....มื่อนี่ช่วงเที่ยงๆสิบ่าย อากาศในกรุงเทพครื้มๆ คือฝนสิตก หลังจากเสร็จภารกิจเรื่องงานกะเริ่มอ่านอ่วยหาแนวกิน..
หาซอกตู้เย็นไปผ้อหน่อไม้พร้อมเครื่องแกงครบชุด..ป้าแม่บ้านเพิ่นซื้อมาไว้ สงสัยเพิ่นได้ยินจ่มว่าอยากแกงหน่อไม้..กะเลยให้เพิ่นจัดการซะเลย ..
..มีวัตถุดิบตามนี้หละครับ..
หน่อไม้/หญ้านาง/บวบ/เห็ดนางฟ้า/ผักกะแยง/น้ำปลาแดกนัว/
บักพริกสด/ผงชูรส/ข้าวเบีย..
ปอกหน่อไม้ ฝานบางๆ ต้มน้ำขมออก ช่วงที่รอกะหย่องหญ้านางไว้ หม่าข้าวเบียไว้นำ
บักฮุงกะฝานยำไว้ถ่าตำ อย่านั่งอยู่ซือๆพะนะ ป้าเพิ่นว่าให้ไผน้อนี่ กะนั่งอยู่นำกันแค่ 2 คน..55
หลังจากต้มน้ำขมออกชิมเบิ่งพอดีแกงแล้ว ตั้งหม้อต้มน้ำหญ้านาง พอน้ำเดือดกะปรุงรสด้วยน้ำปลาแดกนัว
ผงชูรส พอใจในรสชาติแล้วกะใส่หน่อไม้ ใส่บวบ พริกสดบุบพอแตก สักพักกะใส่เห็ดนางฟ้า
พอเห็ดสุกชิมเบิ่งอีกเทื่อขาดหยังกะเติมเอา.ถ้าพอดีแล้วกะใส่ผักกะแยงสุดท้าย ใส่แล้วคนๆนิดนึงแล้วกะปิดไฟหรือปลงหม้อลง..
..จากนั้นกะเตรียมเสริฟ..ชิมเบิ่งเบิดไปถ้วยนึง แซบเติบ..55
จัดสำรับ..เมนูเพิ่มเติมกะคือตำบักฮุง มีลาบหมูพร้อม..ผักมีแต่บักเขือ/บักแตง .
..มาแซบนำกันบาดนี่พี่น้อง แนวกินง่ายๆ กินแล้วเซาคึดฮอดบ้าน..55
Bookmarks