กำลังแสดงผล 1 ถึง 3 จากทั้งหมด 3

หัวข้อ: ปลิงเข้า...บักอี่

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา ปลิงเข้า...บักอี่

    ฝนลงแล้ว นากะซุ่มดินเย็น
    เห็นนาโนนนาหนอง เจิ่งนอง มีน้ำ
    ตอเฟียงแห้ง แดดเคยแฮง เผากี่
    ถืกน้ำฝนกะเปื่อยยุ่ย เป็นปุ๋ยให้แก่ดิน
    น้ำไหลรินลงห้วย ควายเถิกตอน ต้อนควายแม่
    แหง่แล้วแหง่ หงอแล้วง้อ ดังมันจ้ออยู่หว่างหาง
    แม่อี่นางมื้อนี้ สิเอาหลี่ไปลงกลัดเด้อ
    ห้วยกำลังนองไหล น้ำพึ่งมาบ่ทันล้น
    คันโดนไปน้ำสิเชี่ยว ไหลแฮงสิกลัดยาก
    โสกกกบากหม่องคิดไว้ ที่เคยได้ใส่หมาน
    ซวนเอาซุมไทบ้าน สองสามคนไปเป็นหมู่
    ลุงทิดซู น้าเซียงกี้ บักอี่กืก ปากบ่เป็น
    เทิงพ่องเข็นเอาล้อ ลำไม้ไผ่จนเต็มคัน
    ห่อข้าวเหนียวเต็มกระติบ ส่วนแนวกับไปเอาหน้า
    บักอี่กืกผีบ้า ให้มึงไปเอาเชือก
    กูนี่ฝั่นไว้แล้ว อยู่ขางเล้าไปหอบมา
    ส่วนพ่อลุงกับน้า ฟ้าวไปก่อนตั้งนานโดน
    บ่เห็นเฮาสองคน สิจ่มหาเทิงฮ้าย
    บ่ทันสายกะเถิงห้วย ฟ้าวลงฝังลำไม้ไผ่
    พันกะเตี่ยวผ้าอีโป้ ลงน้ำ มุดดำ
    บักอี่ผูกไม้ค้ำ หลักให้แน่นเด้อมึง
    น้ำไหลแฮงมันพัด สิทรุดพังเพม้าง
    เอ้อ อี่...กูเอาดางไปพือไว้ มึงไปยามมากี่ แหน่เด้อ
    เวลาสิ เที่ยงแล้ว หิวข้าว เมื่อยคิง
    บักอี่ไปมิดอิ้งติ้ง ไปยามดางหม่องเฮาบอก
    รอตั้งโดนบ่พ้อหน้า กะเลยย่องไปส่องนำ
    เห็นมันคลำนำก้น ของเจ้าของ อยู่ไว้ไว่
    หรือแม่นปลาค่อใหญ่ เบิ่งมันคุมยุข่องหย่อง เทิงเฮฮ้อง ว่า แอ แอ
    ฮ่วย ถอดผ้าออกถะแม้ กูสิซ่อยมึงเป็นหยัง เดียวนี่
    กูฟังมึงบ่เข้าใจ กองเบิ่งดู้ ทางก้น
    หรืออีหยังมาหม่น ฮูดังมึง บักห่า
    พอแก้ผ้าออกท่อนั้น โหลดดำปื้อ บักดากโกน5555
    กูนี่ทนบ่ได้ ขี่เดียดดากเทิงคอแข็ง
    ปุ้นท้องแฮงเทิงอยากอั้วะ อ้วกมา ให้มันแล้ว
    หาแนวกินลงมาตั้ง นั่งล้อมวง ตอนเที่ยง
    น้าเซียงเลยกล่าวเว้า เป็นหยังเจ้า จั่งบ่กิน พะนะ
    ข่อยนี่วินตั้วน้า เหลียวเห็นปลา พออยากฮาก ยังว่า
    กินบ่ลงดอกน้า เซิญเจ้า กับพ่อลุง สาเด้อ 5555อ้วกๆๆๆ
    :l-ปลิงเข้า...บักอี่ปลิงเข้า...บักอี่ปลิงเข้า...บักอี่:l-


  2. #2

    เยี่ยมครับ

    ดีเยี่ยมครับ ...จะติดตามตลอดนะครับ

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    ฮ่า ฮ่า ฮ่า ให้หัวเราะอย่างเดียวสาเถาะกระทู้นี้ หมดความเว้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •