มื้อนี่วันที่ ๑ พ.ค.เป็นวันแรงงานเด้อครับ ตอนเซ่าเข่าเมืองไปซื่อปุ๋ยมาใส่ยาง ตอนเที่ยงน้าบ่าวกะเลยลงหนองเอาหวิงลงส่อนปลาขื่นมาปิ้งกินกับตำบักหุ่งก่อนสิหาหม่องนอนเวนสั่นดอก
ฝนถิ่มซ่วงหลายน้ำในหนองกะเลยเหลือหน่อย เลยใซ่หวิงส่อนนำฝั่งเอา
ส่วนหลายสิเหลือปลาสลิดได่บาดละโต(ทีละตัว)
ฮ้อนหลายมื้อนี่ ก๋าว่าพอปิ้งแล้วกะเลยเซา ยางตายออกแล้วเมื่อยหลาย
ได่ปลาสลิดขื่นมาปิ้งประมาณเกือบซาวโต(เกือบ ๒๐ ตัว)กะพอกินแล้ว เหลือไว้กินมื้อต่อไป
มาเด้อครับบาดนี่ตู้ด(ขยับ)เข่ามากินเข่านำกัน แนวกินอิสานบ้านเฮา ตำบักหุ่ง ปิ้งปลาสลิด ต้มดอกกะเจียว แกงหน่อไม่ใส่เห็ดบด
ต้มบักหอยจูบ(หอยจุ๊บ)กับทอดเขียดอีโม่แดดเดียวกะสุกแล้ว แซบบบบบ
กินใกล้สิอิ่มแล้ว ไทพี่น้องเฮียนข่างกันเอาส่มปลาน้อย(Orange small fish=ปลาจ่อม)มาให่ กะเลยได่ตุ้ยกับลูกโดดสองสามคำ ปาดมาเผ็ดแท้บักพริกบ้านนี่(คำละหน่วย)
แซบบบบหลายเข่าเทียงมื้อนี่ หนังท้องตึง มาดึงหนังตา หาหม่องนอนเวนแล้วบาดนี่..
ขอขอบคุณ พ.ทบ้านมหาดอทคอม
Bookmarks