เมือบ้านหว่างสงกรานต์ ขากลับได้แนวกินหลายแนว มีดอกแคนา กับปลาร้าบองนำ
เลยเอามาเฮ็ดกินคับ อาหารบ้านๆ เนาะคับ
ดอกแคนาคับ อี่แม่เอาให้หว่างเมือบ้านสงกรานต์ ต้องฟ้าวเฮ็ดกิน ย้านมันเหี่ยวก่อน
ก่อนอื่นกะจัดการเอาไส้มันออกก่อนเพื่อบ่ให้มันขมเกินไป
[CENTER]เอาออกเรียบร้อยคับ ได้หลายเติบอยู่ ตั้งน้ำให้เดือดคับ เดือดแล้วเอาดอกแคใส่ได้เลย
ต้มโดนปานได๋กะบ่ได้จับเวลา เพียงแต่เบิ่งว่ามันนิ่ม แต่อย่าให้เปื่อยเกินไปคับ[/CENTER]
เรียบร้อยแล้วคับ บีบน้ำออกหลายๆ
ตักปลาร้าบองออกมาจากกระปุก บ่ตักออกมาหลายดอก ย้านกินบ่เหมิด อิอิ
หาออกมากินได้เลยคับผม แซบอยู่คับ อาหารแบบบ้านๆ เคยกินมาแต่เล็กแต่น้อยเนาะคับเนาะ
Bookmarks