หยุดวันแรงงานอาทิตย์ที่แล้วเมือบ้าน ตอนเซ่า(เช้า)มีธุระเข่าไปในเมืองกะสิน ได่โอกาสเลยแวะเข่าตลาดทุ่งนาทองหาแนวแซบๆๆๆๆๆไปเฮ็ดสู่กันกินกะน้า
ได่ใส่หมูมาพวงหนึงวาสิเอาไปนึ่งหั่นจิ้มกับแจ่ว กุ้งแชบ้วยสองโลวาสิเอาไปเผากับเฮ็ดกุ้งแซน้ำปลา หอยแครงหนึงโลวาสิเฮ็ดยำรวมมิตร แนวขาดบ่ได่เอาไว่แก้คาวหนึ่งลังพะนะ
หกโมงกั่วเริ่มนึงใส่หมูก่อน นึงเป็นซัวโมงพุ้นหละเอาใบหัวซิงไค(ตะไคร้)ฮองไว่เพิ่นวาดับกลิ่นนำกะดีคือกัน ใซ่ได่ครับสูตรนี่บ่เสียหายหลาย
สุกแล้วกะปลงลงให่เย็นจักน่อย จัดการหั่นขนาดพอดีคำ ส่วนใด๋สิเฮ็ดยำกะแบ่งเอากะหั่นให่ต่อนน้อยลงอีก
ส่วนกุ้งแซบ้วยส่วนหนึงกะเอามาเฮ็ดกุ้งแซน้ำปลา (ไทเฮือนนี่สิเน้นสมุนไพรเด้อครับ) ส่วนที่เหลือกะเฮ็ดกุ้งเผาไป
กับแกล้มซุดแรกเริ่มเสริฟแล้ว กุ้งแซน้ำปลา กุ้งเผา (ระหว่างกุ้งก้ามกรามกับกุ้งแซบ้วยยามเฮ็ดกุ้งเผา โลละเท่ากัน180บาท กุ้งแซบ้วยดีกั่วเนื้อหลาย กุ้งก้ามกราม หัวใหญ่เนื้อน่อย)
ยำรวมมิตร(ใส่หมูตัน-หอยแครงลวก)กะเสร็จแล้วพร้อมตักใส่จานเสริฟได่ทันที ซ่อยกันเฮ็ดไปนำ drink drank drunk ไปนำ... :b-b
ใส้หมูตันพร้อมน้ำจิ้มกะมาแล้ว เลยจัดเป็นสองพาแล้ว(สองเฮือนรวมกันแป๋สิบฅน)
กุ้งแซบ้วยแซน้ำปลาสูตรเด็ดไทเฮือนนี่ เฮ็ดยามใด๋เหมิดก่อนหมู่โลด...
เป็นใด่เทือนี่ซุมอิ่มกะอิ่มไปเหลือแต่ซุมคอแป๊ป ตู้ดเข่ามารวมกันเหลือพาเดียวแล้ว(ซุมกินช้างบ่เหลือ กินเสือบ่อิ่ม)
ขอขอบคุณ พ.ท.บ้านมหาดอทคอม
Bookmarks