กำลังแสดงผล 1 ถึง 7 จากทั้งหมด 7

หัวข้อ: ถึงผุลางคนที่ "คิดฮ๊อดคิดฮอด"

  1. #1

    ถึงผุลางคนที่ "คิดฮ๊อดคิดฮอด"

    โอน้อ เจ้าผุต้นไม้ดั๊ว สูงใหญ่ใบหนาดก

    นกขมิ้นคือนาง ได้เกาะก่างกิ่งไม้

    บัดห่าลมพัดใบ กิ่งหง่าไม้ใบไหวอ่อน

    นกขมิ้นอ้อนต้อน เกาะหง่าไม้บ่ไลลา นั้นแหล่ว

    วาสนาน้องหล่า บ่สมพญาช้างใหญ่ อ้ายเอ้ย

    อยากสิขึ้นขี่คอ หากบื่นปีนขึ้นบ่ได้ แนวว่าไต่ขึ้นบ่เป็น

    จักแมนเวรอีหยังน้อ ฮักหลายน้อได้แต่เอ่ย

    ฮักเฉยเฉยได้ส่ำนี้ กรรมเวรตี้เอื้อมบ่ถึง นั้นแหล่ว

    แสนโสกียุไกลเยิ้น พอกระเทิ่นได้คิดฮ่ำ

    คิดเห็นคำพี่ชายเว้า อั่งเอ้าม่องมโน

    สางสิโสมอดม้วย ย่านตายถิ่มสื่อสื่อ

    ฮักนี้คือเป็นบ่ได้ สิตายแท้หย่อนคิดหลาย นี้แหล่ว
    แก้ไขครั้งสุดท้ายโดย ข้าวต้มมัด; 07-04-2011 at 20:42.


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    โอ้ยยยยยยเนาะว่าสิตอยผญากะเขียนบ่เป็นคือเพิ่น
    ขอนั่งอ่านซือๆดอกเด้อจ้าๆๆๆม่วนๆจ้า

  3. #3
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,368

    ถึงผุลางคนที่ "คิดฮ๊อดคิดฮอด"

    เพื่อเธอตลอดไป - ศักดา พัทธสีมา


    ลิขสิทธิ์บน YouTube Credit By : https://www.youtube.com/watch?v=S_yaepZ4zpY&feature=related

  4. #4
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    ... อ้างถึงรูปต้นไม้ข้างบนครับ ขออนุญาตแจม นำเด้อคุณข้าวต้มมัดครับ ...

    ... ฝ่าสายลมระทมหวังหลบฝน
    เดินวกวนสายฝนอาบใบหน้า
    หวังหลบกายร่มไม้ใต้ชายคา
    ดั่งเหมือนว่าต้นไม้เจ้าไร้ใบ

    ยังหลบลงตรงโคนต้นไม้เก่า
    แสงแดดเผาตัวดำจนเกรียมไหม้
    ไร้เรี่ยวแรงยากพยุงเดินจากไกล
    เพราะหัวใจฝังแน่นไว้ด้วยผูกพัน

    จะร้อยแดดร้อยฝนยอมทนสิ้น
    จนชีวินหมดสิ้นลมหายใจฉัน
    จะอยู่ตรงนี้ใต้ร่มไพรพนาวัลย์
    ไม่แปรผันตราบนานสิ้นลมหายใจ ...

  5. #5
    ขอขอบคุณทุกกำลังแรงใจและผู้สนับสุนกระทู้ทุกท่านค่ะ
    ขอบคุณคนภูค่าวสำหรับเพลงม่วนๆ
    และกลอนดีๆจากอ้าย บ่าววันดีค่ะ

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    เปรียบอ้ายเป็นกกไม้ ใบหนา น่าซ้นฮ่ม
    บาดยามลมพัดต้อง กังวานแว่ว หวีดหวิว
    นางเปรียบเป็นนกน้อย งอยคอน ได้ซ้นฮ่ม
    แดดแฮ่งฮ้อน ได้คอนยั้ง ซื่นเย็น
    นกเอ้ยเพียงมาเล่น เย็นใจ แล้วบินผ่าย
    มาลิ้มลอง รสหมากไม้ สมใจแล้ว บอกอ่วยลา
    เพียงมาจาหลอกล่อ ลวงไทร พฤกษาชาติ
    ให้มันหลงเล่ห์ลิ้น ลอยล่องลื่นความ จริงแหล่ว
    อันว่าแนวนามเซื้อ สักกุณา ฮ้องม่วน
    เจ้ากินมวลหมากไม้ จนเต็มท้อง อิ่มพี
    ก่อนสิหนียังมาเย้ย คอนเคยงอย คือพี่น้อ
    เจ้าฮอดขี้ใส่ซ้ำ แล้วลาร้าง ห่างสะเทิน หล่าเอ้ย

  7. #7
    คิดฮอดหลายกะอดไว้ สายแนนป่ายบ่เถิงเขา
    ให้อดเอาเด้อหมู่เอ้ย เดี๋ยวกะเคยชินแล้ว
    แนวบ่แม่นคู่ซ้อน คิดฮ่ำฮอนหวังเฮียงฮ่วม
    บุญบ่แม่นคาดสิร่วม สิโสยื้อกะย่องหนี
    บุญบ่มีสมคอช้าง อย่าหาทางซื้อกะแย่ง
    หมากกะแล่งมาอยากค้อง คอช้างส่างสิคือ..ฤๅเนาะ
    คันแม่ถือว่าฮักหมั่น ให้ตั้งมั่นหมั่นในรัก
    อนาคตไผสิจัก หากว่าคู่ของคะเจ้า ผีปอบเข้าป่วยตาย...นั่นเด
    ฮอดยามนั้นค่อยหยับย้าย พายถงขึ้นเฮือนใหญ่
    มีลูกกกเป็นพ่อชาย มีลูกปลายเป็นสาวโก้ โสภาเพี้ยงเคียงแม่มัน..นั้นเด..



    เอาม่วนเด้อเพื่อน มาแจมนำเพื่อนรัก..5555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •