กำลังแสดงผล 1 ถึง 2 จากทั้งหมด 2

หัวข้อ: เพราะเราคือ..เกิบดาวเทียม

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา เพราะเราคือ..เกิบดาวเทียม

    เปรียบเฮาสองน้องกับอ้าย คือดาวเทียม หนึ่งคู่
    สีชมพูอีกซ้ำ หวานย้อยดั่งน้ำตาล
    สิไปงานต้องมีอ้าย อ้ายมีนางกะจั่งแม่น
    ควงแขนเกาะเกี่ยวก้อย นำก้นบ่ขาดกัน
    แต่ละวันต้องพ้อหน้า เจรจาติดต่อ
    โทรหากันอยู่สุมื้อ แลงเช้าก่อนอาหาร
    ออกจากบ้าน เฮาเฮียงคู่ ซ้ายกับขวา
    นางเป็นซ้ายอ้ายเป็นขวา เกิบงามออกงานอ้าง
    ถ้าขาดไปจักข้าง มันสิเป็น ตาเบิ่ง ฤๅน้อง
    เขาสิมองฮักเฮานี้ พิการฮ้างเพียงเคิ่งขา
    เจรจาอย่าตัดพ้อ ถนอมใจ กันไว้แหน่
    อันข่อหล่อแข่แหล่ อย่าถืออ้างให้ขุ่นใจ
    ไซกะคู่กับน้ำ ซามกาละมัง กะคู่กับถ้วยบ่วง
    ด้วงคู่กับต้นงิ้ว ซิวกุ้งคู่นที
    ฮักเฮามีทั้งสองข้าง อย่าหลงวาง ถิ่มพี่ เด้อน้อง
    เขาสิเอาไปกี่ อ่อยไฟคือเกิบฮ้าง ทั้งสองข้าง สิขาดกัน เด้หล่าเอ้ย
    :l-:l-:l-


  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    แต่ก่อนนี้เกิบดาวเทียมกะว่าสุดยอดละราคากะสูงแน่ ทนทาน.. หากั๊บแก้ไปขาย กะจั่งได้ซื้อ 555
    ...บ่อได้ไส่ง่ายๆเด้อ ส่วนมากกะสิเกิบตีนรถ(ยางรถ)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •