ขอบคุณแม่ลำซิ่ง แล้วกะเอื้อย อ้ายทุกคนเด้อจ้า ที่เข้ามาอ่านผญา แต้มผญานำกัน
พี่เอ๊ย...
เจ้าผุเขียวใบค้อ
ตั๋วให้รอแล้วเป็นอื่น
ยืนถ่าทางพ้อว้อ
ย้านรอเก้อสะเหล่อลม
พี่เอ๊ย....
เจ้าผุคมใบข้าว
เขียวเยาๆอยู่กลางท่ง
จิตประสงค์อยากดั้น
ลงคั้นไปใส่นา.....แท้น้อ
เจ้าผุเขียวใบหม่อนออนซอนนำแต่ควมเก่า
บ่อได้จาปากเว้าคือเป็นไข่สะเหม่นกาย
เจ้าผุสายทองสร้อยอยากสิออยไปเอ้แต่ง
เจ้าผุแพงค่าล้านอยากจาต้านไปส่อยแฮง
เจ้าผุแสงเดือนค้อยได้แต่งอยซานส่อง
เจ้าผุยองใยเนื้ออยากเพือข้างบ่อห่างคีง ....เดน้อ
อิ อิ อิ ......บ่าวหน้าลาวไปไส คือบ่อมาตอบน้อ....คันแข่วดอกว๋า
อ้ายเอ๊ย....
เจ้าผุเขียวใบมี่
คึดดีๆจั่งค่อยว่า
บาดสิลาจากน้อง
ยังได้ฮ้องได้เอ่ยลา
เจ้าผุเขียวใบหว่า
วาจาอย่าปิ้นเปลี่ยน
เฮือนยังคองป่องอ้า
ไว้ถ่าเจ้าอยู่ซุยาม....เด้อจ้า
เจ้าผุเขียวใบค้อบอกอ้ายรอจนว่าจ่อย
ผัดว่าไปมิดจ้อยพวมโค้งต่าวมา
เจ้าผุเขียวหมากหว่ากลางนากำลังหน่วย
ปากเจ้าหวานจ้วยๆ ว่าคองอ้ายแต่ผุเดียว
เจ้าผุเขียวใบกล้วยสวยพอเพลเข็ญใจอ้ายคนจ่อยๆ
เฮือนหอหลังน้อยๆ แม่นคองถ่าเผิ่นผุใด๋......นางเอย
เจ้าผุเขียวหางไหม้ไต่ไปจนสุดหง่า
ถ้าเสียทีไห้ต่าวมาหาอ้ายบ่ว่าหยัง
อ้ายนี้ยังถ่าน้องอยู่โกนแต้ดอกหม่องเก่า
ถ่ากะบ่เห็นเงา...น้องเจ้าสิต่าวคืน..ซันแล่ว..
5555..อดบ่ได้คือกันอ้ายจ่อย....ขอนำจักหน่อยเด้อ..
เจ้าผุพั่วดอกอ้ม แมนไผจ่มนำหา
ถึงเวลาสิไป ผัดอาลัยพะนางน้อง
สองเฮาเคยแปงส่าง ถางทางจนเกลี้ยงลิน
น้องมาผินอ่วยหน้า อำลาแล้วหม่อมพะนาง
หากหนทางยังโงโค้ง เลี้ยวลงมาทางเก่า
สิกลับมาทวงคำเว้า ที่เฮาได้กล่าวจา
ขออำลานางน้อง ถึงสองเฮาสิไกลห่าง
เหลียวมองทางมาหาน้อง สองตาอ้ายน้ำเอ่อนอง...หญ้านางเอ้ย
:l-:b-b ซวดๆ ให้อ้ายพลแหน่ครับ :l-:l-
สุดยอดเลยจ้า แต่ละคน อิอิ เอาอีกๆๆๆๆๆๆๆๆๆๆ
เจ้าผุเขียวใบส้ม
หวานคารมส้มเสี่ยวเหว่อ
คึดนำเธอผุญาอ้าย
อยากหมายซ้นกะหม่นหมาง
เจ้าผุเขียวใบท้าง
สาวหญ้านางถ่าจนหวิ่ง
เขียวกะถินยังคืนฮั้ว
แต่ตัวอ้ายมาหน่ายหลัง
แก้ไขครั้งสุดท้ายโดย หญ้านาง; 13-05-2011 at 21:06.
เห็นบ่ขะเจ้ามาต่อขบวนผญาเป็นทิวแถว :l-
เจ้าผุเขียวใบกล้วย..น้องคนสวยอ้ายอยากแว
อยากมาแลนางน้อง..มีคนข่องแนบ่นาง
สี่ห้องใจอ้ายยังว่าง..คอยปูทางให้นางส่อง
คองคอยน้องหมายจองเจ้ามาคู่เคียง..ได่บ่น้อนางเอ่ย
:l- เป็นพอซายจักน่อยก่อน
แก้ไขครั้งสุดท้ายโดย จำปา; 11-05-2011 at 20:50. เหตุผล: เติมผญาค่ะ อิอิ
เจ้าผุเขียวหญ้านางแล้งตกยามแลงอ้ายคึดฮ่ำ
ตกยามค่ำคิดเห็นตั้งแต่น้องผุคองถ่าจนว่าวิน
ยอดกระถินป่งดั้วอย่าตั๋วพี่ชายให้คิดต่อ
เครือขอฮอกะยังหวานจ้วยๆ ย้อนคำเว้าให้คึดนำ
อยากแล่นตำตอไม้สมหัวใจย้อนคายาก
ฝากไว้ก่อนน้องหล่าสิเอามาคั้นแกงหน่อหวาย....อิ อิ อิ
กฎการส่งข้อความ
อ้างข้อความนี้
Bookmarks