กำลังแสดงผล 1 ถึง 3 จากทั้งหมด 3

หัวข้อ: แซวม่วน วันหยุดสำหรับคนมักเลาะ 555

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา แซวม่วน วันหยุดสำหรับคนมักเลาะ 555

    แนวคนเคยเที่ยวเล่นนั่งอยู่เฮือนบ่เป็นดอก
    แต่ละมื้อต้องได้ออกจากบ้านจั่งใจชื้นชื่นบาน
    คนไทบ้านเขาเอิ้นหลานพ่อใหญ่เลาะ พะน้า
    ย้อนว่าแต่ละมื้อบ่เคยยั้งอยู่เฮือน
    เพื่อนกะหลายเอาฮ้ายจักชายญิงแตกซวดซวด
    หน่อยงานบวช งานแจกข้าว กะฐินพร้อมเทิงแต่งงาน
    เทิงอีกบ้านกะวันเกิดสมาชิก พะนะ
    หน่อยกะงานพาแลง หน่อยกะงานสัมพันธ์คุ้ม
    บางวันดีมีคนเอิ้นให้ไปกินเป็นหมู่แหน่เดอ เพิ่นว่า
    ระวังหมูสิมาเยี่ยมบ่มีฮู้เมื่อคิง เด้ 5555
    มื้อหนึ่งนั้นอ้ายจอบหลอยโทรมาบอก
    ว่ามื้อนี้ อ้ายขอเลี้ยง มื้อเที่ยงเด้อ เพิ่นว่า
    พากันเออออเว้านำกันได้ที่
    ขึ้นนั่งรถแท็กซี่ไปลงบ้านอ้ายจอบหลอย
    เตรียมแนวกินไว้บ่หน่อยท่าหมู่เพิ่นมากิน
    แนวพาวินกะเตรียมมาบาดห่ามีผุพาฟ้อน
    ลางคนนอนตอนกินแล้วกรนฟี่ฟีใต้ฮ่มม่วง
    กินลงท้องแล้วกะง่วงสิของีบเบิ่งจักคราว พะนะ
    ผุเป็นสาวระวังเด้ออ้ายจอบหลอยสิลักกอด เอาแหล่ว
    แนวไปนอนอยู่เฮือนท่าน ถี่ใจถ่อนอย่าเผลอ
    ขอเสนอรางวัลให้สำหรับคนผุมักเลาะ
    ซื้อแผนที่ไว้ท่ามาเอาเด้อ บ้านหน้าลาว 5555
    แซวม่วน วันหยุดสำหรับคนมักเลาะ 555แซวม่วน วันหยุดสำหรับคนมักเลาะ 555แซวม่วน วันหยุดสำหรับคนมักเลาะ 555
    ขออนุญาตแซวเด้อครับผู้กอง


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    5555555555 แผนที่บ่ต้องจร้าๆๆๆๆๆๆๆๆๆๆ เลาะจนว่าซอดทุกซอยแล้วๆๆๆๆๆๆๆ

  3. #3
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    644
    บล็อก
    21

    ขอแจมนำแหน่จั๊กหน่อย

    อยากไปเด้ อยากไปเลาะนำเจ้าสองเฮาคือสิหม่วนเด้น้อ บาดเทื่อพ้อสาวส่ำน้อยพอได้ซ่วนดอกกล่อมสอง อยากไปลองหาเหล่นอยากไปเห็นบ้านเผิ่นอยู่ อยากไปปูสาดน้อยในสวนอ้อยบาดเหมื่อยคิง อยากไปอิงหลังหล้าสาวอำคาแก้มอ่องต่อง เทียวเย้าหยอกต๋อต่อยต้องพระนางน้องให้ชื่นใจ แท้เด้น้อ
    ทุกมื้อนี้ยากฮ้ายคาเวียกพะนุงพะนัง ยังบ่อมีเวลาสิปลีกโตไปหาเจ้า คาแต่เอานั่นนี้บางทีบ่อทันตื่น มีผู้มาจูงทื้นหนุ่งส่งกะบ่อทัน พันละวันลุกขึ้นงัวเงียหาผ้าห่ม ฟังเสียงจ่มปอดป้อยคอยให้ฟ้าวไปเฮ็ดงาน เสียงเผิ่นขานจาเว้าเลาเป็นหยังบ่อทันตื่น ไปทั่มแม้ไปทื้นเอาเราขึ้นจากที่นอน พะนะ โอ๊ย ข้อยสะออนนำเด้ ไผเด้ส่างมาไหล่ สังมาปลุกมาไหง้เอาข้อยจากที่นอน แท้น้อ หน่อยหนึ่งว่าฟ้าวถ่อนไปเฮ็ดเวียกแต่เดิ๊กๆ ฟ้าวนำงัวนำควายเช้าค่ำงายไปเบิ๊ดมื้อ นี้แหละคืองานข้อยเฮ็ดเวียกบ่อเคยหยุด บ่อสิ้นสุดจักยามปลีกโตบ่อมีได้


    ขอแจมนำแหน่จั๊กหน่อยขอแจมนำแหน่จั๊กหน่อยขอแจมนำแหน่จั๊กหน่อย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •