หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: มื้อหยุดสงกรานต์ มีแต่กินแล้วกะกิน

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    พบปะพูดคุย มื้อหยุดสงกรานต์ มีแต่กินแล้วกะกิน

    สวัสดีเอื้อย อ้าย พี่น้องบ้านมหาซู่คนจ้า มื้อนี้ได้เวลาปล่อยกระทู้ดองเค็มเนาะจ้า เพราะแนวอยู่แนวกินในกระทู้นี้เป็นช่วงวันหยุดสงกรานต์พอดี
    พี่น้องหลายๆ ท่านอาจสิได้เดินทางกลับคืนถิ่นฐานบ้านเกิดเฮาเนาะ แต่ขามป้อมกะเฝ้าเกาะไปตามระเบียบจ้า ลังเทื่อคะเจ้าปันมูลให้ อิอิ

    สงกรานต์เกาะสมุยปีนี้ เงียบเหงาคักจ้า เพราะว่าก่อนหน้านั้นกะมีพายุเข้า แล้วกะน้ำท่วมเนาะจ้า ถนนหนทางที่สิเดินทางมาทางภาคใต้กะเสียหาย
    แล้วกะเฮ็ดให้การเดินทางลงมาบ่สะดวกปานได๋ นักท่องเที่ยวบ่มีเลยจ้า ขามป้อมเองกะบ่ได้ออกไปเก็บภาพบรรยากาศมาฝากพี่น้องเลย
    ย้อนว่า คายากนำกิน โอ๊ะ บ่แม่นจ้า คายากทำความสะอาดออฟฟิศ กับห้องพักจากผลกระทบของพายุเข้า พลังงานเบิดไป กะต้องหาแนวกินจ้าพี่น้อง



    มื้อหยุดสงกรานต์ มีแต่กินแล้วกะกิน


    น้ำเฮลบลูบอย+โซดา หวานๆ เย็นๆ ซาบซ่า +อ่อมเครื่องในไก่ เมนูล้างตู้เย็นกับวัตถุดิบสำมะปิ



    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน


    มื้อหยุดสงกรานต์ มีแต่กินแล้วกะกิน


    มื้อหยุดสงกรานต์ มีแต่กินแล้วกะกิน


    ตกแลงมาเชฟข้าวเหนียวกะหมูปิ้ง เพิ่นมากินข้าวแลงนำ กับเมนูเบาๆ (ตำซั่วเบาหม่องได๋)บ่หนักท้องพานะ แต่กินแล้วจุกอย่างคัก อิอิ




    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน



    มื้อต่อมาเชฟยากนำแขก บ่ได้มากินนำ กะกินคนเดียวตามปกติ กับเมนูง่ายๆ ซุบหน่อไม้ส้มเฒ่าพ่อ ได้ฤกษ์เปิดไหแล้ว
    เพื่อบ่เป็นการแสบท้องหลาย กะทอดหมูกินกับจ้า คำเตือน เมนูนี้อาจทำให้ท่านเกิดอาการแสบหมากโหกได้ ฮ่าๆ




    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน


    ช่วงบ่ายเชฟโทรมาให้ออกไปกินข้าวนำกันแถวๆ โรงแรมเพิ่น ร้านอิสานตามสั่ง อิอิ เมนูเด็ดของร้านนี้ที่พากันลงมติให้เป็นจานโปรดกะคือ
    อ่อมซี่โครงหมูจ้า มักหม่องเพิ่นใส่ผักให้หลายๆ รสชาดจัดจ้าน ซดแล้วโล่งคอดี




    มื้อหยุดสงกรานต์ มีแต่กินแล้วกะกิน


    มื้อต่อมากระเพราหมูกรอบ@ศูนย์อาหารบิ๊กซี


    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน


    ตอนบ่ายๆ เชฟมาฮับไปหากินตำหุ่งปลาเผาแถวๆ เฉวง ปลาเผาโตใหญ่คักจ้าเนื้อแน่นดี กินเกือบบ่เบิด




    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน


    แลงๆ แกงไก่บ้านใส่หน่อไม้ส้มสู่เชฟกินจ้า แซบๆ กับตำหมากหุ่งใส่หมากกอก กินแล้วแสบท้องตาหน่าย

    มื้อหยุดสงกรานต์ มีแต่กินแล้วกะกิน

    มื้อหยุดสงกรานต์ มีแต่กินแล้วกะกิน


    ต้มซุปเปอร์ถ้วยนี้ ส่งการบ้านอ้ายบ่าวยางตลาดนำเด้อจ้า ปิดท้ายกับของหวานแบบบ้านๆ ที่ขาดบ่ได้เลย กล้วยอิออง
    หรือกล้วยน้ำว้าที่ต้องมีติดบ้านไว้ตลอดจ้า ของหวานมีประโยชน์ราคาประหยัด อิอิ

    ขอบคุณยาวๆ ไปหาศิษย์น้องจ่อยน้อยหลายๆจ้า สำหรับกล่องใส่กระดาษทิชชู่สีหวานๆ ตะฮักๆ
    ลูกค้าฝรั่งจอบสิลักของเจ้เมือบ้านหลายเทื่อแล้ว แล้วกะขอสารภาพนำว่า อันๆ กระต่าผักตบชวาที่มานำกัน
    ขึ้นราเบิดแล้ว ตะช่วงพายุเข้า เสียดายคัก ขออภัยหลายๆเด้อจ้าที่รักษาไว้บ่ได้ ซื้อมาฝากใหม่แหน่เด้อ อิอิ

    ขอบคุณพื้นที่ของบ้านมหาดอทคอม รวมถึงพี่น้องที่แวะเวียนมาในกระทู้จ้า พ้อกันใหม่ป้ายหน้าจ้า
    แก้ไขครั้งสุดท้ายโดย บักขามป้อม; 02-07-2011 at 11:39. เหตุผล: แก้ไขลิงค์รูปภาพค่ะ 02.07.2011

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31
    เจ้)))))))))))))) ขนาดติดเกาะช่วงพายุเด้นิ ปาดดดดดดดดดแนวกินเผิ่น หึย มีตะแนวแซบๆ เอาปิ้งไส้ไก่ มาแลกเลย เคียดละ ง๊ากกกส์ อยากกินแกงหน่อไม้ส้ม กับซุปหน่อไม้)))))))))))ออย

  3. #3
    แนวกินแมะมาเป็นตะสะออนแท้จ้า
    ว่าแล้วไปหาหยังกินก่อนจ้า สิเที่ยงละทางพี้
    ตักข้าว(เปล่า)มากับแนวกินขามป้อมนี้ละน้อจ้า
    เมื่อความจนผลักไส ดิ้นรนเท่าไรยิ่งไกลบ้าน

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อยากได่สูตรซุปหน่อไม้ส้มคัก บาดนิน้องขามป้อม..จัดมาๆน้อง..
    มองต่าง..อย่างปลง

  5. #5
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    มีแต่แนวแซบ ๆ ทั้งนั้นน้องขามป้อม เห็นแล้วหิวข้าวขึ้นมาทันที
    การที่จะประสบความสำเร็จได้ ต้องขึ้นอยู่กับความพยาม ความตั้งใจ สู้ฝ่าฟันอุปสรรคทุกอย่าง

  6. #6
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,157
    บล็อก
    6
    แนวอยากแนวกินมื้อสงกรานต์แมะ คือหลายแท้มีแต่แนวแซบๆเนาะครับ
    สงกรานต์อ้ายได้กินอยู่ขอนแก่นตลอด มีแบบเดียวกันนี้ละครับ
    ทั้งแซบ ทั้งม่วนสงกรานต์

    มื้อหน้าสิได้กินนำอยู่ดอกครับ มีแต่แนวแซบๆปานนี้เฮ็ดสู่อ้ายกินแหน่เด้อ

  7. #7
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    610
    บล็อก
    5

    สูตรซุบหน่อไม้ส้ม

    มาเด้อจ้าทองแพง มู๋น้อย อ้ายต่วง อ้ายเต็ม เอื้อยมิก กินข้าวนำกันจ้า

    ตอบเอื้อยมิกจ้า

    ซุบหน่อไม้ส้ม บ่มีสูตรตายโตจ้าเอื้อย บางคนกะต้มปลาเข็ง ต้มเขียดน้อย ต้มกบใสน้ำปลาแดกมาตำใส่นำจ้า กะสิข้นๆ นัวๆ จ้า
    ขั้นตอนการซุบกะคือ ล้างหน่อไม้ส้มแล้วกะเอามาต้มให้มันเซาฮึน เซาเฝื่อนจักหน่อย
    แม่นแท้ได้หน่อไม้ส้มที่หาก่อเฮ็ดใหม่ๆ บ่ทันได้ส้มปานได๋แห่งแซบจ้า

    แล้วเฮากะคั่วหรือจี่พริกสด แล้วเอามาตำๆ ใส่หน่อไม้ส้มที่ต้มสุกแล้วลงไป ผงชูรสหน่อยหลายแล้วแต่ผู้มักจ้า อะฟ้าวใส่น้ำปลาเด้อจ้า ซิมเบิ่งหน่อไม้ส้มก่อน มันมีรสเค็มอยู่แล้ว
    ใส่งาคั่วลงไป แล้วกะใส่หอมรวมจ้า สะระแหน่ หอมเป หอมป้อม หอมต้น แล้วแต่เฮาสิหาได้ บางคนกะใส่ยอดผักแป้น อันนั้นกะแห่งแซบจ้า

    เว้าเรื่องเมนูหน่อไม้ส้มนี้ เฒ่าแม่อยู่เฮือนเลาสิบอกเลยว่า บ่ถึกกันกับน้ำปลาแดกเด้อจ้า
    เพิ่นว่ามันกลิ่นคือขี้ไก่โป่ ถ้าซุบหน่อไม้ส้ม หรือแกงหน่อไม้ส้มถ้ามันจางอิหลีใส่เกลือจ้าเอื้อย แต่ว่ากะแล้วแต่ผู้มักคือว่าล่ะจ้า

    เพราะว่าเวลาไปซื้อซุบหน่อไม้ส้มนำร้านบางทีคะเจ้ากะใส่พริกผง บีบบักนาวใส่ไปจั่งซั่น เอ๋าบาดนี้ ลงมือได้แล้วจ้าเอื้อย แซบๆ เด้อจ้า :l-

  8. #8
    แบ่งปันความรู้และประสบการณ์ สัญลักษณ์ของ ๛หนุ่มบ้านไกล๛
    วันที่สมัคร
    Apr 2009
    กระทู้
    764
    บล็อก
    8
    ป้าด แต่ละเมนู กลืนน้ำลา เฮือกๆๆ

  9. #9
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    อ่อยยยยยยยยตาแซบแท่แนวกินแมะ แกงหน่อไหม้ส้ม ของมักๆๆๆๆ จักถ้วยแนน้องขามป้อม

  10. #10
    ศึกษาหาความรู้ สัญลักษณ์ของ สาวชัย
    วันที่สมัคร
    Nov 2010
    กระทู้
    34
    เอื้อยยยยยยยยย อิหล่าตักเอาตะตับไก่ หมูทอด กับต้มซุปเปอร์เด้อจ้า ต่อนหน่อไม้ส้มจ่งไว้ให้นู๋น้อย อิอิ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •