หนึ่งปีที่บ้านมหากับมิตรภาพอันล้นเหลือ

[อาวอ้วนเมืองยศ]

ก่อนอื่นต้องบอกที่มาที่ไปของการพบเจอบ้านมหาก่อนนะครับ ก่อนสิได้มารู้จักบ้านมหากะย่อนว่าค้นหากลอนลำของ สาธิต ทองจันทร์
แล้วหลังจากนั้นกะมาเห็นพี่น้องที่หน้ากล่องขอเพลง กะเลยลองมาคุยนำเพิ่น และได้เห็นกระทู้ต่างๆมากมาย อยากตอบกระทู้นำมู่
กะเลยให้ดีเจช่วงนั้นเผิ่นซ่อยสมัครสมาชิกให้ นับว่าเป็นโชคดีอย่างมากที่ช่วงนั้นการสมัครสมาชิกยังง่ายยุ จักไผดอกหละครับสมัครให้

แล้วหลังจากนั้นกระได้พบพ้อมู่จากยโสบ้านเดียวกัน "สาวแมงงอดน้ำ" เป็นเพื่อนคนแรกๆ ที่ได้เห็นโตกันเป็นๆ
จนได้ผูกเสี่ยวกันในที่สุด ช่วงนั้นกะเห็นกระทู้ส่วนมากมีแต่คุ้มสามเสนและปั้มฮ่าง เลยอยากพบอยากสัมผัส เหลียวเบิ่งเป็นตาม่วนฮ้าย
จั่งได้ติดต่อขอพบปะ จนได้ไปพบพ้อและสัมผัส จั่งเป็นจุดเริ่มต้นได้รู้จักกับไผอีกหลายๆคน


6 หรือ 7 กรกฎาคม 53 วันแรกที่ไปพบปะพี่น้องบ้านมหาที่ปั้มฮ่าง


สำหรับโลกไซค์เบอร์แล้วเรื่องการแชทนั้น ผมเคยคุยมาตั้งแต่สมัย Pirch98, IRC และ ICQ
สมัยนั้นต้องขอเบออร์เพจ หรือขอที่อยู่เพื่อเขียนจดหมายส่งหากันแลกเปลี่ยนรูปถ่ายครับ ก็มีบ้างที่นัดพบกัน แต่กะน้อยมากๆ นั่นมันเมื่อปี 2540 มาแล้ว
สองสามปีกะห่างหายจากการแชท จนมาถึงยุค HI5 กะมาเริ่มเล่นใหม่ กะยังบ่มีหม่องได๋คือบ้านมหา

สำหรับคำถามที่ว่าได้อิหยังแน่จากบ้านมหานั่นตอบได้บ่เบิดครับ หลายโพด แต่ว่ามีสิ่งที่ผมภาคภูมิใจที่สุด
นั่นกะคือการได้ช่วยเหลือพี่น้องบ้านมหาเฮาสองคน คืออ้าย "บุรุษไร้ใจ" และ "บ่าวหนองคาย" ในการทำการทำงานครับ นั่นคือหนึ่งความภูมิใจที่สุด
และในเรื่องเดียวกันนี้กะขอบคุณหลายๆ ไปยัง "บ่าวธนา" และน้อง "สาวอุบลคนงาม" ที่ได้ให้ที่หลับที่นอน ให้มาอาศัยอยู่ในบ้านนำกัน
โดยที่เราเองนั้นบ่ได้เป็นญาติพี่น้อง บ่ได้รู้จักหัวนอนปลายเท้า(ตีน) กันมาก่อนเลย โดยบ่ได้รังเกียจและบ่ได้คิดเงินคิดทองเลยสักแดง
นี่คือมิตรภาพอันยิ่งใหญ่อย่างหนึ่งของบ้านมหาเฮา

เนื่องจากผมเองเป็นคนสนุกสนาน มักเที่ยวมักเฮฮากะเลยได้พบพ้อกับคุ้มสามเสนที่เหนียวแน่น ได้รวบรวมพี่น้องบ้านมหา
ที่อาศัยยุทางภาคตะวันออก ตั้งเป็น "คุ้มบูรพา" และแทบจะทุกครั้งที่ มีการนัดพบปะ หรือว่ามีสมาชิคจากต่างประเทศเดินทางมาเมืองไทย
ผมเองกะบ่เกี่ยงที่จะเดินทางเพื่อที่จะไปพบปะ (ถ้าเพิ่นบอกและเพิ่นเอิ้น)

นอกจากการพบปะสังสรรค์เฮฮาแล้ว กะยังมีงานเพื่อสังคม งานบุญงานกุศล และบุญประเพณีอื่นๆ ที่บ้านมหาเฮาได้ร่วมกันเนาะครับเนาะ
จั่งการเลี้ยงพระทำบุญปีใหม่ การเลี้ยงอาหารกลางวันเด็กนักเรียนพิการ กฐินที่จันทบุรี งานบุญแจกข้าวที่อดรฯ
ที่พวกเฮาเดินทางไปซ่อยกันครับ และอีกหลายๆงานที่ร่วมสมทบทุนไปซ่อยเหลือทั้งทางตรงและทางอ้อม

กลับจากทอดกฐินที่จันทบุรี แวะกินปลาหมึกบ้านบ่าวธนาที่ระยอง

เขียนมายาวยืด 555 มีหยังให้อ่านพอจับใจความได้แน่ละหือ รู้แต่ว่าบ้านนี้มีมิตรภาพที่ดีต่อกัน ได้มีเพื่อนพี่น้อง
และลุงป้าน้าอาที่ฮักกันมั่นแก่นหลายคนๆ ได้กินข้าวร่วมพา ได้นอนฮ่วมบ้าน เฮ็ดบุญนำกัน
หวังว่าบ้านมหาแห่งนี้จะยั่งยืนตลอดไปพร้อมกับมิตรภาพที่ดีต่อกันครับผม

:b-b:l-:,1-
จากนี้ต่อไป กะสิขอเป็นหนึ่งในสมาชิกที่ดีของบ้านมหา มีหยังที่พอสิซ่อยเหลือได้
กะให้ใช้ให้วานเด้อครับเด้อ สำหรับท่านได๋ที่อยากพบพ้อสนุกสนานม่วนซื่นนำกันกะติดต่อกันมาเด้อครับเด้อ
บ่อยากเชื่อเลยว่านี่เป็นเพียงปีแรกที่เรารู้จักกัน
:l-:b-b:,1-

หลังจากทำบุญเลี้ยงพระปีใหม่และงานสังสรรค์เล็กๆที่ระยอง ขอบคุณเวปมาสเตอร์ที่ให้เกียรติร่วมงาน

[สาวมุก]

ยินดีที่ได้รู้จักอาวอ้วนเช่นกันจ้า (จั๊กแม่นอาวสิยินดีนำอยู่บ่กะซางดอก)
อาวอ้วนเป็นคนคุยสนุกค่ะ ไผได้ใกล้ชิดหรือได้เว่านำ กะสิมีแต่เสียงหัวเราะ..นี่คือเสน่ห์ของอาวอ้วนค่ะ

[จ่าเหลือง]

ป้าด อาวอ้วน กะมีไดอารี่ นำเผิ่น ฮ่าๆๆๆๆๆ

เจอกัน ส้มผัสได้ ว่า อาวอ้วนคนนี้ ใจดี กับพี่กับน้อง มีสำมาคารวะ สิได้จีบเอาเป่งหลานเขย ยุ อิอิ

[คนตระการ...]

ขอให้ม่วน -ฮักกัน ในบ้านหลังนี้ตลอดไปเด้ออาว....

[มะเหมี่ยว]

ยินดีที่ได้รู้จักเด้อจ้าๆๆๆๆ อาวอ้วนๆๆๆๆๆๆฯ

[พล พระยาแล]

อ้ายเห็นรูปอาวอ้วนเทือแรก อ้ายกะนึกว่าอายุ 50 ปีขึ้น เพราะเห็นถือแก้วเบียร์และเห็นเพิ่นออนตลอดเวลาครับ แต่พอมาเจอหน้าจั่งได้ฮู้ว่าบ่แมนแก่อายุครับ แต่แก่แดด 555

ดีใจที่ได้พ้อน้องครับ และกะดีใจสำหรับน้ำใจที่มีให้กันด้วยดีเสมอมา อ้ายสิเก็บไว้ในความทรงจำตลอดไปครับ ธุจ้า

[คนพนมไพร]

กะดีใจพอแฮงคือกันทางอ้ายกะดาย ได้ผ้อ ได้คุย แล้วกะม่วน แนวมันฮีต คอง เดียวกันเนาะ ขั่นผู้เผิ่นบ่อแม่น เผิ่นกะคือสิบ่อม่วนนำเฮาดอก อาว...อ้ายยกให้เจ้า...ใจสุดยอด

[อ้ายเขียว]

คือพากันปล่อยของใส่กันคักแท้มื้อนี้ ยินดีที่ได้รู้จัก ได้รู้จัก....................

[noonam]

: แมนความ กจผ.เว้ามาเนาะจ้า

บ่เคยเห็นหน้า บ่เคยฮู้จักกัน เคยคุยกันแต่ห้องแชท แซวกันไปแซวกันมา
บาดได้มาพ้อหน้ากัน คะเจ้าว่า ป้าดด ถืกคอกันคัก ปานเรียนอุนุบาลมานำกัน ไหน้ำ+ไหติ๊ก + อ๊อฟ จนได้มา ผูกเสี่ยวกัน ขอบคุณบ้านมหาค๊า :l-

[สาวเมืองยศ]

อิดสาอาวอ้วนเด้เนาะ...ได้พบได้พ่อหมู่คะเจ้าโตเป็นๆ จักมื่อได๋สิได้พ่ออาวอ้วนแล้วกะเอื้อยอ้ายน้องนุ่งโตเป็นๆคือเพิ่นแนดอกอิอิอิ