หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 22

หัวข้อ: ..ห้องสมุดหนอนแก้ว ณ ชายแดน..

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ..ห้องสมุดหนอนแก้ว ณ ชายแดน..


    อีกหนึ่งกิจกรรมค่ะพี่น้อง ที่น้อง

    เขมราฐเชิญพี่น้องบ้านมหามาร่วมเฮ็ดสิ่งดี ๆ ให้สังคมนำกัน กับการหยิบยื่นโอกาส

    ให้กับเด็กน้อยตามแนวตะเข็บชายแดน โดยการร่วมสร้างศูนย์การเรียนรู้เสริม

    พัฒนาการให้เด็กน้อย ความเป็นมาของโครงการนี้มาจากความบังเอิญล้วน ๆ ค่ะ คือ

    ยามว่างเว้นจากการเฮ็ดไฮ่ใส่นาแล้ว น้องเขมราฐกะนอนเว็นอยู่บ้านซื่อ ๆ ค่ะ แล้วมี

    เด็กน้อย แถวละแวกบ้านมาเล่นนำพอดีมีหนังสือนิทานอยู่ 2-3 เล่มเลยชวนเพิ่นมาหัด

    อ่านนำกัน แล้วเด็กน้อยกะมักค่ะ ชวนกันมาหลายขึ้น ด้วยความที่อยู่บ้านบ่มีเด็ก

    น้อย เฒ่าแม่เลยบ่คุ้นกับการมีเด็กน้อยมาเล่นอยู่เฮือน เพิ่นล่ะว่า “มึงกะพาเขาไปอยู่

    หม่องมันบ่มีคนเป็นหยัง” น้องเขมฯกะเลยหัวใสเกิดไอเดียเฮ็ดห้องสมุดขึ้นค่ะ พอคิดได้

    แล้วความคิดมันกะบ่หยุดแค่ห้องสมุด อยากให้หม่องนี้เป็นศูนย์รวมเด็กน้อย อยากให้มี

    ทั้งหนังสือนิทาน ของเล่นเสริมพัฒนาการ มุมศิลปะ และอื่น ๆ

    แล้วเห็นว่า ศาลากลางบ้าน เหมาะที่สุดเพราะว่ามีบริเวณกว้างขวาง มีห้องสำหรับเก็บ

    หนังสือ ปล่อยไว้กะฮกเฮื้อ บ่ค่อยได้ใช้ประโยชน์ แต่ต้องปรับปรุงก่อนนิดหนึ่งกะคือ

    จะใช้ได้แล้วค่ะ

    ..ห้องสมุดหนอนแก้ว ณ ชายแดน..

    ..ห้องสมุดหนอนแก้ว ณ ชายแดน..

    สภาพศาลากลางบ้านที่บ่ทันได้ปรับปรุงค่ะ งานนี้เด็ก ๆ ห่าวหลายค่ะ

    พี่หลินพาเฮ็ดหยังร่วมไปนำทุกเทื่อชื่นใจแฮงค่ะกับความกระตือรือร้นของเพิ่น

    ..ห้องสมุดหนอนแก้ว ณ ชายแดน..

    ..ห้องสมุดหนอนแก้ว ณ ชายแดน..

    ..ห้องสมุดหนอนแก้ว ณ ชายแดน..

    น้องเขมฯเลยปรึกษาหารือกับพ่อผู้ใหญ่ พ่อผู้ช่อย

    แล้วกะคณะกรรมการหมู่บ้าน ม.12

    เพิ่นกะเลยบอกว่าให้นัดประชาคมชาวบ้านว่าเพิ่นเห็นดีเห็นงามนำบ่

    แล้วกะยินยอมบ่ถ้าจะใช้ศาลากลางบ้านหม่องนี้เป็นห้องสมุด

    ปรากฏว่าใทบ้านเพิ่นเห็นดีนำทุกคน เพื่อลูกหลานของเพิ่น แล้วกเพิ่นกะนัดแนะกันว่า

    จะซ่อยกันปรับปรุงมื่อได๋ กะได้ขอสรุปว่าเป็นวันอาทิตย์ที่ 8 มาซ่อยกันปรับปรุงซ่อม

    แซมซ่อยกัน พ่อผู้ใหญ่กะประกาศหมากอะโหล..ป่าวประกาศให้เพิ่นมาลงแรงซ่อยกัน

    ..ห้องสมุดหนอนแก้ว ณ ชายแดน..

    พอเพิ่นนัดแนะกันแล้วฝ่ายแม่ครัวกะนัดแนะเรื่องอาหารการกินพร้อมเลยค่ะ เฒ่าแม่รับหน้าที่แม่ครัวใหญ่เองเลยค่ะ :l-

    น้องเขมฯชื่นใจกับความพร้อมเพรียงเฮียงหน้าของใทบ้าน

    **เดี๋่ยวมาต่ออีกค่ะ...


    ค่ะ
    แก้ไขครั้งสุดท้ายโดย เขมราฐ; 29-06-2011 at 08:28.

  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    เข้ามาสนับสนุนแนวคิดนี้ครับน้องเขมฯ
    อ้ายเต็มฯจำได้ว่า ได้เป็นธุระให้ ผจก.ไปรอบหนึ่งแล้วครับ
    คงจะมีรอบสองตามมาแท้ๆละครับ ซั่นดอกว๊า...

  3. #3
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ..บรรยากาศมื่อเฮ็ดเวียกซ่อยกัน..

    ก่อนที่น้องเขมฯ จะลงมือเฮ็ด

    โครงการนี้น้องเขมฯ กะเว้าให้เอื้อยอ้ายบ้านมหาบางคนเพิ่นได้รับทราบเพิ่นกะร่วมด้วย

    ช่วยกันมาค่ะ แรกเริ่มน้องเขมฯ ตั้งใจไว้ว่าจะบ่รับเป็นปัจจัย ขอรับเป็นสิ่งของแทน

    ค่ะ แต่มีเอื้อยทางญี่ปุ่นว่า สิให้เอื้อยส่งของขึ้นเครื่องบินไปให้ได้จั่งได๋

    เพิ่นเลยซ่อยเป็นปัจจัยมาจำนวนหนึ่ง เลยได้เป็นค่ากับข้าว ค่าน้ำ มื่อเฮ็ดเวียกซ่อย

    กัน แล้วเอื้อย PJ ขามป้อม ให้หนังสือนิทานอีสปมา 2 เล่ม และมีเอื้อย อ้ายอีก

    หลายท่านเพิ่นแจ้งความประสงค์สนับสนุนหนังสือทางหลังไมด์กับน้องเขมฯ นำค่ะ

    แล้วมื่อลงเฮ็ดเวียกอีหลีกะมีผู้ใหญ่ใจดีเพิ่นอนุเคราะห์สี และค่าอาหารเพิ่มมาอีกจำนวน

    หนึ่ง ในนามหัวหน้าเด็กน้อยขอบคุณหลาย ๆ ค่ะ

    ..บรรยากาศมื่อเฮ็ดเวียกซ่อยกัน..

    เช้าวันอาทิตย์ที่ 8 เวลานัดหมาย พ่อผู้ใหญ่ ผู้ซ่อย สารวัตรกำนัน

    ลูกบ้าน กะถือมีพร้า หมากจก หมากเสียมมาซ่อยกัน

    ..บรรยากาศมื่อเฮ็ดเวียกซ่อยกัน..

    ..บรรยากาศมื่อเฮ็ดเวียกซ่อยกัน..

    น้องตาล กับน้องน๊อต กะมาซ่อยแต่เช้าคือกันค่ะ

    พากันขัดถู ล้างออกให้เบิด พากันเขียนจิตรกรรมฝาผนังหยังไว้ จัดการให้เรียบร้อย

    ..บรรยากาศมื่อเฮ็ดเวียกซ่อยกัน..


    ผู้ซ่อยบุญ กำลังเตรียมผสมสีที่ผู้ใหญ่ใจดีเพิ่นอนุเคราะห์มาค่ะ

    ..บรรยากาศมื่อเฮ็ดเวียกซ่อยกัน..

    แม่น้องน๊อต น้าน้อยกะมาซ่อยปัดกวาดนำค่ะ

    ..บรรยากาศมื่อเฮ็ดเวียกซ่อยกัน..

    จัดการใส่เสื้อผ้าใหม่ให้ห้องสมุดของเฮา.. ได้สีชมพูอ่องต่อง เป็นตาแซ่บขนาดค่ะ
    แก้ไขครั้งสุดท้ายโดย เขมราฐ; 09-05-2011 at 10:32.

  4. #4
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,549
    บล็อก
    5

    ขอปรบมือให้ นักพํฒนาชุมชนตัวอย่าง

    ยายดีใจด้วยกับดินแดนแนวตะเข็บชายแดนที่ยังมีคนดีมีฝีมือ"หัวหลิน"นักพัฒนาชุมชนดีเด่นที่กล้าคิดกล้าทำสิ่งดีๆ ยายยินดีและเต็มใจร่วมด้วยช่วยกันเพื่ออนาคตของบุตรหลานที่จะได้ใช้เวลาว่างให้เกิดประโยชน์ ส่งเสริมให้เด็กรักการอ่าน(แทนที่มันสิไปเล่นบักลี่ +ติดเกม)ขอให้ประสบความสำเร็จในเร็ววันนะคะ หัวหลิน นักพํฒนาตัวน้อยของยาย หลินสู้ๆฝากบอกพี่น้องบ้านมหาที่มีหนังสือดีๆบ่ต้องเอาไปสั่งกิโลขายเด้อขอไปให้เด็กบ้านนอกตาดำๆได้อ่านเพื่อเป็นอาหารสมองแหน่เด้อจ้า ธุจ้า
    ปล.ยายเตรียมหนังสือไว้แล้ววันที่ 14 จะเอาไปให้จ้า

  5. #5
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    วันที่ 14 จะฝากหนังสือไปบางส่วนเด้อจ้า น้องหลิน รวบรวมไว้เรียบร้อยแล้ว จากที่คุยวันนั้นค่ะ

    หนังสือการ์ตูน พอดีขนไปบริจาคบ่อยๆ ก็เลยเหลือน้อยแล้วค่ะ แต่มีหนังสือที่เป็นสื่อการสอนที่เป็นประโยชน์สำหรับเด็กอยู่จำนวนหนึ่งค่ะ สนับสนุนค่ะโครงการดีๆ แบบนี้ ถ้ามีโอกาสจะไปเยี่ยมเยียนอีกแน่นอนค่ะ

  6. #6
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    เรื่องฮิตน่าอ่าน

    เห็นผู้ปกครอง พ่อแม่พี่น้องเพิ่นมากันซ่อยกันคนละไม้ละมือแล้วกะดีใจนำจ้าน้องหล่า
    เด็กน้อยกะซงมีความสุขหลาย พากันห่าวคัก ตอนนี้เอื้อยกะบ่ได้นิ่งนอนใจเด้อจ้า บอกหมู่พวกไปแหน่แล้วล่ะเกี่ยวกับหนังสือ
    ถ้ามีอีกกะสิส่งไปอีกเรื่อยๆจ้าน้องหล่า คึดพ้อตอนเจ้าของเป็นเด็กน้อย
    มักอ่านหนังสือ แต่กะบ่มีอ่าน ไปหาอ่านนำถุงกล้วยทอด กระดาษหนังสือพิมพ์ที่คะเจ้าห่อของ อิอิ

    เป็นกำลังใจให้สาวภูธรแนวตะเข็บชายแดนคนเก่งแล้วกะสนับสนุนโครงการดีๆ แบบนี้เต็มที่เด้อจ้าน้องหล่า:l-

  7. #7
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ..บรรยากาศมื่อเฮ็ดเวียกซ่อยกัน..

    ผู้ใหญ่เพิ่นลงความเห็นว่าจะทาสี

    ใหม่ ซ่อมประตูห้องน้ำ แล้วกะเฮ็ดฮั้วให้เป็นสัดส่วนค่ะ พ่อผู้ใหญ่บ้านอนุเคราะห์ไม้

    ไผ่บ้านเฮ็ดฮั้ว หลักลูกตั้งพร้อมด้วยรถยนต์ขนไม้นำค่ะ ส่วนแรงงาน ใทบ้านแม่ป้า

    พ่อลุงกะมาซ่อยกันด้วยความเต็มใจค่ะมาเบิ่งการเฮ็ดงานซ่อยกันของใทบ้าน ม. 8 ของ

    น้องเขมฯค่ะ

    ..บรรยากาศมื่อเฮ็ดเวียกซ่อยกัน..

    ช่างสีจำเป็น ฝีมือพอใช้ได้ค่ะ

    ..บรรยากาศมื่อเฮ็ดเวียกซ่อยกัน..

    ฝ่ายผู้ใหญ่ กำลังเตรียมโตไปตัดไม้ไผ่อยู่นาพ่อผู้ใหญ่ค่ะ

    ..บรรยากาศมื่อเฮ็ดเวียกซ่อยกัน..

    พ่อสารวัตรกำนัน ขึ้นกอไม้ไผ่เองเลยค่ะ เยี่ยมจริง ๆ

    ..บรรยากาศมื่อเฮ็ดเวียกซ่อยกัน..

    ..บรรยากาศมื่อเฮ็ดเวียกซ่อยกัน..

    พ่อน้องแฮม พ่อน้องน๊อต กะมาซ่อยด้วยความเต็มใจค่ะ

    ..บรรยากาศมื่อเฮ็ดเวียกซ่อยกัน..

    ตัดไม้มากะขนลงซ่อยกันคนละไม้ละมือ ตอนนี้ฝ่ายทาสีกะทางเกือบแล้วล่ะค่ะ

    เฒ่าพ่อน้องเขมฯ สีข้าวแล้วกะลงมาซ่อยอีกแรงค่ะ

    บ้านน้องแฮม มาซ่อยเทิง พ่อ เทิงแม่ เทิงยาย ค่ะ



    ***ด้วยความเคารพค่ะคุณยาย หลินขอแก้ข่าวแหน่ค่ะ หลินบ่ได้เป็นนักพัฒนาชุมชนดอกค่ะ ..บรรยากาศมื่อเฮ็ดเวียกซ่อยกัน..
    หลินเป็นคนเฮ็ดรายรับรายจ่ายให้เพิ่นซื่อ ๆ ค่ะ บ่ได้เป็นนักพัฒนาชุมชนดอกค่ะ :l-

  8. #8
    ร่วมถ่ายทอดความรู้สู่สังคม สัญลักษณ์ของ ฮักณ.ทุ่งใหญ่
    วันที่สมัคร
    Jan 2011
    กระทู้
    537
    ซวดๆให่กิจกรรมดีๆจังซี่ครับ เป็นกิจกรรมที่ดีเห็นแล้วชื่นใจนำครับ ถ้ามีโอกาสสิช่วยเรื่องหนังสือดอกเด้อครับน้องหลิน

  9. #9
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ..บรรยากาศมื่อเฮ็ดเวียกซ่อยกัน..

    เบิ่งการเฮ็ดงานอยู่หน้างานแล้วมาเบิ่งการทำงานของฝ่ายเสบียงนำค่ะ

    ..บรรยากาศมื่อเฮ็ดเวียกซ่อยกัน..

    เฒ่าแม่ กับน้าเต้ากำลังเตรียมกับข้าวอย่างขมักเขม่น ครัว

    ..บรรยากาศมื่อเฮ็ดเวียกซ่อยกัน..

    ป้าลา อ.หวิน และเฒ่าแม่ อนุเคราะห์หน่อไม้มาคนละเล็กละน้อย
    จนได้หน่อไม้หม้อนี่ค่ะ

    ..บรรยากาศมื่อเฮ็ดเวียกซ่อยกัน..

    เบิ่งปาเกียวชกแล้ว พักกินข้าวเที่ยงกันก่อนเด้อค่ะ จั่งมาต่ออีกรอบบ่าย

    อาหารการกิน มีแกงหน่อไม้ ต้มไก่ ข้าวปุ้น แล้วที่ขาดบ่ได้คือตำหมากหุ่งค่ะ

    ..บรรยากาศมื่อเฮ็ดเวียกซ่อยกัน..

    เด็กน้อยบ้านนอก ผู้ใหญ่กินหยังได้ เด็กน้อยกะต้องกินได้นำค่ะ

    แกงหน่อไม้ ตำหมากหุ่ง บ่มีคำว่าเผ็ดให้ได้ยินเลยค่ะ

    ..บรรยากาศมื่อเฮ็ดเวียกซ่อยกัน..

    ..บรรยากาศมื่อเฮ็ดเวียกซ่อยกัน..

    ..บรรยากาศมื่อเฮ็ดเวียกซ่อยกัน..

    แต่สำหรับสองคนนี้ กินหยังนำหมู่บ่ทันได้กินข้าวปุ้นเปล่าไปก่อน

    การแบ่งปัน ความเอื้อเฟื้อ เป็นสิ่งที่ปลูกฝังให้เด็กน้อยได้แต่ยังน้อย ๆ ค่ะ ..บรรยากาศมื่อเฮ็ดเวียกซ่อยกัน..

  10. #10
    จั่งซี่แหน่แหม๋ ขอปรบมือให้ ครับ น้องหลิน เยี่ยมจริงๆ เด่วสิพาจุ้มสวนอ้อย ไปสมทบทีหลังเด้อ น้องหลิน

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •