ไปเล่นสงกรานต์ที่เขื่อนน้ำงึม เมืองลาวนำกันจ้า

[สาวเมืองกะสิน]

สวัสดีจ้าพี่น้องบ้านมหาทุกๆคน สำบายดีกันบ่น้อ บ่ได้เข้ามายามด่นแล้ว คิดฮอดกันบ่น้อจ้า มามื่อนี่ว่างๆ ก็เลเอารูปเก่าๆที่ไปเที่ยวสงกรานต์เมื่อปีแล้วมาฝากจ้า ดองไว้ด่นแล้วแต่พอมาเปิดเบิ่งแล้วกะให้คิดฮอดบรรยากาศเก่าๆ ม่วนๆ กะเลยเอามาฝากพี่น้องบ้านมหาได้เบิ่งนำกันจ้า มาเบิ่งเด้อสงกรานต์เมืองลาวบ้านเพิ่น เล่นม่วนคือบ้านเฮาบ่จ้า




มาๆๆเล่นสงกรานต์อยู่เขื่อน กะต้องย่างลงไปเล่นกลางน้ำแบบนี้หล่ะจ้า



หิวกะกินโรตีกลางน้ำเย็นๆก่อนเด้อจ้า


หรือสิมานั่งในร้าน รอสั่งอาหารกินกันกะเย็นสบายดีแท้ๆจ้า



อิ่มแล้วกะเล่นน้ำเย็นๆใสๆ หรือสิไปย่าวๆๆหน้าเวทีกะได้เด้อจ้าพี่น้องเอ้ย




เล่นน้ำสงกรานต์ กินอาหารแซ่บๆแล้วต่อไปกะสิไปเลาะเล่นน้ำ สรงน้ำพระในเวียงเด้อจ้า

มาๆมากราบพระธาตุหลวงนำกัน ธาตุหลวงข้างในบรรจุพระบรมสารีริกธาตุของพระพุทธเจ้า
เป็นองค์พระธาตุศักดิ์สิทธิ์คู่บ้านคู่เมืองเวียงจันทน์และพี่น้องทางเมืองลาวจ้า
ไผไปเวียงจันทน์บ่ได้ไปกราบพระธาตุหลวงถือว่าไปบ่ฮอดเวียงจันทน์เด้อจ้า


ต่อมากะเป็นประตูเมืองเวียงจันทน์จ้า เป็นศิลปะแบบฝรั่งเศส
สมัยที่ฝรั่งเศสเข้ามาเป็นพี่เลี้ยงให้เพิ่นจ้า
พอกลับออกไปกะเหลือสิ่งก่อสร้างที่เป็นศิลปะแบบบ้านเพิ่นไว้ให้
ได้เป็นสถานที่ท่องเที่ยวและเป็นสัญลักษณ์ประจำเวียงจันทน์
เมืองหลวงของประเทศลาวจ้า



จากข้างบนมองลงมา จะเห็นถนนที่ถูกวางแผนผังไว้อย่างสวยงามและเป็นระเบียบ มองเห็นเวียงจันทน์ทุกด้านเลยจ้า สวยงามมากๆ


โพสไว้ซ่ำนี่ก่อนเด้อจ้า พักยกจักคราววววก่อน เดี๋ยวจะพาไปสรงน้ำพระที่ศาลาพระแก้ว(มรกต)จ้า

[สาวเมืองกะสิน]

อีกมุมหนึ่งของเวียงจันทน์จ้า


ต่อไปกะไปสรงน้ำพระในศาลาพระแก้ว หรือหอพระแก้วมรกต เป็นศิลปะแบบลานช้าง สวยงามมากเลยจ้า


ในช่วงวันสรงกรานต์เพิ่นจะเปิดให้เข้าไปเที่ยวชม และสรงน้ำพระจ้า
แต่ว่าในศาลาจริงๆ บ่มีพระแก้วมรกตประดิษฐสถานอยู่แล้วจ้า
เพราะถูกอันเชิญมาประดิษฐสถานอยู่ที่วัดพระแก้วที่ประเทศไทยสมัยรัชกาลที่1(ถ้าจำบ่ผิดเด้อจ้า ถ้าผิดก็ขออภัยหลายๆจ้า)


บรรยากาศภายในจ้า





นี่หล่ะจ้าศาลาพระแก้วเมืองลาว ซึ่งตอนนี้กลายเป็นตำนานเล่าขานให้ลูกหลานฟังว่า ครั้งหนึ่งพระแก้วมรกตคือสมบัติของคนลาว เป็นพระคู่บ้านคู่เมืองเพิ่น
แต่ตอนนี้เหลือแต่ศาลาให้คนรุ่นหลังไปเข้าไปเที่ยวชม และก็ยังเป็นที่สถานที่ที่คนลาวให้ความเคารพบูชาและอนุรักษ์ไว้อย่างดีเยี่ยม บ่ให้ศิลปะหรือสีสันสมัยใหม่เข้ามาปนเลยจ้า
และทั้งนี้ทั้งนั้นบ่ว่าพระแก้วมรกตจะประดิษฐสถานอยู่ไส ไทยลาวกะคือพี่น้องกันน้อจ้า
บ้านพี่เมืองน้องกัน อย่าลืมไปเยี่ยมเยียนเพิ่นเด้อจ้าพี่น้อง

[pui.lab]

ว้าว น้องสาว บรรยากาศเบิ่งคอนเสิร์ตเพิ่นกู๊ด ไอเดีย น้อจ้า นั่งเล่นนำเย็นๆ
ขอบคุณที่พาเที่ยวจ้า

[แมงงอดน้ำ]

บรรยากาศยามแล้งนิดีคักเน๊าะ เคยไปตะยามฝนเหลียวไปทางไดกะมีตะน้ำ มีน้ำจากธรรมชาติให่เล่นบ่เปลืองน้ำแถมยังสะอาดอีกต่างหาก น่าสนใจหลาย ขอบคุณภาพบรรยากาศเด้อจ้า

[ฅนภูค่าว]

อิดสา(อิจฉา)ฅนมีพี่น้องยูฝั่งทางพุ้น อยากไปเที่ยวนำเด้ เทือหน่าซวนอ้ายนำแนเด้ออีหล่า

บ้านเฮาบ่เคยเห็นจักเทือจัดงานแบบนี่ ไอเดียบรรเจิดยู่ เพื่นคือสิบ่สงวนลิขสิทธิ์ดอกเนาะแบบนี่ ถ่ามีโอกาสได่จัดงานให่มีบรรยากาศแบบนี่เป็นตาซุมเป็นตาเย็น เต้นเหมิดมื้อกะบ่ฮ้อน

[หล่อร้อยเมตร]

เป็นทริปที่น่าสนใจมากครับ ขอบคุณที่นำมาแบ่งปั่นคับ

[ผู้ก่อการรัก]

อยากไปอีกเหมือนกัน เพราะคราวที่แล้วไม่ได้ไปเขื่อนน้ำงึม

น้ำท่วมขึ้นมา หรือว่าปกติเค้าอยู่กันแบบนี้คะพวกร้านค้าต่างๆ บ่เป็นโรคน้ำกัดเท้ากันหมดตี้

[ลุงเดฟ]

บรรยากาศแบบนี้คือหาบ่พ้อน้อเมืองไทย ทั้งกิน ทั้งเล่น ในน้ำเลย เป็นตาม่วนเนาะครับ ขอบคุณเด้อครับ บรรยากาศ แจ่มๆๆแบบนี้

[ฮักณ.ทุ่งใหญ่]

บรรยากาศเป็นตามวนเนาะครับ ร้านอาหารกลางน้ำกะเป็นตาเย็นจ้อยๆดีเนาะครับ

[สาวทุ่งฝน]

สวยงามมากๆเลยจ้า อยู่ใกล้กันนิดเดียว แต่ยังไม่มีโอกาสไปเที่ยวเมืองลาวเลย ต้องหาโอกาสไปให้ได้จ้า