กำลังแสดงผล 1 ถึง 3 จากทั้งหมด 3

หัวข้อ: สรงน้ำแม่...แต่หากเหมิดคำเว้า...

  1. #1

    สรงน้ำแม่...แต่หากเหมิดคำเว้า...

    ประนมหัตถ์นมัสน้อม ค้อมกายก้มกราบ
    ศิโรราบแทบเท้า พระคุณเจ้าแม่กระผม
    สิ่งได๋ลูกได้ล่วงม้ม ก้าวก่ายเกินการณ์
    โปรดประทานการอภัย ให้ลูกชายแน่เด้อจ้า..
    ขอสมาด้วยขันน้ำ ลอยมาลัยถวายส่ง
    ประพรมสรงแม่เจ้า ขอเฮียมเฒ่าให้อยู่เย็น
    ขอให้เป็นโพธิ์ไทรตุ้ม คลุมเกล้าเกศกระหม่อม
    ขอสังฮอมคุณเลิศล้ำ ด้วยสายน้ำเทิดพระคุณ...แม่เอ้ย..
    ...มืออบอุนหนุนสองแก้ม แม่แนมตาแล้วจาต่อ
    ว่าแม่ขอเชิญเทพไท้ พระรัตนตรัยสิ่งศักดิ์สิทธ์
    จงปกปิดคุ้มภัย ให้ลูกชายของแม่
    ให้มีแต่สุขีหมั่น ก้าวผ่านวันที่ล้าหล่อย
    แม่ยังคอยอยู่ข้างๆ บ่ลาร้างห่างสะเทิน
    ปากแม่กกกล่าวเอิ้น อัญเชิญขวัญมาโฮม
    มือกระโจมแขนลูกชาย ฝ้ายด้ายขาวมาเคียนค้อง
    มาเด้อขวัญเอ้ย...ขออย่ามีกรรมต้อง โพยภัยสังอย่าบังเบียด
    แนวเสนียดให้คลาดแคล้ว ลูกชายแก้วแม่เด้อ
    ฮักเสมอเด้อลูกหล่า หาเวลาพักแน่
    นับมื้อแม่แฮ่งตะเฒ่า อยากให้เจ้าอยู่สบาย
    ดูแลกายใจโตบ้าง ในบางอย่างกะปล่อยเสีย
    ฟ้าวหาเมียอย่าอยู่นาน แม่อยากอุ้มหลานแล้วเด้อลูก พะนะ..
    พอแต่ผูกฝ้ายให้ มาขานไขบ่คือเก่า แท้น้อ
    กราบลงตรงแทบเท้า จักสิเว้าว่าจั่งได๋..แม่เอ้ย..


    :l-:l-:l-


  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย สงกรานต์รักกราบตักแม่

    ธุจ้า

    กราบวันทาขอขมาแม่ ทั้งพ่อเฒ้าแก่แลชรา
    สงกรานต์อีกปีแล้วหน๋า บ่งบอกว่าวัยชรามาถึงแล้ว
    ลูกน้อยดวงใจแก้ว ของอิแม่ก้อนคำเอ้ย
    ไปอยู่เลยทางไกล ห่างใจก้อนคำแม่
    ให้ดูแลโตบ้าง งานการให้เฮืองฮุ่ง
    ใจหมายมุ่ง ปรารถนาได้ให้ยิ่งใหย่เป็นคนโต
    ให้โรคาภัย ล่วงกรายหายเว้น
    ให้เจ้าเป็นคนงามหน้า งามวาจา อิหล้าแม่
    ให้พ่อแม่ได้เพิ่งเจ้า ยามกายเฒ้าล่วงชรา
    พ่อนี่หน๋าบ่มีมูลมังค้อง เกิดกายเจ้าดอกเด้ออุ่น
    ให้เจ้าพูนหาเอา เพิ่มใส่ในกายสะสมไว้
    อย่าใช้จ่ายจนฟูเฟื่อง คิดฮอดเมืองบ้านเฮาแหน่
    ยามพ่อแม่บ่อยู่แล้ว ไผ๋สิเบิ่งดวงแก้วของแม่น้อ
    ให้พบพ้อคนควงแล้ว เหมาะสมแนวน้อทุกอย่าง
    ลูกสาวอิแม่นางคำเอ้ย ให้เชยชื่นลูกสาวแม่....สงกรานต์รักกราบตักแม่


    :l- แจมนำแหน่ สงกรานต์ฟีเวอร์ ย้านบ่อินเทรน สงกรานต์รักกราบตักแม่

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    5555555ตึกแหให้มันหมานสาก่อน 555555
    หาซื้อตะปลาทูมาให้แม่เพิ่นบ่มักยังว่า เลยสิบ่ได้เมียเด้555555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •