กำลังแสดงผล 1 ถึง 5 จากทั้งหมด 5

หัวข้อ: ผุลังคนขี้ตั๋ว

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา ผุลังคนขี้ตั๋ว

    ตั้งใจดีตั้งแต่เช้า ไปโรงเรียนประชุมด่วน
    สิเฮ็ดแผน เตรียมเอาไว้ เทอมหน้า อาจบ่ทัน
    แผนปฏิบัติการนั้น ของโรงเรียน ต้องพร้อมพร่ำ
    กะว่า คันประชุมเรียบร้อย สิไปเที่ยว เบิ่งหนัง
    นเรศวร(3)นั้น กำลังดัง กะยังว่า
    ฉายที่เนวาดา ตั้งเจ็ดมื้อ ต่อกัน
    ใจจริงนั้น อยากไปจอบ ผุลังคน
    เพิ่นสิพาสาวมา เบิ่งหนัง ในวันนั้น
    เพิ่นเคยคุย ก่อนหน้านั้น ว่าสาวงาม ของเพิ่น
    หุ่นดีสูงเจิ้นเทิ้น นางฟ้า กะบ่ปาน พะนะ
    เวลาดีออกจากบ้าน ประมาณเที่ยง พอดี
    อ้ายเลยจับโทรศัพท์ ยกหู ขึ้นมาเว้า
    กดเลข088 308 2xxxเจ้าประคุณ ทำซงเสย บ่หัวซาซ้ำ
    บัดได๋แท้ แม่นเพิ่นตั๋ว หรือท่าใหญ่ น้อบาดนี้
    นัดเฮาไว้แท้แท้ ผั่นหายจ้อย ฮอดบ่เห็น555555ฮิ้วๆๆๆๆ
    :l-:l-:l-

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ฮัดเช้ยย...อ่ะแค่กๆๆ ฮ่าๆๆๆๆๆๆๆๆ โอ๊ยยย เนาะ..



    พอได้ยินคำเว้า ส่างมาเน่าหัวอก
    ว่ามาได้ว่าโกหก พกลมลวงลิ้น
    ข้าวบ่กินย่อนฟ้าว จ้าวใส่ให้ทันกาล
    ย่อนคิดย่านอ้ายคอง นัดฉลองวันพบพ้อ
    ไปฮอดรอคอยถ่า ใกล้เวลานัดเที่ยง
    ตาสอดเสี่ยงหาอ้าย หายจ้อยไร้ฮอดเงา
    หรือเพิ่นลืมคำเว้า หมายนัดเฮาบ่มีค่า
    บ่แม่นชื่อดอกมันปลา บ่อยากมาบ่อยากพ้อ ได้รอเก้อให้เคอะเขิน
    หลังจากเดินพ่องคอยถ่า ได้เวลาเที่ยงเคิ่ง
    เลยเข้าเบิ่งชมหนัง สมดังตั้งใจไว้
    หนังฟอร์มใหญ่อิงประวัติศาสตร์ มหาราชนเรศวร
    เบิ่งแล้วชวนให้คิดเห็น เป็นอุทาหรณ์ก่อนกี้
    อิสระเสรีกว่าสิได้ ไทยเป็นไท..ยากหลายหนี่
    สละชีวิตเลือดเนื้อ เพื่อเหลือไว้ให้ลูกหลาน
    อยากสิชวนทุกๆท่าน คันมีเวลาให้มาเบิ่ง
    พอให้ใจได้ฮ่ำเพิง และคิดเถิงบรรพชนท่าน บากบั่นสู่..เพื่อเฮา..

  3. #3
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    5555 บ่แม่นลาวคาไปสาปลายุบ่บ่าวต่าย โทรไปลาวจั่งบ่รับสายอิอิอิ

  4. #4
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    549
    บล็อก
    21

    นัดหมายแบบไทยๆ

    ฟังเผิ่นเว้ามีนัดหมายกันยามเที่ยง บ่อมีไผหลีกเลี่ยงเพียงหน้าตั้งตาคอย
    พอเวลาเคลื่อนคล้อยใกล้สิเที่ยงพอดี เผิ่นหากมีใจคิดบิดเบือนไปคนกล้ำ
    ใจถลำคิดอยากฮู้ว่าหมู่อยู่ทางได๋ กะเลยฟ้าวเร็วไวกดเบอร์โทรไปหาเพื่อน
    เป็นเสมือนเวรต้องกรรมนำมาซ้ำตื่ม เผิ่นอาจลืมทิ้งไว้โทรแล้วบ่อรับสาย
    อีกก้ำฝ่ายกะรีบจ้อรออยู่ที่โรงหนัง ตั้งความหวังมาพบเที่ยงตรงคงเพียงพ้อ
    รอแล้วรอคอยท่าล่วงเลยมาเป็นเที่ยงเคิ่ง เบิ่งโมงยามใจหายวาบคอยแล้วบ่อต่าวมา
    เลยบ่อช้ารีบเข้าเบิ่งในโรงหนัง เป็นตาซังนัดหมายสลายสิ้น
    บ่อได้ยินความเว้าความจามาบอกเหลื่อน เป็นเสมือนหลอกต้มความเว้าบ่ออยู่ความ
    อีกฝ่ายหนึ่งโทรแล้วบ่อมีสายเรียกตอบ โทรหลายรอบซ้ำๆสายนั้นกะเงียบหาย
    ใจที่หมายพบพ้อกลับปิ้นเป็นผิดหวัง จังแหม่นซังเผิ่นหลายบ่อรับสายพอลี้
    เหลียวไปพุ้นไปพี้งงงวยอ่วยทางใหม่ เลยบ่อไปพบเจ้าเหงาอึ้งอั่งมโน
    ก่อนสิจบต่าวบั้นฟังกันมาอ้ายคิดว่า ตั้งใจมาพบพ้อเวลานั้นกะนัดหมาย
    โทรแล้วสายบ่อว่างหรือว่าลืมมือถือ ลืมเครื่องมือสื่อสารบ่ออาจหากันพ้อ
    ต่างคนต่างรอท่าคึดกันมาคนละเรื่อง เลยฝืดเคืองนัดมื้อนี้สลายสิ้นแคล้วคลาดกัน ซั่นเด้น้อ

    นัดหมายแบบไทยๆนัดหมายแบบไทยๆนัดหมายแบบไทยๆ

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบอ้ายบ่าวหนุ่มน้อย

    อธิบายเจนแจ้ง ให้สองคนแจ้งสว่าง
    บ่ให้หมางม่ายหน้า ว่าไผแท้หล่ายสัจจา
    การคลาดคลาเวลานั้น มันเป็นไปตามซาติ
    ไผกะคลาดเคลื่อนได้ อย่าใจฮ้ายหน่ายเซ็ง
    เข้าใจดีแล้วล่ะอ้าย หนุ่มบ่หลายธิบายบอก
    ขอยอกรประนบน้อม ที่มาแจ้งให้ซื่นใจ
    ต่างคนใจไปคนก้ำ อย่านำมาซึ่งแบ่งแยก
    อย่าแหกพวกพี่น้อง ว่าเขานั้นบ่ดี
    อย่าติพงศ์พันธุ์เชื้อ ไลลืมพี่น้องเก่า เพิ่นว่าเด๋
    โบราณบอกแต่เค้า คำนึงไว้ใส่ใจ
    ไทยคือไทยล่ะน้อท่าน อย่าผลาญไทยให้ม้างมุ่น
    ฮีบพากันฟ้าวเร่งจ้าว พาไทยให้ฮุ่งเฮือง เนาะท่านเนาะ
    ตอบอ้ายบ่าวหนุ่มน้อยตอบอ้ายบ่าวหนุ่มน้อยตอบอ้ายบ่าวหนุ่มน้อย

    ขอบคุณครับอ้ายหนุ่มน้อยที่มาแกมนำ ผิดพลาดจั่งใด๋กะขอคำแนะนำแหน่เด้อครับ...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •