เหมิดหน้าหา กินูนแล้ว สิหากินทางใหม่
หาใส่ไซส่อนกุ้ง ปลาซิวแก้วไว้ท่าแกง
ยามแลงไปหาซ่อน ในหนอง น้ำห้วยแอ่ง
ตาเว็นแดงก่อนสิมืด หากับข้าว ไว้ใส่แลง
ได้ผ้าแง่งผืนแหล่แหล่ แวลงหนอง หม่องเคยเที่ยว
ซ้อนเอาซิวกุ้งน้อย ปลาซิวแก้ว บ่อนประสงค์
นวลอนงค์ของอ้าย เจ้าใส่ซิ่นตะโหล่งลาย ลงลอยน้ำตุ้มตีเติ่น
ซ่างเพลินใจม่วนแม้ง เห็นนางน้องล่องลอย
โอนอดวงใจข่อย มองเห็นนาง มางามค่อง แท้น้อ
เห็นทรวดทรงอ้อนแอ้น แม่นนางฟ้า กะบ่ปาน
ก่อนสิกลับคืนบ้าน น้องให้กอด ย้อนหนาวเย็น
อุ่นไอเอ้ยของความฮัก ซ่างอุ่นแฮงจนเป็นฮ้อน
ยากหลายเด้ อ้ายอยากมีคนซ้อน แต่บ่มีเงินสิแต่ง
ต้องจำทน นอนแล้งแล้ง บ่มีซู้เปล่าดาย หล่าเอ้ย
:l-:l-:l-