ซากรัก..ที่บึงพลาญชัย

[หนุ่มหน้าลาว]

ฟายน้ำตามาก้มไหว้ศาลเจ้าพ่อหลักเมือง
หม่องที่เฮาสองคนมากล่าวบนวอนไหว้
ให้เฮาสองมีใจมั่นฮักต่อกันมั่นแก่น
แฟนเอ๋ยแฟนมื้อนี้เจ้าหนีหน้าห่างหาย
เจ้านั้นตั๋วให้อ้ายคอยฮักอยู่ริมบึง
โตเจ้าหนีลงกรุงบ่ห่วงใยพอน้อย
บัวเอ้ยบัวลอยน้ำเจ้าซ่างงามปานฟ้าหยาด แท้น้อ
บาดห่าใจของเจ้า ซ่างดำปี้ดั่งกา แท้แหล้ว
อันว่าแนวนามเซื้อ หญิงยิงเรือ นี้ลืมง่าย จริงน้อ
ไปเห็นใหม่แล้วมักหน้า เลยลาถิ่มผุอยู่หลัง
วังเอ้ยวังเวินน้ำบึงพลาญเจ้าฮู้บ่
มื้อนี้ขอเพิ่งเจ้าให้เซาซ้นพักพิง แหน่เด้อ
หวังอยากลืมญิงเคยเว้า ขอเอาบึงเป็นที่เพิ่ง
เอาชีวิตมาฝากไว้ ในน้ำแม่นที
กลืนชีวีข่อยเถิดเจ้า เอาชีวีข่อยไปแหน่
โลกนี้สาวบ่แล สิขอลานารถน้อง ไปรอถ่าชาติสิมา ก่อนเด้อ...(เศร้าจัง)

[คนพนมไพร]

อย่าสุไปคิดสั้นจั่ง๙น น้องบ่าว สาวบ้านมหาแตกอยู่คือหมู่ไก่นี่ตั้ว

[aobab1980]

โดดน้ำลงไปถ่าโลด แข้มันบ่กินซุมเดียวกันดอก หรือเอาเชือกบ่ หรือสิเอามีดฝนไว้หลายเล่มอยู่

[ดอกมันปลา]

อ่ะสะฟ้าวไปโดดเด้อจ้า ให้กะเจ้าฮื้อบึงแล้วก่อนจ้า
คนสิบ่กล้าไปฮื้อบึงให้แล้ว........อ้าย

[หญ้านาง]

อ่ะป๊าส...
สำเนียงเสียงชายเว้า
ปานจักเลาเอาตอกต่อ
เครือกอฮอตั๋วตาลน้อย
ให้พลอยม้างห่างฤทัย
อ้ายเอ๊ย....
บึงตั๋วไหลไพตั๋วหญ้า
วาจาอ้ายตั๋วก่อน
ออนซอนนำยามอยากเว้า
สิตั๋วเข้าใส่บ่อนนอน
อ้ายเอ๊ย....
อย่าสิตายเถาะเนาะอ้าย
มาย่างกายให้ตั๋วก่อน
ตั๋วจนหัวขาวมอน
ตั๋วจนหงอนออกข้าง
ทางน้องจั่งสิเซา......ดอกจร้า มาเว้าม่วนนำเด้อจ้า อ้าย

[หนุ่มหน้าลาว]

หญ้านางเอ้ย...
คำของอ้าย มีแต่จริง บ่หลอนหลอก ดอกเด้อ
ปากจั่งใด๋ ใจจั่งซั่น บ่มีหม่ายหล่ายหลง
ดงเป็นดง ไม้เป็นไม้ ใจเป็นใจ เที่ยงเป็นเที่ยง
บ่มีเหยี่ยงไปใส่ซ้าย บ่มีย้ายไปใส่ขวา
บ่เคยตั๋ว บ่เคยต้ม บ่เคยแปลงคารม ให้คนหล่มคนเซื่อ ดอกหล่า
มีแต่เนื้อล้วนล้วน บ่มีน้ำให้ล่องลอย
กลอยใจเอ้ยนางน้อง อยากลองตั๋วเบิ่งจักหว่าง ซั่นบ้อ
เอาแมะนาง ลองเบิ่งแมะ ไผสิแน่ กว่าไผ ....5555
:l-

อย่าถือซาเด้อจ้าน้องหญ้านาง ว่าไปตามกลอนสาก่อนเนาะจ้าเนาะ55555

[หญ้านาง]

5555555555555 มาส่างว่าแท้อ้าย

อ้ายเอ๊ย....
อันว่าตั๋วๆนี้
ไผเป็นผีกะหลอกก่อน
ตั๋วทางกก
หมกทางดอน
หลอนเล่นกะเหล่าตั๋ว
อ้ายเอ๊ย.....
นางนี้แนวนามไม้
ตั๋วไผบ่เป็นก่อน
ย้านแต่ดอนมาตั๋วหญ้า
ป่าคามาตั๋วท่ง
ย้านแต่หลงคารม
หลงตายนำคำเว้า
ชายเจ้ามาเหล่าตั๋ว.....นั้นแล้ววววววววว

[หนุ่มหน้าลาว]

หล่าเอ้ย อ้ายนี่ซายแท้แท้ บ่มีแฮ่มาปนดอก
อย่ากังวลในใจ ว่าซายนี่มาต้ม
จาคารมออกไปนั้น ของจริงสัจเที่ยง
บ่แม่นเกลี้ยงปากหม้อ ขังข้อปากกระทอ
บ่เคยตั๋วหลอกเล่น คืออีเหน หลอกไก่ ดอกเด้อ
แนวว่าคนใหญ่แล้ว สิตั๋วเล่นหากบ่คือ ดอกหญ้านางเอ้ย
:l-:l-:l-