อ้ายเอ้ย... อ้ายซ่างมากล้าเว่า วาเฮาลืมดอกวาจา
วาน้องลืมคำสัญญา ปล่อยป๋าให้มันฮ่าง
ฝันที่เคยฮ่วมสร้างไผ๋สิพังได้ง่ายๆ
มีแต่ใจบักอ้าย อยากย่ายหม่องผุจ่องใจ
ย่อนแนมคืนเบิ่งนี่ล่ะ ...จั่งฮู่วาไผ๋บ่ซือ
เบอร์ผุสาวในมือถือแตกจ้นๆ นำส่นจนบ่ไหว
วันหยุดนั่นน๊า อ้ายยากงานหลายตั๊วะหล่า อำคาน้องของพี่
ปากเพิ่นวา อดเอาเด้อคนดี ฮักเจ้าหลายเด้อน้อง มือเพิ่นค้องสาวเข้าเบิ่งหนัง พุ่นหน่ะ...
แล้วซ่างมากล้าเว่า กล้าเอาขี่ฟาดใส่กันแท่ะน้อชาย
ขั่นอ้ายหมายใจไป กะอย่าหาเรื่องดอกทางน้อง
อย่ากุควมมาฟ้องให้คนมองน้องถืกส่า
มุสาวาทา บอกอินทร์พรหมชั้นฟ้าเพิ่นเอาเองสาเด้ออ้าย
ทางวาใจนางนี่ ตกกระเทินกำคอแข่ บ่หวังวางให้หางมันฟาดดอก
มีแต่นางสิเน้นคอแข่ใส่ขี่ตมนั่นแหล่ว ...
มาแจมเด้อจ้าญาอ้าย ขออภัยถ่าติดๆขัดๆเด้อจ้า
Bookmarks