ไปตึกแหนำบ่าวจัยเด้อครับ หาแนวมากินเที่ยง

[บ่าวจัย]

เนื่่องจากช่วงสงกรานต์มีโอกาศเมือบ้านเลยชวนลุงกับหลานๆไปหาตึกแห
เล่นน้ำหนี้ฮ้อนจักหน่อยเนาะครับ นี้ละครับหม่องสิหาอยู่หากินมื้อนี้


มาฮอดกะเปลี่ยนเสื้อผ้า ลงไปฮื้อง่าไม้ขึ้นเนาะครับเดียวสิหว่านแหบ่ได้ หลายอิหลีต้นไผ่เป็นกอพุ้นละผมว่าฮ่าๆๆๆ


ผุยุเถิ่งฝั่งกะเตรียมน้ำมาแก้กระหายเนาะครับ


ยืนยันว่ามานำเขายุ และลงไปฮื้อง่าไม้เองพร้อม จนว่าตอนนนี้ดำบ่ทันเซายุฮ่าๆๆๆ(รึว่าดำยุแล้วว่ะ)


ยังบ่ใกล้สิเสร็จเลย สงสัยย้านเจ้าของเขามาเอาก่อนบ้อคือเอาลงมาหลายแท้
ปลาหลายอิหลีครับระหว่างที่เอาง่าไม้ขึ้นแล่นตำจนจุกพุ้นล่ะปลาเพิ่นกะดายฮ่าๆๆๆๆ


หัวเล็กเด็กน้อยกะลงนำ น้องเก่ง เก่งสมซื่ออิหลีครับเพิ่นนี้บ่จักย้านอิหยังเลยจับปลาเก่งอิหลี


ซ่อยกันคนละไม้คนละมือครับเดียวกะสิสำเร็จเอง


ฮื้อตะไม้กะสิเที่ยงแล้วครับ บ่แม่นสิได้กินแลงซะบ้อผมว่า ว่าสิหาไปกินเที่ยงมันสิแม่นบ่ละนิแหมะ


เสร็จแน่ละครับบาดนี้ รอบบ่อแล้วง่าสุดท้ายขึ้นฝั่งแล้ว


แหผืนแรกลงสู้ท้องน้ำ ลูกแหกายหัวผมไปหน่อยเดียวเกือบแตกแล้วครับฮ่าๆๆๆๆๆ