กำลังแสดงผล 1 ถึง 8 จากทั้งหมด 8

หัวข้อ: ซากรัก..ที่บึงพลาญชัย

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    เศร้าซึม ซากรัก..ที่บึงพลาญชัย

    ฟายน้ำตามาก้มไหว้ศาลเจ้าพ่อหลักเมือง
    หม่องที่เฮาสองคนมากล่าวบนวอนไหว้
    ให้เฮาสองมีใจมั่นฮักต่อกันมั่นแก่น
    แฟนเอ๋ยแฟนมื้อนี้เจ้าหนีหน้าห่างหาย
    เจ้านั้นตั๋วให้อ้ายคอยฮักอยู่ริมบึง
    โตเจ้าหนีลงกรุงบ่ห่วงใยพอน้อย
    บัวเอ้ยบัวลอยน้ำเจ้าซ่างงามปานฟ้าหยาด แท้น้อ
    บาดห่าใจของเจ้า ซ่างดำปี้ดั่งกา แท้แหล้ว
    อันว่าแนวนามเซื้อ หญิงยิงเรือ นี้ลืมง่าย จริงน้อ
    ไปเห็นใหม่แล้วมักหน้า เลยลาถิ่มผุอยู่หลัง
    วังเอ้ยวังเวินน้ำบึงพลาญเจ้าฮู้บ่
    มื้อนี้ขอเพิ่งเจ้าให้เซาซ้นพักพิง แหน่เด้อ
    หวังอยากลืมญิงเคยเว้า ขอเอาบึงเป็นที่เพิ่ง
    เอาชีวิตมาฝากไว้ ในน้ำแม่นที
    กลืนชีวีข่อยเถิดเจ้า เอาชีวีข่อยไปแหน่
    โลกนี้สาวบ่แล สิขอลานารถน้อง ไปรอถ่าชาติสิมา ก่อนเด้อ...(เศร้าจัง)


  2. #2
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625
    อย่าสุไปคิดสั้นจั่ง๙น น้องบ่าว สาวบ้านมหาแตกอยู่คือหมู่ไก่นี่ตั้ว

  3. #3
    แบ่งปันความรู้และประสบการณ์ สัญลักษณ์ของ aobab1980
    วันที่สมัคร
    Oct 2008
    กระทู้
    117
    โดดน้ำลงไปถ่าโลด แข้มันบ่กินซุมเดียวกันดอก หรือเอาเชือกบ่ หรือสิเอามีดฝนไว้หลายเล่มอยู่

  4. #4
    ร่วมถ่ายทอดความรู้สู่สังคม
    ช่างภาพอิสระ
    สัญลักษณ์ของ ดอกมันปลา
    วันที่สมัคร
    Sep 2008
    ที่อยู่
    Roi Et City
    กระทู้
    318
    อ่ะสะฟ้าวไปโดดเด้อจ้า ให้กะเจ้าฮื้อบึงแล้วก่อนจ้า
    คนสิบ่กล้าไปฮื้อบึงให้แล้ว........อ้าย

  5. #5
    อ่ะป๊าส...
    สำเนียงเสียงชายเว้า
    ปานจักเลาเอาตอกต่อ
    เครือกอฮอตั๋วตาลน้อย
    ให้พลอยม้างห่างฤทัย
    อ้ายเอ๊ย....
    บึงตั๋วไหลไพตั๋วหญ้า
    วาจาอ้ายตั๋วก่อน
    ออนซอนนำยามอยากเว้า
    สิตั๋วเข้าใส่บ่อนนอน
    อ้ายเอ๊ย....
    อย่าสิตายเถาะเนาะอ้าย
    มาย่างกายให้ตั๋วก่อน
    ตั๋วจนหัวขาวมอน
    ตั๋วจนหงอนออกข้าง
    ทางน้องจั่งสิเซา......
    ดอกจร้า มาเว้าม่วนนำเด้อจ้า อ้าย

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ตอบน้อง หญ้านาง

    หญ้านางเอ้ย...
    คำของอ้าย มีแต่จริง บ่หลอนหลอก ดอกเด้อ
    ปากจั่งใด๋ ใจจั่งซั่น บ่มีหม่ายหล่ายหลง
    ดงเป็นดง ไม้เป็นไม้ ใจเป็นใจ เที่ยงเป็นเที่ยง
    บ่มีเหยี่ยงไปใส่ซ้าย บ่มีย้ายไปใส่ขวา
    บ่เคยตั๋ว บ่เคยต้ม บ่เคยแปลงคารม ให้คนหล่มคนเซื่อ ดอกหล่า
    มีแต่เนื้อล้วนล้วน บ่มีน้ำให้ล่องลอย
    กลอยใจเอ้ยนางน้อง อยากลองตั๋วเบิ่งจักหว่าง ซั่นบ้อ
    เอาแมะนาง ลองเบิ่งแมะ ไผสิแน่ กว่าไผ ....5555
    ตอบน้อง หญ้านาง:l-ตอบน้อง หญ้านาง
    อย่าถือซาเด้อจ้าน้องหญ้านาง ว่าไปตามกลอนสาก่อนเนาะจ้าเนาะ55555

  7. #7
    5555555555555 มาส่างว่าแท้อ้าย

    อ้ายเอ๊ย....
    อันว่าตั๋วๆนี้
    ไผเป็นผีกะหลอกก่อน
    ตั๋วทางกก
    หมกทางดอน
    หลอนเล่นกะเหล่าตั๋ว
    อ้ายเอ๊ย.....
    นางนี้แนวนามไม้
    ตั๋วไผบ่เป็นก่อน
    ย้านแต่ดอนมาตั๋วหญ้า
    ป่าคามาตั๋วท่ง
    ย้านแต่หลงคารม
    หลงตายนำคำเว้า
    ชายเจ้ามาเหล่าตั๋ว..
    ...นั้นแล้ววววววววว
    แก้ไขครั้งสุดท้ายโดย หญ้านาง; 14-05-2011 at 20:13. เหตุผล: ซ้ำคำ

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    บ่ตั๋ว

    หล่าเอ้ย อ้ายนี่ซายแท้แท้ บ่มีแฮ่มาปนดอก
    อย่ากังวลในใจ ว่าซายนี่มาต้ม
    จาคารมออกไปนั้น ของจริงสัจเที่ยง
    บ่แม่นเกลี้ยงปากหม้อ ขังข้อปากกระทอ
    บ่เคยตั๋วหลอกเล่น คืออีเหน หลอกไก่ ดอกเด้อ
    แนวว่าคนใหญ่แล้ว สิตั๋วเล่นหากบ่คือ ดอกหญ้านางเอ้ย
    :l-:l-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •