หอมไอดินแกมกลิ่นหญ้า ยามฝนซาตอนฟ้าใหม่
ความสดใสชุ่มชื้น กลับคืนคุ้มพุ่มพฤกษ์ไพร
คูนไสวชูช่อ ออกดอกจ่อจีจูม
แลเป็นพุ่มพวงงาม เหลืองอร่ามตามคันฮั้ว
ผักลืมผัวคะน่องม้า เทิ่งผักขาปิ้นป่งหน่อ
เทิ่งผักขอแลผักพาย เป็นลายทางสระพังแก้ว
เสียงแซวๆยามฝนเอื้อน ยินเสียงเตือนกบฮ้องโห่
เขียดอีไม้ฮ้องฮับต้อน จินาซ้อนส่งสะแนน
อึ่งอ่างแอ่นอกเอ่ยอ้อ คละคลอส่งเสียงประสาน
เป็นสัญญานฤดูฝน เวียนมาวนอีกคราแล้ว
ฝากเสียงแซวผู้ไกลบ้าน หลังสงกรานต์สิคืนอ่วย
ถึงคนสวยคนผู้นั้น ที่ฝันพ้ออยู่สุวัน
สิได้หันคืนมาบ้าน มาหว่านข้าวบ้านเฮาบ่
แต่ปีกลายนั้นน้อ มาคิดพ้อตั้งแต่เจ้า ผู้เคยเว้าหยอกกัน.. แท้นา..



สำพอข้าวหยุ่งดอกยามเกี่ยว ตอนหว่านข้าวหยอกกันโพด 5555