กำลังแสดงผล 1 ถึง 1 จากทั้งหมด 1

หัวข้อ: อลวนคนเดินดิน

  1. #1

    อลวนคนเดินดิน

    พี่น้องเอ้ย เฉลยธรรมคำดีแท้ บ่เปลี่ยนแปลคนมีศิล

    หากบ่มีแนวขีน ปิ่นแปลงแฮงบารมีพร้อม

    ซอมเบิ่งเด้อหมู่เจ้า ผู้เข้าถึงธรรมะ

    ฝนสิซะแผ่นดินฮ้อน บ่เดือดร้อนแมนผุได๋

    ธรรมะนั้นยุไส ยุในใจเจ้าแมนบ่

    ทำบุญน้อมาห่อหุ้ม พูนขึ้นย้อนพุทโธ

    บ่ได้โง่เหมิดทุกคน ดอกเด้อเจ้า เบาปัญญาคือคนว่า

    บางคนมากด้วยตัณหา ความรู้หนาเอาตัวบ่รอด

    จอดหลายท่าน กะหากมี นั้นแหล่ว

    แนวบางคนมีแต่เว้า หูเบาไปลายต่าง

    น้ำตาย้อยย้ามย่าง ย้อนยางน้ำตาลอ้อย หวานอ้อยซ้อยให้มดตาย นั้นแหล่ว

    เว้าหลายแนวแล้วเด้อท่าน คันเว้าหลายแฮงไปใหญ่

    สี่เท้าได้ยังฮู้พลาด นักปราช์ญย่อมฮู้พลั้ง

    ประสาหยังน้อคน อลวนเดินดิน ยังกินข้าวทุกวันมื่อ

    คนเกิดมาบ่คือกัน บางคนนั้นทุกข์ล้นลื่น

    บาคนตื่นมารวยล้นฟ้า หาไผ๋เทียบหากบ่มี

    หนึ่งยุในหม่องนี้ มีจนบ่ได้ว่า

    สัจธรรมนั้นหนา ย่อมสิตายมอดม้วย

    ดินกลบหน้าด้วย หรือว่าเผา นั้นแหล่ว



    ขออนุญาติเวฟบ้านมหาเอ่ยนิดหนึ่งค่ะสำหรับแฟนผญ๋าลงเป็บธรรมทาน ข้าวต้มมัด แต่งตอบในบท " อัศจรรย์ ...(บัวสี่เหล่า) " ในเวฟฮีตอีสาน เผ็ดมันคักขนาดกับหนักแต่งหน้าใหม่ชื่อว่า เชอร์บื่อ (ไปติดตามเอา)
    แก้ไขครั้งสุดท้ายโดย ข้าวต้มมัด; 05-05-2011 at 20:26.


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •