หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 18

หัวข้อ: วาสนาน้องหน่อย

  1. #1
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2

    วาสนาน้องหน่อย

    "อ้ายเอ๊ย..น้องนี่แนวนามเชื้อบักหอยนาหน้าต่ำ
    บ่มีวาสนาสิได้ค้ำญาอ้ายผู้ยศสูง
    อ้ายเป็นแนวนามช้างสูงใหญ่ขาวเผือก
    น้องนี่เชื้อชาติไพร่บ่หาญยื่อจ่องคอ
    สาวได๋น้อผู้สิขึ้นงอยคอนั่งแหง่ง
    วาสนาผู้จั่งน้องเป็นควาญช้างบ่คือดอกเด๋อ้าย"

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    บล็อก
    9
    ขอแจมนำแน๊น้องพร ได้บ่น้อพี่ปุ้ยนิ คึ คึ

    อ๊ายเอ๊ย ใจน้องประสงค์อ้ายผู้ยศสูง
    ผู้เหลื่อมล้ำศักดินา ปานหงส์ขาว

    ใจจ่อเฝ้ ามองเมียงข้าง ทางหางตา
    ใจบ่กล้า สบพักตร์เต็มดวง คือจันทร์พราว

    น้องคนต่ำ ดำเตี้ย ปานอึ่งเผ้า
    อยากผยอง เคียงคู่เทียมฝูงหงส์
    ใจประสงค์ อยากบินได้ คือหงส์ ซั่นแหล่ว อ้ายเอ๊ย
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  3. #3
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    หล่านางเอ้ย...อ้ายบ่แม่นแนวนามเชื้อ พระยาผู้ยศใหญ่
    เจ้าคนไคบ่แม่นไพร่ ซ่างไขต้านว่าคือ
    แนวว่าคนสุมื้อ มีสิทธิเท่าเทียมกัน
    องค์ราชันย์ปัญจรัชย์ ให้เลิกทาสแต่นานแล้ว
    อย่าวาทแววไปทางก่ำ ต้อยต่ำฐานันดร
    บ่ห่อนมีผุได๋สูง เสมอกันในวันนี้
    ฟังวจีที่กล่าวเว้า ใจเจ้าเหมาไปทางห่าง
    คำวาทวางอ้างเอื้อน สะเทือนอ้ายฝ่ายหทัย
    เป็นเพราะใจของน้องหล่า อยากสิลาไปเป็นอื่น
    จั่งหาเรื่องมาเว้าพื้น ถมถื้นให้ขื่นขม...น้อ..อิอิ


    มาขอแนมนำ ขอรับ..อิอิ

  4. #4
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    "อ้ายเอ๊ย มาฟังคำน้องจาบ่แหม่นไลลาสิเป็นอื่น
    หินหนักหมื่นคือใจน้องถิ่มใส่น้ำจ่มหมิ่งแหม่นบ่ฟู
    คันบุญมีผลายู้กะอยากอยู่ดอกเคียงสอง
    แต่กะย่านคนมองแล้วเว้าพื้นดอกทางอ้าย
    เกิดเป็นชายเพิ่นวาไว้ดีหรือฮ่ายอยู่ที่คู่
    ขั่นได้เมียส่อยยู้ กะชูเกียรติเจ้าของตั๊วะอ้าย
    อั่นวาความฮักนั่น ฮักหมั่นแหม่นกว่าไผ๋
    อย่าสิเว้าเด้ชายวาน้องสิเมินหนีหน้า
    ฟังเด้ออ้าย ฟังวาจาน้องหล่า
    คันแหม่นอ้ายตายเป็นข้าวหมากกล้า แซมหญ้าสิค่อยเล็มเอาดอก
    ขั่นแหม่นเล็มบ่ได้สิหากระบุงมาฮูดใส่
    ขั่นแหม่นฮูดบ่ได้ สินอนกลิ้งเกลือกเอา ซั่นแล้ว"

    เห็นไป่อ้ายเห็นใจนางแล้วไป่? 555 เริ่มกินหางเจ้าของแล้วจ้า ขอบคุณหลายๆที่มาส่อยแจมเนาะจ้า

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1

    บักหยาบักหญ่าบักหญ้า
    อยากสิตายเป็นเข่าหมากกล้า
    ให้ควายน้อยมาลักกินเบิ่งเด้..หล่าเอ้ย
    (เริ่มสิเข้าท่าแล้วเรือ...55555 มาแจมนำน้องๆเด้อ)
    :,1-

  6. #6
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    407
    บล็อก
    3
    ช่องนี้ ผญา พระยา ช้างม้า กาหงส์
    ผู้ข่า บ่ประสา ซ่ำไก่กา กะลาน้อย
    แล่นมาเล่นทิ้มฮอยไว้ สิไปลี้ไห้อยู่ข้างเถียง(ฮ่างๆ)...อยู่ช่องพุ้น ดอกเด้อ

    มีแต่ปรมาจารย์ ม่วน คับ ม่วน

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    นางเอ้ย..เพิ่นว่าสัจจะผู้หญิงนี้ คือกวยกะต่าห่าง
    ถิ่มใส่น้ำ ไหลเข้าคุตา
    ฟังวาจาของเจ้า ซงฮักเฮาเอาเหลือหลาย
    คันแม่นตาย.. กลายเป็นข้าวหมากกล้า แกมหญ้าสิค่อยเล็ม พะนะ
    คือว่าเต็มใจฮูด หากะบุงมาฮองใส่
    บ่ทันโดนผัดเปลี่ยนใจ เล็มบ่ไหวให้ควายตู้ บู๋หย้ำหย่ำใส่ตม..
    ส่วนคารมของบักอ้าย ความฮักชายหมายคูณค่า
    อุปมาคือดั่งภูผากว้าง ลมต้องกะบ่ติง
    ความที่จริงใจแท้ บ่มีแวแปรเปลี่ยน
    คือดั่งเทียนบ่ถืกฮ้อน ฮนหุ้มบ่ห่อนงอ...พุ้นแหล่ว

  8. #8
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    บาดนี้หล่ะเพื่อนบี สิหายโศกเศร้าโสกาเพื่อนคือๆๆยุม่วนๆค่ะ ซวดๆๆ

  9. #9
    แบ่งปันความรู้และประสบการณ์ สัญลักษณ์ของ กะแยงนา
    วันที่สมัคร
    Apr 2009
    กระทู้
    211
    บล็อก
    2
    อั่นสัจจาญิงนี่กะสัตย์ซืออยู่คือกัน เด้อชาย
    ขั่นได้หมายมักแล้วบ่เคยคิดเอาไผ๋ซ้อน
    คำวาฮักของญิงนี่บ่ห่อนเว้าได้ง่ายๆ
    ปากวาจั่งได๋ ใจจั่งซั่น มายม่างแหม่นบ่เป็น
    มาสะออนคำคนฮ่าย คารมชายอ้ายเว้าวา
    อุปมาคือผากว้าง ลมต้องกะบ่ติง พะน้า..พะนะ
    โอ๊ยอ้ายเอ้ย ...ไผ๋สิเหลียวเห็นใส้ในใจนกขี่ถี่ น้ออ้าย
    ปากมันฮ้องพั่บพึ้ง ตาผัดสิ่งเบิ่งอีปู พุ่นแล้ว หึยยย...
    ...

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    โอ่ยน้อ..หล่าเอ้ย
    เจ้าผุใสส่องแจ้งกะแยงนา อยากมาหล่ำ
    หวานแท้คำเผิ่นต้อย ทางใจข่อยอยากแอ่วถาม
    คนผุงามคือน้อง รึมีสองซ้อนอยู่
    หรือหากมีแต่ซู้ ซายซ้อนหากแหม่นหมอน
    อ้ายหนิคิดอ้อนต้อน ยามนอนปานกวยอู่
    ใจมันคิดอยากฮู้ คำอ้ายจั่งหม่ายมา..ซั่นดอกหวา
    :,1-
    ปล.มาแจมและหยอกเพื่อเป็นกำลังใจเด้อครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •