กำลังแสดงผล 1 ถึง 6 จากทั้งหมด 6

หัวข้อ: สัมพันธ์ฮ้างๆ

  1. #1

    Gvideo สัมพันธ์ฮ้างๆ

    สัมพันธ์จางนางหนีจ้อย เหลือแค่ฮอยความฮักเก่า
    เหลือแค่ฮอยความโศกเศร้า เจ้าถิ่มไว้ให้เบิ่งตาง
    ส่างเป็นน้อคนเคยเว่า ว่าฮักเฮาบ่ปิ้นเปลี่ยน
    ถิ่มบทเฮียนให้อ้าย วิชาพ่ายได้ฝืนเฮียน น้องสาวเอย
    ...


  2. #2
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    ฮ่า ฮ่า ฮ่า กะลังอ่าน ม่วน ๆ มาสั้นกุดุดแท้น้อ ญาอ้ายเอ้ย (ม่วนครับ)

  3. #3
    ความสัมพันธ์ถึงวันฮ้าง เส้นทางย่างเหลือโดดเดี่ยว
    หนทางเทียวพลันเปลี่ยวแปน คำว่าแฟนเหลือเพียงอ้าย
    ไร้ความหมายเหมิดคุณค่า แค่สายตาแสดงออก
    กะบ่งบอกถึงความใน ว่าหัวใจเจ้าแปรปิ้น
    ความถวิลที่เคยได้ ความห่วงใยที่เคยกล่าว
    ความฮักอ้ายในใจเจ้า มีผู้เข้ามาทดแทน
    บ่ได้เคียดบ่ได้แค้น ดอกเด้อแฟนบ่ต้องห่วง
    บ่ใหญ่หลวงสำหรับอ้าย ผ่านหลายมื้อคือสิลืม
    บาดยามฟ้ามืดคลึ้ม เต็มตื่มตามสายฝน
    อีกบ่ดนวนมาจาง ได้ส่างซาลาเอื้อน
    หลายปีเดือนกะส่างถ่อน อย่าออนซอนมาคิดฮ่ำ
    คนหน้าใสแต่ใจดำ สิ่งที่ทำสำหรับอ้าย คือจำรายละเอียด..สุแนว...

  4. #4
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    หากคึดนำแต่คนเค้า เฮาสิได้ผุใหม่มา .......เบาะน้อ


    (ฝากไว้ให้คึดครับ)

  5. #5
    ไผ๋เด้น้อ ที่ได้เอาเสียมเหี้ยนเสาะใจ ของอ้ายบ่าว
    ให้ใจอ้ายนั้นปวดร้าว ถึงคราวนี้ ต้องรักษา
    อยากเห็นเด้ อยากเห็นหน้า คือสิงามดั่งนางฟ้าละน้อพี่
    เขาเฮ็ดให้อ้ายคนดี ละเมอเผ้อป่วงนำ อ้ายเอ้ย

  6. #6

    สัมพันธ์ฮ้าง ๆ (ฉบับเกือบสมบูรณ์)

    ...สัมพันธ์จางนางหนีจ้อย เหลือแค่ฮอยความฮักเก่า
    เหลือแค่ฮอยความโศกเศร้า เจ้าถิ่มไว้ให้เบิ่งตาง
    ส่างเป็นน้อคนเคยเว่า ว่าฮักเฮาบ่ปิ้นเปลี่ยน
    ถิ่มบทเฮียนสอนอ้าย วิชาพ่ายได้ฝืนเฮียน
    เสี่ยนความฮักปักใจอ้าย เจ็บแป๋ตายเหลือสิเอ่ย
    เจ้าเฉลยความจริงแจ้ง แทงใจอ้ายให้ทุกข์ทน
    เป็นฮนฮน คือคนบ้า กลั้นน้ำตาย่านผ่าหน่วย
    อ่วยหน้าแหงนขึ้นฟ้า น้ำตานั่นบาดแฮ่งไหล
    เบิดหัวใจมีแต่เจ้า คือพาเขามาเหยียบหย่ำ
    ชาติเชื้อต่ำจั่งบักอ้าย แค่หมายซ้อนกะบ่ควร ซั่นบ้อน้องสาวเอย...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •