กำลังแสดงผล 1 ถึง 5 จากทั้งหมด 5

หัวข้อ: ลองเบิ่งค่ะ "เพลงท่าลูกคืนถิ่น"

  1. #1

    ลองเบิ่งค่ะ "เพลงท่าลูกคืนถิ่น"


    อิอิ คลอดแล้วค่ะเพลงของข้าวต้มมัดลองแต่งเบิ่งได้สำนี้หละค่ะ "เพลง ท่าลูกคืนนา"
    ผิดพลาดประการได๋ซ่อยเติมซอยแก้เอาโลดเด้อค่ะ ยกให้เป็นสมบัติเวฟบ่แต่งต่ออีกเด้อ
    เดี๋ยวข้าวต้มมัดทอมาร้องให้ฟังประเดิมนำ ดีเจพล พระยาแล (ถ้าเพิ่นว่างรับสายค่ะ) อิอิ




    ค่ำค่ำแลงลงแดดอัศดงข้ามถิ่นอีสาน
    คิดเห็นแต่หน้าลูกหลานจากไปนานบ้านเกิดเมืองนอน
    เสียงกาเหว่าวอน คิดอ้อยต๊อนมื่อได๋สิมา
    คิดฮอดบ่เด้อลูกหล่าถิ่นบ้านนาป่าดงพงษ์ภี


    คิดฮอดบ่น้อปั้นข้าวเหนียวกับแกงหน่อไม้
    ขั่วกุดจี่ ลาบวัวปิ้งไก่ อ่อมหอยใส่ผักกะแยง


    ค่ำแลงคอยหาโอ้ลูกจ๋าพากันยุไส
    เหลียวเบิ่งแต่ขี้ดินไหง่ ปวดหัวใจมื่อได๋สิมา
    เฝ้าคอยตั้งตารอท่าไม่มาแม้เงา
    สงสารเด้พ่อแม่เฒ่าๆ ห่วงหาพวกเจ้าหย่านบ่ได้หล่าลา
    กลับเด้อลูกหล่าพ่อชราแม่ท่าบ่ไหว
    รอคอยลูกทั้งหญิงชาย อยู่หม่องได๋ให้รีบคืนนา


    ฟ้าฝนครื้มมาไฮ่นาเป็นตาสะออน
    บ้านเฮาไม่เหมือนเมื่อก่อนตาออนซอนกุ้งหอยปูปลา
    กลับคืนเมือบ้านมากินแกงเห็ดละโงก
    ตำหมากหุ่งผีมือบ่ตก ให้เจ้าหลบกลับถิ่นอีสาน
    อยู่เมืองกรุงไกลลืมแล้วบ้อเสียงเพลงบ้านทุ่ง
    กลับมาเด้อกินตำหมากหุ่ง มาบำรุงษ์อีสานบ้านเฮา
    แก้ไขครั้งสุดท้ายโดย ข้าวต้มมัด; 09-04-2011 at 19:35.

  2. #2
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    ถือว่าเขียนได้ดีครับ ข้าวต้มมัด เพียงแต่ว่าขาดสัมผัสต่อวรรค ขั่นเป็นเพลงมันสิไปยากครับ พยามครับ คำ กับ บรรยากาศ โดยรวมดีมากครับ...

  3. #3
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    ถือว่าดีครับในเนื้อหา แต่ขาดสัมผัสคือบ่าวข้าวจี่เพิ่นว่านั่นหล่ะครับ หากฝึกฝนได้ถืกหลักของการแต่งเพลงแล้วไปรับรองไกลแน่นอนครับ ผมได้เขียนหลักแนวทางการแต่งเพลงไว้แบบง่ายๆลองเข้าไปเบิ่งครับ :l-:l-

    http://www.baanmaha.com/community/blogs/entry513.html

  4. #4
    เนื้อหาดีครับ อ่านดูแล้วพาน้ำตาไหลครับ คึดฮอดบ้านอิสานเด้อบ้านเก่า คึดฮอดด็อกแต่เจ้าปานนี้อยู่จั๋งได๋

  5. #5
    ธุจ้าธุจ้าธุจ้าขอขอบคุณอ้ายบ่าวข้าวจี่ thedon เป็นอย่างยิงค่ะที่ติชมและได้นำสาระดีๆมาให้ข้าวต้มมัดได้ศึกษา
    เดี๋ยวสินำไปปรับปรุงแต่งใหม่อีกรอบลองเบิ่งจ้าตอนนี้พอรู้หลักการแล้ว
    อ๋อย....อยากมากๆกว่าทีคิดค่ะ ออนซอนเด้คนแต่งเพลงที่อัฉริยะทุกท่านค่ะ
    เพลงๆหนึ่งกว่าจ่ะออกมาได้รู้เลยว่าอยากขนาดได๋

    ขอบคุณอุ้ยอ้ายนำเด้อค่ะ คิดฮอดบ้านเนาะอ่านแล้วกะดาย
    แก้ไขครั้งสุดท้ายโดย ข้าวต้มมัด; 09-04-2011 at 23:32.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •