เมื่อสงกรานต์ที่ผ่านมาผมได้มีโอกาสเดินทางไปเที่ยวจ.อุบลอีกเทื่อหนึ่ง
แล้วกะเป็นความตั้งใจของผมที่บอกไว้กับ พ่อเลียง แม่เหลิม บ้านดอนไหญ่
หว่าอยากไปกราบไปไหว้ ครูเพลงผู้ยิ่งใหญ่ของถิ่นอีสานเฮา พ่อใหญ่อ.พงษ์ศักดิ์ จันทรุกขา
ซึ่งเพิ่นเป็นเครือญาติกัน นั่งมอไซค์ไปแปบเดียวครับระหว่างบ้านดอนใหญ่ไปอ.ศรีเมืองใหม่
โดยน้าหารเป็นคนใจดีพาไป แล้วเพิ่นกะคุ้นเคยกันดีกับพ่อใหญ่
(ขออนุญาตพี่น้องบ้านมหาเอิ้นหว่าพ่อใหญ่ตามที่พี่น้องบ้านดอนใหญ่เพิ่นพาเอิ้นเด้อครับ)
มื้อนี้พ่อใหญ่เพิ่นอยู่ในอริยาบทแบบสบายๆ นั่งเล่นอยู่โต๊ะหินอ่อนหน้าบ้าน
นั่งฟังพ่อใหญ่เพิ่นเว้าเรื่องราวต่างๆสู่ฟังซักพักกะมีสายเข้ามา
ได้ยินเสียงแว่วมาเป็นข่าวของครูเพลงก้อง กาจกำแหง
พ่อใหญ่เพิ่นใจดีหลายคับพาหย่างไปเล่นหลังบ้านซึ่งเพิ่นเปิดเป็นลานธรรม
สิมีเจดีย์รูปปั้นหลายๆอย่างเกี่ยวกับคติธรรม คำสอน
ก่อนสิลากลับขอถ่ายรูปคู่กับพ่อใหญ่เพิ่นอีกจักรูป
ช่วงนี้พ่อใหญ่เพิ่นร่างกายยังบ่ค่อยแข็งแรงปานได๋ พึ่งสิออกจากโรงพยาบาลยังอยู่ในช่วงพักฟื้น
กะขออาราธนาคุณพระศรีรัตนตรัย สิ่งศักดิ์สิทธิ์ทั้งหลายซ่อยคุ้มครองให้พ่อใหญ่เพิ่นหายเร็ว ๆ
ร่างกายกลับมาแข็งแรงคือเก่าเป็นร่มโพธิ์ร่มไทรของลูกหลานเฮาไปโดนๆ ครับ
Bookmarks