แม่นเจ้าเหมื่อยซ๋ำได๋หล่า เดินเคียงบ่าฝ่าความจน ตากแดดฝนทนลมหนาว ตั้งแต่คราวมาเคียงอ้าย
สู้ทุกข์หลายย่านเธอท้อ น้ำตาคลอยามไหวหวั่น กุมมือกันปันทุกข์บ้าง วางรอยยิ้มให้อิ่มใจ (เบิ่งแน่เด้อ)
เหมื่อยซ่ำได๋อายยังสู้ เก็บแฮงดู๋ไว้ฟันฝ่า โชคชาตาสิกางกั้น อีกพันเที่ยวกะแม่นยอม
ดอกฮักหอมบ่เคยแล้ว ยืนตรงแถวความสัตย์ซื่อ เช้าแลงงายแต่ละมื้อ คือฮักเพิ่มแต่ละวัน
เข้าใจกันเนาะน้องหล่า ในเมื่อว่ายังควงแขน สิ่งทดแทนคือหัวใจ บ่ฮักไผมีเพียงเจ้า
คอยบรรเทายามอ้ายท้อ กลายเป็นหมอยามจ็บป่วย แม่นบ่สวยปานนางฟ้า กะมีค่ากว่าสิ่งได๋
ขอขอบใจหลายเด้อหล่า ที่ฮักคนธรรมดาคืออ้าย
[4SHARED]http://www.google.co.th/embed/255106997/4e8b3049[/4SHARED]
" ขอบคุณสมาชิก เก่าใหม่ที่ทักทายกันมื้องานเปิดตัวศิลปิน"เติมฝันปั้นดาว"เด้อครับ อ้ายเอื้อยน้องทั้งหลายที่ชื่นชมในผลงาน ที่บอกผมว่าหายหน้าไป
กะบ่ได้หายไปไสครับ แต่ศิลปินบ้านเฮาหลายขึ้น รูปแบบกลอนลาว กะอยากให้พี่น้องได้รับอรรถรสจากผู้อื่นเบิ่งนำครับ คนเขียนเก่า ๆ อ่านแล้ว รูปแบบ วิธี ลีลา
สำหรับการเขียนกะอาจจะซ้ำซาก ผมกะต้องให้อ้าย ๆ น้อง ๆ เผิ่นได้ปล่อยผลงาน ออกมาแบ่งกันครับผม ขอบคุณครับ สำหรับความคิดฮอดกัน
ขอบคุณอ้ายบ่าวเซียงน้อย ที่นำย้อง นำเชียร์ กับทุกเทื่อที่พ้อหน้าครับผม"
Bookmarks