หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ................จักแม่นอุปโลค กะบ่บุ .........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ................จักแม่นอุปโลค กะบ่บุ .........................


    เขียดจะนาน้อย คอนกะต่าไปเก็บเห็ด ซุมเห็ดผอกะเฮ็ดก่นฮูหนีซ้ำ
    แมงละงำลอยน้ำ ไล่หากินปลาค่อ สานกระทอเตรียมไว้ เก็บปลาข่อนอยู่ไห่นา
    ซุมแมงดากะฮ้อง ขี้คร้านหลายนั่งเฝ้าไข่ ซุมโตแม่ทิ่มไว้ ให้ชายเฝ้าเบื่อแฮง
    มวลหอยโข่งไส้แห้ง หากินเทากะจนจ่อย มะซ่างหลอยไปซ้ำ ลอยน้ำแล่นหนี
    น้ำใต้หลี่หนีก้นต้อน จอบปลาเข็งให้โดดไส่ จักแม่นเป็นจั่งได๋ เบิ่งงูปลามาเฝ้า ถ้ากินเจ้าอยู่สู่ยาม
    ปลาฉลามซ่ำได๋น้อ ซุมกุ้งฝอยโสกันเบิ่ง ได้ยินมาตั้งแต่เหิง เป็นตากินแท้บ้อ มันโตน้อยซ่ำได๋
    ซุมจังไลกบแอบ ๆ นั่งจุดธูปอยู่คันแท งูดางแหกะหลบ ถ้ากินตับระวังเด้อ
    แนวเอ๋อ เอ๋อปลากระเดิด เจิดหัวดมขี้ไก่โป่ พากันฮ้องปาดโธ่ คือเหม็นแท้คักหลาย
    ผมบรรยายมาแล้ว อุปโลคโลกา เว้าเป็นคำผญา ให้เปรียบเปรยเอาเด้อท่าน



  2. #2

    Re: ................จักแม่นอุปโลค กะบ่บุ .........................

    สุดยอดอีหลี ช่างคิดคำเปรียบได้ อยากโหวตให้จั๊ก 10 แต้มเด้ สิทยอยโหวตเนาะ

  3. #3
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963

    Re: ................จักแม่นอุปโลค กะบ่บุ .........................

    ป้าด........คึดได้จังใด๋ครับ...นับถือๆ 8)

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ................จักแม่นอุปโลค กะบ่บุ .........................

    ป่านหว่าเพิ่นไปนั่งซอมเบิ่งเหมิดมื้อเนาะ...คักอยู่เจ้าบ่าวโจ่..

  5. #5
    ดูแลตรวจสอบเนื้อหา สัญลักษณ์ของ บ่าวพล
    วันที่สมัคร
    Jul 2006
    กระทู้
    1,975

    Re: ................จักแม่นอุปโลค กะบ่บุ .........................

    แฮ่ะๆคักอยู่ตั่วละบ่าวฯ แล้วปลาค่อกั้ง คือบ่มีละบ่าวฯ อิอิ

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ................จักแม่นอุปโลค กะบ่บุ .........................

    เป็นจังใด๋จ้า ปลาค่อกั้งแหม่ะ..Re: ................จักแม่นอุปโลค กะบ่บุ .........................

  7. #7
    ดูแลตรวจสอบเนื้อหา สัญลักษณ์ของ บ่าวพล
    วันที่สมัคร
    Jul 2006
    กระทู้
    1,975

    Re: ................จักแม่นอุปโลค กะบ่บุ .........................

    กะปลาค่อนั้นละครับแต่ว่ามันโตน้อยกั่วปลาค่อ คล้ายๆปลาชะโดนั้นละครับแต่โตบ่ไหย่ แต่ว่าปลาค่อกั้งนี้แม่ลุกอ่อนกินบ่ได้เด่ะมันผิดกะบูนผุเฒ่าเผิ่นว่า ส่วนมากเขาชิบ่นิยมกินกันครับ ชั่นดอกว๊า อิอิ

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ................จักแม่นอุปโลค กะบ่บุ .........................

    เรื่องความหมายอุปโลค โขกให้แตกแยกเป็นส่วน ขอเชิญชวญหมู่เจ้าให้มาเว้าเบิ่งฮอย
    แนวว่าเขียดจะนาน้อย คอนกะต่าไปเก็บเห็ด คือจั่งคนบ้านเฮาเฮ็ด เผิ่นแล่นหนีเข้าเมืองฟ้า (คนต่างจังหวัด แห่เข้าทำงานเหมืองหลวงมากมาย)
    ซุมเห็ดผอกะคือว่า ข้าวอยู่นาหม่องเก่า ก่นฮูหนีพวกเจ้า ยามอยากข้าวกะซื้อกิน (จากเคยทำนามีข้าวกิน ต้องมาซื้อกินเอง)
    ไฝ่ถวิลหวังโชคลาภ คือละงำนำปลาค่อ ซุมนี้มักเรียนต่อ เรียนด๊อกเตอร์เต็มบ้าน งานการซ้ำกะบ่มี (พวกสร้างโครงการณ์ใหญ่ ๆ หวังจะได้เงินเยอะ ๆ ในอนาคต อยากส์)
    มวลแมงดาหมู่นี้ คือผู้ชายหลายคนอยู่ เผิ่นต้องดูลูกออ่นน้อย เมียเผิ่นจ้อยกะแล่นหนี (การย่าร้างสูงเป็นตาน่าย สังคมทุกวันนี้)
    คนขายแรงนั้นตี้ ซ่ำหอยโข่งไส้แห้งกิ่ว ผู้รับเหมาใจหวิว รับสับงานมาได้ เงินสิให้กะบ่มี (พวกรับงานมาส่งต่อผู้รับเหมา โกงกันหน้าด้าน ๆ )
    เบิ่งเอาโลดสู่มื้อนี้ เศรฐกิจพากันแกว่ง ค่าน้ำมันกะแพง ขึ้นจั่งน้ำก้นต้อน ผู้นอนให้แม่นหมู่เฮา (น้ำมันราคาแพง รถกะแฮ่งขายดี ถนนกะบ่มีให้แล่นต้องขึ้นทางด่วนจอบเอาเงิน)
    ซุมปลาเข็งคือหมู่เจ้า เติมน้ำมันแพงกะจ่าย กองทุนแห่งคักหลาย หลอยเอาเงินสู่เจ้า เผิ่นคอยเฝ้ารับเงิน (กองทุนน้ำมัน ราคาน้ำมันขึ้นอยู่กับบางประเทศ)
    ยางพาราเผิ่นเอิ้น กุ้งฝอยซ่าราคาดี หวังสิเป็นเศรษฐี พากันปลูก กันหลายแท้ (รัฐสนับสนุนปลูกยางพารา เห็นเขาว่าราคาดีนะ เขาซ่า ยังบ่ฮู้เลยว่าสิขายได้ซ่ำได๋แห่กันปลูก)
    เป็นหยังน้อคุณแม่ บ้าขอหวย หวังรวยเทพ ปานว่ากบเอ๊บ ๆ แห่แขวนเทพจตุคาม (มักคัก ห้อยท่านท้าวจตุคารามเทพ ซุมเฮ้ดของปลอมมาตั๋วขายหมู่เจ้าถูกใจหลาย บ้านำหวยกะพ่องนั้น)
    แนวคนทรามปลากระเดิด น้ำเหมิด บ่ตอกะโผล่ คตส. เผิ่นโร่ ไล่จับแจ้งจนชื่อเหม็น
    ขอความเห็นจากพวกท่าน ผมวิจารย์ที่เป็นข่าว ถ้าผิดถูกกะอย่าฟ้าว ด่าซ้ำกระน่ำเติม


  9. #9

    Re: ................จักแม่นอุปโลค กะบ่บุ .........................

    Re: ................จักแม่นอุปโลค กะบ่บุ ......................... กระทู้ต้นฉบับโดยคุณ ..บ่าวพลฯแอวอ่อน..
    กะปลาค่อนั้นละครับแต่ว่ามันโตน้อยกั่วปลาค่อ คล้ายๆปลาชะโดนั้นละครับแต่โตบ่ไหย่ แต่ว่าปลาค่อกั้งนี้แม่ลุกอ่อนกินบ่ได้เด่ะมันผิดกะบูนผุเฒ่าเผิ่นว่า ส่วนมากเขาชิบ่นิยมกินกันครับ ชั่นดอกว๊า อิอิ
    ข่อยนึกว่าแม่นปลาค่อย่านแดดแหมะ มันฮ้อนแลยกั้งฮ่ม

  10. #10
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963

    Re: ................จักแม่นอุปโลค กะบ่บุ .........................

    บะ....ข้นขึ้นกว่าเก่า...อดบ่ได้...ให้อีก ๑ โบกครับ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •