทองคำโก้ คนอ้ายโอ่อ่าวหา
    คิดฮอดมื้อเจ้าสิมา กะส่างดนเอาฮ้าย
    คิดฮอดหลายคิดอ้อนต้อน นอนถวิลน้ำตาพราก
    กะคิดมากแน่อยู่เด้อ ย่านคุณเธอเผลอใจปลิ้น
    มื้อได้ยินสำเนียงเจ้า เว้าผ่านมาทางสาย
    พอได้คลายความห่วงหา ได้ส่างซาลงบ้าง
    คันมื้อได๋หน้าจอว่าง ทางหัวใจอ้ายกะห่วง
    แม่นไปควงผู้ใหม่แล้ว หรือนางแก้วยากเวียกหลาย
    แนวว่าไกลสายตาอ้าย ในใจคิดไปทั่ว
    อีกสักคำให้ชัวร์ๆ ว่าในหัวใจน้อง จับจองอ้าย..แม่นผุเดียว..

  9. #9
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย อยู่ในใจเสมอ...ฮู้บ่

    อยู่ในใจเสมอ...ฮู้บ่อยู่ในใจเสมอ...ฮู้บ่

    บ่มีไผ๋นอกจากอ้าย คนของใจมีเพียงพี่
    อ้ายคนดีของน้องหล้า อย่าจาเว้าให้กังวล
    อย่าสับสนปนตัดท้อ ก่อสร้างเรื่องให้เคืองใจ
    บ่มีไผ๋ในใจนาง ที่จะมาแทนบักอ้าย

    หลายต่อหลายคนมาหุ้ม อยากกุมใจอินางสา
    บ่ได้เผลอใจเลยจักครา ใจนั้นหน๋ามีเพียงอ้ายบ่หมายซ้อนผู้อื่นควง
    ย้านแต่ดวงใจบักอ้าย นั้นละหน่ายก่อนสัญญา
    สาวได๋มายามหา อย่าได้เผลอละเมอเว้า

    ฮักของเฮายังคงหมั้น เว้ากันให้เป็นกันคือจั่งว่า
    ห่างกันไปไกลตา อย่าได้มีท้วงทีร้าง
    ห่างกันสร้างทางหน้า จะโงวหายามฟ้าแจ่ม
    ให้อ้ายแนมรับขวัญน้อง นางหล้าจะต่าวคืน..เด้ออ้ายเอ่ย


    :l-:l-

  10. #10
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    อย่าสุให้อ้ายคอยเก้อ สงกรานต์เด้อคืนโค้งต่าว
    ทางผู้เฒ่าไทเฮือนอ้าย เพิ่นเตรียมฝ้ายไว้รับขวัญ
    เฝ้านับวันสิมาใกล้ ว่าที่ลูกใภ้สิมายาม
    ผ้าไหมงามแม่ต่ำมือ หวังสิพือโอมเอาน้อง
    สิขอจองนางเอาไว้ ฝั่นหัวใจให้หมั่นแก่น
    มิ่งสายแนนให้แหน่นน้าว ดึงพร้าวเข้าใส่โพธิ์
    สำหรับโตของบักอ้าย ดีใจหลายกว่าไผ๋เพิ่น
    จนหลงเดินเพลินย่างยิ้ม หัวหยุ้มอยู่ผุเดียว
    หมู่กะเทียวมาเว้าเย้ย ว่าเพื่อนเอ้ย..ส่างเป็นต่าง
    เจ้าโทรมาว่าบ่ว่าง อ้ายฟังแล้วจนว่าซึม
    หมู่ว่าลืมสา..เว้าเล่นๆ ใจจั่งได้เต้นตุ้มต่อ
    อย่าสุให้ใจคนรอ ผ้าไหมทอมือแม่อ้าย ต้องหยัยย้าย..กลายเป็นหมัน..เด้อนางเด้อ..

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •