..ตำบัว..

[กำพร้าผีน้อย]

..มีเมนูแซบมาฝากพี่น้อง..คือ..ตำบัว..บัวที่ใช้ตำคือใช้ส่วนรากของบัว หรือที่บ้านผมเพิ่นเอิ้น..หัวบัว..
หัวของบัวชนิดนี้เป็นชนิดเดียวกันกับบัวที่เฮาใช้ดอกมาไหว้พระหรือทำพิธีต่างๆชื่อบัวหลวง บางพื้นที่กะเอิ้นว่าบัวหนามเพราะลำต้นเป็นหนาม..
สมัยเป็นเด็กน้อยเลี้ยงควายกะหารายได้พิเศษโดยการไปหาจกหัวบัวนี่หละมาขาย..ได้มื่อละกะต่า มื่อดู๋กะได้เป็นหาบ.
.เมนูตำบัวนี่ที่บ้านถือว่าเป็นเมนูปกติครับ เพราะมีให้อยากให้กินอยู่ตลอด วัตถุดิบกะหาได้ง่าย..

มีวัตถุดิบสำหรับเมนู..ตำบัว..ตามนี้ครับ

หัวบัว/หัวหอยต้มสุกหั่นเป็นชิ้นเล็กๆ/มะขามเปียก/แม่เป้ง/น้ำปลาร้า/พริกป่นหรือพริกสดสีแดง/หอมแดง/ผงชูรส

..นำหัวบัวมาหั่นเป็นชิ้นไม่ใหญ่มากเพื่อให้ใส่ครกได้และตำง่าย..เสร็จแล้วก็ตำ..ไม่ต้องให้แหลกมาก..

..จากนั้นก็ปรุงรสโดยใส่พริกป่น/หอมแดงซอย/มะขามเปียก/น้ำปลาร้า/ผงชูรส..ตำให้เข้ากันแล้วชิมดู..ถ้ารสชาติถูกปากแล้วก็ใส่แม่เป้ง/หัวหอย..ตำให้เข้ากัน..แค่นี้เป็นอันเสร็จ..ได้เมนูระบายท้อง/แก้ง่วงแซบๆมา 1 จาน..55





.มีคนมาพิสูจน์ฝีมือ..เป็นไผพี่น้องกะเบิ่งเอาเอง..หลอยมาแต่ยามได่กะบ่จัก..ตำบัวแล้วพอดี..กะเลยให้เพิ่นชิมก่อน เพราะเมนูนี่ผมบ่ได้เฮ็ดกินเองมา20กว่าปีแล้ว..55






บอกให้เพิ่นเอาหัวบัวที่เหลือกลับไปตำสู่ผุอยู่เฮือนกิน.เพิ่นหละหักหัวบัวกินดิบๆเล่นเสย..เออ..แซบตั๊วหละ..รสชาติมันๆดีพะนะ..55



..หลังจากกินตำบัว..ย่านเพิ่นแสบท้อง.กะเลยเลี้ยงข้าวปุ้นที่ป้าแม่บ้านเพิ่นเฮ็ดไว้ถ่า
เป็นข้าวปุ้นน้ำยาลูกผสมระหว่างน้ำยาป่ากับน้ำยากะทิ..คือน้ำยาใส่กะทินิดหน่อยให้เข้มข้น ..แซบครับ..ได้สูตรมาจากพี่น้องทางบุรีรัมย์..งานนี้เจ้าบ้านปล่อยไทแขกลุยเองเลย..555










.ขอบคุณเวบบ้านมหาดอทคอม.... .ขอบคุณอ้ายพลที่มายามถึงหม่องทำงานและพี่น้องที่เข้ามาเบิ่งครับ..

[pui.lab]

โอ๊ะ เป็นตาแซบแท้อ้าย ตำให้กินแน๊เด้อ ใส่มดอีกแล่ว อิ อิ อิ


อ้ายพลมาคือกินหลายแท้จ้า บ่จุกติ้ 555555+

[๛หนุ่มบ้านไกล๛]

เกิดมากะเพิ่ง เคยเห็นนี่ละ ตำหัวบัว เมนูแปลก อยากลองชิมเบิ่งเด้ เอามาชินแหน่คับอ้าย

[พล พระยาแล]

ฮ่า ๆ ขอบคุณพ่อพราหมณ์ยางตลาดครับ ที่เลี้ยงดูปูเสื่อเป็นอย่างดี

พ้อโรงทานแล้วบาดเนี่ย ยามเงินเบิ๊ดสิมายามดอก

ไปมือเปล่า แต่ขากลับมีของติดไม้ติดมือกลับมากินนำ ....คุ้ม 5555

เกิดจากท้องพ่อท้องแม่มากะบ่เคยกินดอก ตำบัวน่ะ นับว่าเป็นบุญปากขะน้อย..

[คนตระการ...]

พล พระยาแล ฮ่า ๆ ขอบคุณพ่อพราหมณ์ยางตลาดครับ ที่เลี้ยงดูปูเสื่อเป็นอย่างดี

พ้อโรงทานแล้วบาดเนี่ย ยามเงินเบิ๊ดสิมายามดอก

ไปมือเปล่า แต่ขากลับมีของติดไม้ติดมือกลับมากินนำ ....คุ้ม 5555

เกิดจากท้องพ่อท้องแม่มากะบ่เคยกินดอก ตำบัวน่ะ นับว่าเป็นบุญปากขะน้อย.





ระวังเขาไส่ยาฆ่าหญ้าเด้อ เห็นว่าของฟรีกะดมเบิ่งก่อนแน่ละ....555

[สาวทองแพง]

เมนูใหญ่ดุลย์มีตะเป็นตะแซบน้อจ้า สูตรกะบ่เป็นตะเฮ็ดยาก
มีโอกาสสิลองเฮ็ดกินอยู่ดอกจ้า


รายงานแหน่จ้าอ้ายพล หลังจากกินตำบัวแล้วเป็นจังได๋แหน่จ้า
แพงเคยกินตะเอามาต้มใส่เป็นเครื่องน้ำแข็งใสแมะจ้า

[kitty]

ตำบัว เพิ่งเคยเห็นจ้า ป๊าดดดด อ้ายดุลย์ เมนูนี้บ่ได้เฮ็ดกินมา 20 ปีแล้ว ยังจำได้ยุเนาะ มีแม่เป้งนำ เป็นตาแซบแท้ นายแบบผุเพิ่นชิมแหมะ เป็นตาเผ็ดแท้จ้า

[siranee]

อ่อยยยยยยยยยยยน้ำลายไหลจ๊ากกกกกกกกกส์
เป็นตานัวเนาะอ้ายตำใส่หัวหอยแม่เป้งพ้อม
ผิดแม่ลูกอ่อนเด้เพิ่นว่าเมนูนี้ ผิดหม่องว่าบ่มีสิกินนี่ล่ะ

[พ่อบักเบนซ์]

บาดหน้านายสิไปยามเด้อครับผม เฮ็ดให้กินนำแน้ครับ พึ่งเคยได้ยินนี้หละ ตำบัว เกิดมากะบ่เคยเห็นบ่เคยกินจักเทือคือกันครับ

[ฮักณ.ทุ่งใหญ่]

ผมกะเพิ่งได้ยินหนิหละครับ ตำบัว แต่วากะทรงสิแซบยุครับ โดยเฉพาะขนมเส่น ป๊าดดดดดดดด เป็นตาอยากกินนำแทร่ (เว้าแล่วกะอิจฉาอ้ายพล)เผื่อนำจักสองจานแนเด้อ ครับอ้าย