กำลังแสดงผล 1 ถึง 4 จากทั้งหมด 4

หัวข้อ: หน้าลาวพเนจร...

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    หน้าลาวพเนจร...

    หลังจากเกณฑ์ทหารแล้ว กะคิดอยาก สิมีเมีย
    แต่ว่าเงินบ่ทันมี สิแต่งเอามาซ้อน
    มาออนซอน ชีวิตโตของอ้าย หน้าลาวเอ้ย มันตกต่ำ
    หาทำงานรับจ้าง หาเงินไว้ ท่าแต่งงาน
    ออกจากบ้าน ลาก่อนเด้อบิดา เทิงมารดา ลูกสิจรจำฮ้าง
    ลงไปทาง ไทพุ้น ห่ามีงาน พอได้เพิ่ง
    พอมีเงินไว้ท่าเลี้ยง เจ้าของให้ บ่ตาย
    คันได้หลายสิเก็บไว้ ออมสิน บั้งไม้ไผ่
    ท่าเอาไปแต่งน้อง สาวน้อย ผุพี่หมาย
    ทุกมื้อนี้ตัวอ้าย ได้งานใหม่ เป็นเจดี(โอ๊ะดีเจ)
    อยู่สระบุรี บ่อนเฒ่ายาว เพิ่นมาเยี่ยม
    เฮียมเอ้ยหล่า สาวสกล ให้ถ่าพี่ ก่อนเด้อ
    เลี้ยงหมูให้พีพี ขายเอาเงินมาไว้ท่า งานเลี้ยงแต่งดอง พะน๊าพะนะ ....... 5555555ฮิ้ว
    หน้าลาวพเนจร...หน้าลาวพเนจร...หน้าลาวพเนจร...


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    555555555เลี้ยงหมูน้อยในเฟชบุ๊กติบ่าวต่าย( ค่าดองน้องติ๋ม
    )

  3. #3
    เกิดเป็นกะต้องสู้ บู๋บืนไปคนละอย่าง
    วิถีทางการต่อสู้ กะสุดแท้แล้วแต่ใจ
    ผุลังคนหาได้ กะไคแน่เพิ่นหมาน
    มีการงานเงินทอง อั่งนองเต็มล้น
    มีฮอดคนคอยถ่า เป็นยาใจยามล้าหล่อย
    เลี้ยงหมูคอยถ่าล้ม โฮมพี่น้องมื้อวิวาห์
    สมคำว่า..แม่นแข่งหยังกะแข่งได้ เว้นไว้แต่พรหมลิขีต
    ชาตาขีดแต้มมา วาสนาผลายู้
    มาซอมดูทางข่อย มาซงหน่อยแทะบุญหลัง
    แนวสมหวังบ่เคยมี ทางวิถีชีวิตฮ้าง
    มีหลายอย่างอยากโทษฟ้า เทวดาบ่หลิงหล่ำ
    มักผุได๋มีแต่ช้ำ ระกำเศร้าเก่าหมอง
    คนถ่าคองบ่มีพ้อ คนที่รอบ่เห็นไหง่
    คนที่ชื่อว่าคนฮู้ใจ คนห่วงใยทุกค่ำเช้า คนอยากเว้า..ส่างป่าวแปน..แท้น้อ..

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    เสี่ยวเอ้ย ...เกิดเป็นชาย อยู่ในซ้ง ทรนงองอาจ
    แม่นสิจนกะต้องสู้ บู๋ม้าง จั่งแม่นชาย
    ใจอย่ามายไปทางท้อ งอมือ ท่าคนซ่อย
    ใจของชายอย่าเปลี้ยง่อย เขาสิเอิ้น ว่าอ่อนแอ
    ปัญหามีกะต้องแก้ ไขออก ให้เห็นความ
    อย่าคิดหนีปัญหา บ่แม่นชาย ชนชั้น
    สองสามวันยังมีเค้า ของเขา เป็นตัวอย่าง
    ศูนย์ศูนย์เจ็ดเพิ่นเดินทาง ของผุชายแท้แท้ บ่ยอมแพ้ชีวิตจน
    เกิดเป็นคนต้องจั่งซี้ แม้นชีวี อย่าไปเกี่ยง
    บักมีเงินเจ็ดหมื่นล้าน บ่หาญกล้า ส่ำเขา
    โตและเฮาต้องยอเอิ้น สรรเสริญ ให้ทรงเกียรติ
    ยกเอาไว้เบื้องหน้า ของชายกล้า กว่าชาย
    ญิงที่หมายโตจองไว้ สิไปไส กะตามซ่าง เถาะเสี่ยวเอ้ย
    เขาบ่หมายสิเคียงข้าง โตเจ้า ปล่อยเขาไป
    โตต้องใจหนักแน่น มั่นคง แล้วสู้ต่อ
    อีกบ่โดนกะสิพ้อ สาวโก้ ผุฮักจริง
    บ่จำเป็นกะอย่าวิ่ง เข้าหาหมู่ อิสตรี
    ลองให้เขามาหา เบิ่งดู้ อย่าใจฮ้อน
    จงสังวรใจไว้ แมงเม่าบิน เข้ากองไฟ มีแต่วัน สิจมจุ่ม
    ให้เจ้าทอดถะเนิ้ง คอยท่าคู่เขนย จริงแหล้ว...
    :l-:l-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •